साताऱ्यात शेवगा प्रतिदहा किलो २०० ते ४०० रुपये

साताऱ्यात शेवगा प्रतिदहा किलो २०० ते ४०० रुपये
साताऱ्यात शेवगा प्रतिदहा किलो २०० ते ४०० रुपये

सातारा ः येथील कृषी उत्पन्न बाजार समितीत मंगळवारी (ता. २७) वांगी, ढोबळी मिरची, शेवगा, वाल घेवडा व कोथिंबीर तेजीत आहेत. शेवग्याची १५ क्विंटल आवक झाली असून दहा किलो शेवग्यास २०० ते ४०० रुपये असा दर मिळाला आहे. शेवग्यास रविवारच्या तुलनेत दहा किलो मागे ५० रुपयांची दरवाढ झाली असल्याची माहिती बाजार समितीच्या सूत्रांनी दिली.

वांग्याची नऊ क्विंटल आवक झाली असून दहा किलो वांग्यास १०० ते २०० असा दर मिळाला आहे. ढोबळी मिरचीची १६ क्विंटल आवक झाली असून दहा किलो ढोबळीस १५० ते २५० असा दर मिळाला आहे. वाल घेवड्याची एक क्विंटल आवक झाली असून दहा किलो घेवड्यास २०० ते ३५० असा दर मिळाला आहे.

वांगी, ढोबळी मिरची, वाल घेवड्यास दहा किलोमागे ५० रुपयांची दरवाढ झाली आहे. वाटाण्याची २३ क्विंटल आवक होऊन दहा किलो वाटाण्यास ३५० ते ४५० असा दर मिळाला आहे. पावट्याची १६ क्विंटल आवक झाली असून दहा किलो पावट्यास २०० ते ३०० असा दर मिळाला आहे.

गवारीची पाच क्विंटल आवक झाली असून दहा किवो गवारीस ३०० ते ४०० असा दर मिळाला आहे. भेंडीची १७ क्विंटल आवक होऊन दहा किलो भेंडीस २०० ते ३०० असा दर मिळाला आहे. काळा घेवड्याची एक क्विंटल आवक होऊन दहा किलो घेवड्यास ३०० ते ३५० असा दर मिळाला आहे. फ्लॅावरची १५ क्विंटल आवक होऊन दहा किलोस ८० ते १२० असा दर मिळाला आहे.

पालेभाज्यात मेथीचे दर स्थिर असून कोथिंबीर तेजीत आहेत. मेथीची १७०० क्विंटल आवक होऊन मेथीस शेकड्यास ५०० ते ८०० असा दर मिळाला आहे. कोथिंबिरीची २००० जुड्याची आवक होऊन कोथिंबिरीस शेकड्यास ४०० ते ६०० असा दर मिळाला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com