साताऱ्यात शेवगा प्रतिदहा किलो ४०० ते ५०० रुपये

सातारा ः येथील कृषी उत्पन्न बाजार समितीत मंगळवारी (ता. २५) शेवगा, टोमॅटो, फ्लॅावर, कारली तेजीत असून काळा घेवडा व मेथीच्या आवकेत वाढ झाली आहे. शेवग्याची चार क्विंटल आवक झाली असून, शेवग्यास दहा किलोस ४०० ते ५०० असा दर मिळाला आहे. शेवग्यास रविवारच्या (ता. २३) तुलनेत दहा किलो मागे शंभर रुपये दरवाढ झाली असल्याची माहिती बाजार समितीच्या सूत्रांनी दिली. 

टोमॅटोची १९ क्विंटल आवक झाली असून दहा किलोस १५० ते २२० असा दर मिळाला आहे. टोमॅटोस दहा किलो मागे ७० रुपयांची दरवाढ झाली आहे. फ्लॅावरची १५० क्विंटल आवक होऊन दहा किलो फ्लॅावरला १५० ते २०० असा दर मिळाला. कारल्याची एक क्विंटल आवक होऊन दहा किलोस ३०० ते ३५० असा दर मिळाला आहे. फ्लॅावर व कारल्यास दहा किलो मागे ५० रुपयांची दरवाढ मिळाली आहे. 

वाटण्याची ६८ क्विंटल आवक होऊन दहा किलोस २२० ते २८० असा दर मिळाला आहे. पावट्याची १५ क्विंटल आवक होऊन दहा किलोस ३०० ते ३५० असा दर मिळाला आहे. भेंडीची सात क्विंटल आवक होऊन दहा किलोस ३०० ते ३८० असा दर मिळाला आहे. वांग्याची ११ क्विंटल आवक होऊन दहा किलोस १५० ते २२० असा दर मिळाला आहे. 

वॉल घेवड्याची सहा क्विंटल आवक होऊन दहा किलोस २५० ते ३०० असा दर मिळाला आहे. भेंडीची सात क्विंटल आवक होऊन दहा किलोस ३०० ते ३८० असा दर मिळाला आहे. काळा घेवडा व मेथीच्या आवकेत वाढ आहे. काळा घेवड्याची एक क्विंटल आवक होऊन दहा किलोस ३०० ते ३५० असा दर मिळाला आहे. 

पालेभाज्यात मेथीच्या आवकेत वाढ आहे. मेथी दोन हजार जुड्यांची आवक झाली. मेथी शेकडा ७०० ते ८०० असा दर मिळाला आहे. कोथिंबिरीची २५०० जुड्याची आवक होऊन शेकड्यास ५०० ते ६०० असा दर मिळाला आहे.