सोलापूर जिल्ह्यात ऑनलाइन सातबाऱ्याचे काम जोरात

जिल्ह्यातील ११ लाख ८० हजार ३८३ पैकी आठ लाख ४१ हजार ३९८ सातबारा उतारे ऑनलाइन झाले आहेत. एक हजार १४४ गावांपैकी १३४ गावांत ९९ टक्के सातबारा उताऱ्याचे काम पूर्ण झाले. र्वरित गावांतील उताऱ्यांचे ऑनलाइनचे काम येत्या १५ ऑगस्टपर्यंत पूर्ण होईल. - अजित देशमुख, निवासी उपजिल्हाधिकारी
सोलापूर जिल्ह्यात ऑनलाइन सातबाऱ्याचे काम जोरात
सोलापूर जिल्ह्यात ऑनलाइन सातबाऱ्याचे काम जोरात

सोलापूर : जिल्ह्यात सातबारा उतारा ऑनलाइन करण्याचे काम जोरात सुरू आहे. जिल्ह्यातील अन्य तालुक्‍यांत जवळपास ७१ टक्के काम पूर्ण झाले आहे; पण उत्तर सोलापूर तालुक्‍याची सर्वाधिक पिछाडी दिसत आहे. या तालुक्‍यात केवळ २५ टक्केच काम झाले. हे काम कधी पूर्ण होणार, याबाबतही स्पष्टीकरण नसल्याने या तालुक्‍यातील शेतकऱ्यांना आणखी काही दिवस त्यासाठी प्रतीक्षा करावी लागणार आहे.

डिजिटल इंडियाच्या पार्श्‍वभूमीवर राज्याच्या महसूल खात्याने राज्यातील सर्व गावांमधील शेतकऱ्यांच्या जमिनीचे सातबारा उतारे ऑनलाइन उपलब्ध करून देण्याचे जाहीर केले होते. यापूर्वी २०१७ मधील स्वातंत्र्य दिनापर्यंत राज्यातील सर्व गावांतील शेतकऱ्यांच्या जमिनीचे सातबारा उतारे ऑनलाइन होणे अपेक्षित होते. अजूनही सातबारा उताऱ्याचे काम सुरूच आहे. 

दरम्यान, महसूलमंत्री चंद्रकांत पाटील यांनी मागील १ मेपासून ऑनलाइन सातबारा उतारा पूर्ण करण्याचे आदेश दिले होते; परंतु ते ऑनलाइन करण्याचे काम काही संपता संपत नाही.  उत्तर सोलापूर तालुक्‍यात एकूण एक लाख ३७ हजार ३५० सर्व्हे क्रमांक आहेत. त्यापैकी केवळ २५ टक्केच सातबारा उताऱ्याचे काम पूर्ण झाले. मंगळवेढा तालुका सर्वांत पुढे असून, आतापर्यंत ८५ टक्के कामे पूर्ण झाली आहेत. एक हजार १४४ पैकी १३४ गावांतील ऑनलाइन सातबारा उताऱ्याचे काम ९९ टक्के पूर्ण झाले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com