सेंद्रिय कर्ब वाढवून जमीन आणि पर्यावरण वाचवा

नाशिक : वातावरणातील बदलामुळे शेतीपुढे आव्हान उभे केले आहे. वातावरणातील कार्बन जास्तीत जास्त जमिनीत वापरून आपण या समस्येवर मात करू शकतो. सेंद्रिय कर्ब वाढविण्याकडे लक्ष द्या. पर्यावरण वाचवा, असे आवाहन ऑस्ट्रेलियातील ज्येष्ठ मृदाशास्त्रज्ञ डॉ. ग्रॅहम सेट यांनी केले. 

सह्याद्री फार्म्स यांच्या वतीने मोहाडी येथे ‘मातीचे आरोग्य आणि द्राक्ष पीक रोग प्रतिकारक्षमता’ या विषयावर बुधवारी (ता. ३१) व्याख्यान आयोजित करण्यात आले होते. या वेळी त्यांनी उपस्थित द्राक्ष उत्पादक शेतकऱ्यांना मार्गदर्शन केले. या वेळी राज्य द्राक्ष बागायतदार संघाचे नाशिक विभागाचे अध्यक्ष रवींद्र बोराडे, न्यूट्रिटेक सोल्यूशन कंपनीचे भारत प्रमुख श्री. झुनझुनवाला, सह्याद्री फार्मर प्रोड्यूसर कंपनीचे अध्यक्ष विलास शिंदे उपस्थित होते. 

डॉ. ग्रॅहम सेट म्हणाले, ‘‘कीटकनाशकांचे प्रमाण वाढत असताना त्यांचे आक्रमणही वाढते आहे. याबाबत अभ्यास केला असता याचा संबंध अन्नद्रव्य व्यवस्थापनाशी आहे हे लक्षात आले. जमिनीच्या वरचा थर हा चार ते पाच इंचाचा थर दरवर्षी वाहून जातो. हे जगभरात फार मोठ्या प्रमाणावर घडत आहेत.’’

या वेळी विलास शिंदे यांनी मागील वर्षीच्या हंगामाचा आढावा घेतला. रवींद्र बोराडे यांनी मार्गदर्शन केले. मंगेश भास्कर यांनी प्रास्ताविक केले. सचिन वाळुंज यांनी आभार मानले.

डॉ. ग्रॅहम सेट यांच्या व्याख्यानातील महत्त्वाचे मुद्दे