Agriculture news in Marathi Save soybean seeds for next season | Agrowon

पुढील हंगामासाठी सोयाबीन बियाणे राखून ठेवा

टीम अॅग्रोवन
बुधवार, 28 ऑक्टोबर 2020

खरीप हंगामासाठी शेतकऱ्यांना घरगुती बियाणे राखून ठेवण्यात अडचणी निर्माण झालेल्या आहेत. मात्र, ज्या शेतकऱ्यांनी पावसापूर्वी काढणी व मळणी केली आहे, अशा शेतकऱ्यांनी चांगल्या प्रतीचे वाण पुढील हंगामासाठी राखून ठेवावे, असे आवाहन जिल्हा अधिक्षक कृषी अधिकारी शंकर तोटावार यांनी केले.

वाशीम : जिल्ह्यात ऑक्टोबर महिन्यात अवेळी पाऊस सुरू झाल्याने सोयाबीन पीक भिजले असून वेळेत पिकाची मळणी होऊ शकली नाही. काही पीक काढणीअभावी शेतात उभे होते. तर कापणी करण्यात आलेले सोयाबीन मळणी अभावी शेतात उंच जागेवर झाकून ठेवलेले आहे. या सर्व बाबींवरून पुढील खरीप हंगामासाठी शेतकऱ्यांना घरगुती बियाणे राखून ठेवण्यात अडचणी निर्माण झालेल्या आहेत. मात्र, ज्या शेतकऱ्यांनी पावसापूर्वी काढणी व मळणी केली आहे, अशा शेतकऱ्यांनी चांगल्या प्रतीचे वाण पुढील हंगामासाठी राखून ठेवावे, असे आवाहन जिल्हा अधिक्षक कृषी अधिकारी शंकर तोटावार यांनी केले.

जिल्ह्यात ऑक्टोबर महिन्यात हवामान खात्याच्या अंदाजानुसार पाऊस पडण्याची शक्यता वर्तविण्यात आली  होती. शेतकऱ्यांना सूचना दिल्याने लवकर येणाऱ्या वाणाची काढणी व मळणी पावसापूर्वी काहींनी केली आहे. या सोयाबीन बियाणाची प्रत चांगली आहे. काढणीच्यावेळी सोयाबीन मधील आर्द्रता १४ ते १७ टक्के पर्यंत असते, असे बियाणे हलक्या उन्हात सुकवून आर्द्रता ९ ते १२ टक्क्यांपर्यंत आणावी. स्पायरल चाळणीमधून बियाणाची चाळणी करून घ्यावी. बियाण्यास बुरशीनाशक लावून कोरड्या हवेशीर जागेत गोणी बॅगमध्ये ३० ते ४० किलोचे पॅकिंग करून लाकडी फळ्यावर जमिनीपासून १० ते १५ सेंटीमीटर उंचीवर एकावर एक अशी पाच पोत्यांपर्यंत थप्पी लाऊन ठेवावी.

बियाण्याकरिता वापर करावयाच्या सोयाबीनची कमीत कमी आदळ-आपट होईल, याची काळजी घ्यावी. सोयाबीनची साठवणूक करताना रासायनिक खताचा संपर्क येणार नाही याची काळजी घेऊन वेगळ्या ठिकाणी साठवणूक करावी. साठवणुकीपूर्वी बियाण्याची उगवण क्षमता तपासावी. ७० टक्क्यांपेक्षा अधिक उगवण क्षमता असल्यास, असे बियाणे साठवणूक करून ठेवावे. सद्यःस्थितीत सोयाबीनचे बाजारातील विक्रीचे दर दिवसेंदिवस वाढत असल्यामुळे शेतकऱ्यांचा सोयाबीन विक्री करण्याकडे कल आहे. परंतु, आता विक्रीची घाई केल्यास पुढील हंगामाकरिता हेच सोयाबीन ७५०० ते ८००० रुपये दराने बियाणे म्हणून खरेदी करावे लागेल.

बियाणे राखून ठेवल्यास बचत होणार
सध्या याबाबत खबरदारी घेतल्यास शेतकऱ्याच्या निविष्ठांवरील प्रतिक्विंटल रुपये ३५०० ते ४००० ची बचत होऊ शकते. यासाठी ज्या शेतकऱ्यांकडे पावसापूर्वी काढणी, मळणी करून ठेवलेले सोयाबीन असेल, अशा शेतकऱ्यांनी सोयाबीनची विक्री न करता पुढील हंगामासाठी बियाणे राखून ठेवण्याची सूचना जिल्हा प्रशासनातर्फे करण्यात आली आहे.


इतर ताज्या घडामोडी
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...
राष्ट्रीयीकृत बँकांच्या मदतीने...नाशिक : नाशिक जिल्हा बॅंकेच्या माध्यमातून कर्ज...
‘किसानपुत्र आंदोलन’कडून काळ्या...औरंगाबाद : किसानपुत्र आंदोलनाच्या वतीने शुक्रवारी...
द्राक्ष सल्ला : प्रतिकूल ढगाळ हवामानात...यावर्षी मे महिन्याच्या शेवटच्या आठवड्यापासून ढगाळ...
थायलंडचे शेतमजूर अन् मध्यम मार्गावरील...शेती म्हटली की सर्वत्र कमी जास्त प्रमाणात त्याच...
विदर्भात अडीच कोटींचा ‘एचटीबीटी’ साठा...नागपूर : गेल्या हंगामात अनधिकृत कापूस बियाण्याचे...
वैयक्तिक वनदाव्यांचा जलदगतीने निपटारा...नाशिक : जिल्ह्यातील वैयक्तिक वनदाव्यांचा वनसमिती...
कोल्हापुरातील शिवारे जलमयकोल्हापूर : जिल्ह्याला बुधवारी (ता. १६)...