यवतमाळ ः कोरोनामुळे उद्भवलेल्या परिस्थितीत शेतकऱ्यांना दिलासा देण्याकरिता व्यापक उपक्रम हाती घेण्यात आले आहेत. कृषी विभागाची थेट बांधावर निविष्ठा पुरवठा योजना देखील त्यातीलच एक आहे. या माध्यमातून कमी दरात थेट बांधावर निविष्ठांचा पुरवठा होणार असल्याने वेळ आणि पैशांची बचत होईल. त्यामुळे या योजनेचा शेतकऱ्यांनी लाभ घ्यावा, असे आवाहन आमदार डॉ. संदीप धुर्वे यांनी केले.
आर्णी तालुक्‍यात शेतकरी गटामार्फत निविष्ठा पुरवठा उपक्रमाची सुरुवात आमदार धुर्वे यांच्या हस्ते करण्यात आली. यावेळी ते बोलत होते. श्री. धुर्वे म्हणाले, खरीप हंगामाच्या पार्श्‍वभूमीवर शेतकरी निविष्ठा खरेदीसाठी दुकानांमध्ये गर्दी करतील. यामुळे कोरोना प्रतिबंधात्मक उपाययोजनांचे पालन करणे शक्‍य होणार नाही. त्यावर पर्याय म्हणून शेतकऱ्यांनी नोंदणीकृत गटांकडे हव्या असलेल्या निविष्ठांची मागणी नोंदवावी. गटांमार्फत त्यांना थेट बांधावरच निविष्ठा पुरवठ्याचे नियोजन करण्यात आले आहे. या माध्यमातून कोरोनाचा संगर्सही टाळणे शक्‍य होईल आणि थेट निविष्ठांचा पुरवठा झाल्याने पैसा आणि वेळेची देखील बचत होणार आहे.
या कार्यक्रमाला तालुका कृषी अधिकारी रमेश पसलवाड, अविनाश पवार, नितीन ठाकरे, योगेश काठोळे, अरविंद गावंडे, भास्कर पाटील, अमीत ठाकरे, बंटी चव्हाण, विशाल देशमुख, लक्ष्मण परळीकर, आर. के. टेलर, विनोद देवकर, गजानन ठाकरे, मंडळ कृषी अधिकारी, कृषी सहायक, पर्यवेक्षक आत्मा तंत्रज्ञान व्यवस्थापक उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.