agriculture news in Marathi, scarcity of foromon trap in Nagar, Maharashtra | Agrowon

नगरमध्ये कामगंध सापळे मिळेनात
टीम अॅग्रोवन
सोमवार, 20 ऑगस्ट 2018

कापसावर बोंड अळी पडू नये यासाठी कामगंध सापळे लावा असे सांगितले जात आहे. मात्र, बहुतांश ठिकाणी मिळत नाही. शासनानेच असे सापळे उपलब्ध करून द्यायला हवे. यावर्षीही अनेक ठिकाणी बोंड अळी सापडली आहे. त्यामुळे आता होणारे नुकसान कसे रोखणार.
- शरद मरकड, शेतकरी, मढी ता. पाथर्डी

नगर ः जिल्ह्यामध्ये यंदा जनजागृती करूनही कापसावर बोंड अळीचा प्रादुर्भाव दिसून येत आहे. बोंड अळीचा प्रादुर्भाव रोखण्यासाठी कामगंध सापळे वापरावेत असे अवाहन केले जात आहे. मात्र खते, बियाणे विक्री करणाऱ्या बहुतांश दुकानात कामगंध सापळे उपलब्ध नाहीत. त्यामुळे कामबंद सापळे नेमके मिळतात कोठे? याचीच शेतकऱ्यांना माहिती मिळत नाही. काही दुकानात सापळे उपलब्ध होते, मात्र तेथेही आता टंचाई असल्याचे दिसत आहे.

नगर जिल्ह्यामध्ये गतवर्षी कापसावर बोंड आळीचा प्रादुर्भाव झाल्याने मोठा आर्थिक फटका बसल्यामुळे यंदा हा प्रादुर्भाव होऊ नये, यासाठी शासन स्तरावर अगदी सुरवातीपासूनच प्रयत्न सुरू होते. जिल्हाधिकारी राहुल द्विवेदी यांनाही सातत्याने "बोंड अळीबाबत जागृती करा, प्रभावी उपाययोजना करा; पण बोंड अळीचा प्रादुर्भाव रोखा,'' असे सातत्याने अवाहन केले होते. मात्र, तरीही नगर जिल्ह्यामधील राहुरी, नेवासा, पाथर्डी, शेवगाव भागात कापसावर गुलाबी बोंड अळीचा प्रादुर्भाव आढळून आल्याने शेतकरी धस्तावले आहेत.

ज्या भागात बोंड अळी आढळून आली, त्या ठिकाणी कृषी अधिकारी भेटी देत आहेत. मात्र, बोंड अळीचा प्रादुर्भाव रोखण्यासाठी कामगंध सापळे वापरावेत, असे कृषी विभाग सातत्याने अवाहन करत आहे. मात्र, ते सापळे नमके भेटतात कुठे? याची बहुतांश शेतकऱ्यांना माहिती नाही. बाजारातही बहुतांश दुकानात ते उपलब्ध नाहीत. मध्यंतरी नगरमध्ये काही दुकानात प्रती पन्नास रुपयाला एक सापळा मिळत होता. आता तेथेही टंचाई आहे.

सापळे लावायचे कसे ?
बोंड अळीचा प्रादुर्भाव रोखण्यासाठी कामगंध सापळे वापरण्याचे सुरवातीपासून सांगितले जात आहे. मात्र, ते लावायचे कसे याची अजूनही अनेक शेतकऱ्यांना माहिती नाही. गतवर्षीप्रमाणे यंदाही बोंड अळीचा प्रादुर्भात दिसून येत असताना कापूस लागवड केलेल्या पाच टक्के शेतकऱ्यांनीही कामगंध सापळे लावले नसल्याचे नगर जिल्ह्यामधील चित्र आहे.

प्रतिक्रिया
कृषी विभागाने प्रात्यक्षिकांतर्गत लागवड केलेल्या ठिकाणी शासनाने सापळे उपलब्ध करून दिले. शेतकऱ्यांसाठी कृषी दुकानदारांकडे कामगंध सापळे उपलब्ध करून दिले आहे. शिवाय ना नफा ना तोटा या तत्त्वावर विक्री सुरू आहे. जिल्ह्यामध्ये आतापर्यंत सुमारे दीड लाख कामगंध सापळ्याची विक्री झालेली आहे. सापळे कसे लावायचे यांसह अन्य माहितीबाबत कृषी विभागाकडून जनजागृती केली जात आहे.
- पंडीत लोणारे, जिल्हा अधीक्षक कृषी अधिकारी, नगर

 

इतर ताज्या घडामोडी
लोक-जैविपा - भर दुष्काळात उभारलेली...शेतकऱ्यांचा पुढाकार अनुभवल्यावर वन विभागाच्या...
नगर : नुकसान भरपाईसाठी एकशे पस्तीस...नगर : जिल्ह्यात ऑक्टोबर ते नोव्हेंबर या...
'या' बाजार समितीत शेतकऱ्यांना अल्प दरात...अकोला : सध्या कोणत्याही शासकीय योजनेचा फायदा...
जळगाव जिल्ह्यात सर्वच नुकसानग्रस्तांना...जळगाव : अतिवृष्टीमुळे बाधित झालेल्या शेतकऱ्यांना...
केंद्रीय पथक आज मराठवाड्यात पीक...औरंगाबाद : मराठवाड्यात ऑक्‍टोबर-...
फळबागांची लागवड खोळंबण्यास ‘तो’ ठरला...पुणे : मागील दोन ते तीन महिन्यांत जोरदार पाऊस...
सांगलीत बेदाणा लिलावास प्रारंभसांगली : दिवाळीच्या महिन्याच्या सुटीनंतर बाजार...
अमरावती जिल्ह्याला २४ टक्‍के...अमरावती : मॉन्सूनोत्तर पावसाचा जिल्ह्यात ८० टक्‍...
परभणी विभागात २८ हजार क्विंटल...परभणी : महाबीजच्या परभणी विभागातील सहा...
हमीभावासाठी 'सीसीआय'ला द्या कापूस : ॲड...वर्धा : ‘‘शेतकऱ्यांनी आधारभूत किमतीपेक्षा कमी...
राज्यात रताळी ५०० ते ६००० हजार रुपये...जळगावात २२०० ते ३२०० रुपये  जळगाव...
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...