agriculture news in Marathi schemes which give cover to rate should be encourage Maharashtra | Agrowon

दराचे संरक्षण देणाऱ्या योजना राबवाव्यात 

टीम अॅग्रोवन
सोमवार, 11 जानेवारी 2021

‘एनसीडीईएक्स’ने ‘पुट ऑप्शन’मधून शेतकरी उत्पादक कंपन्यांसाठी विविध सवलती देवून त्यांना वायदे बाजारात स्थान दिले.

पुणे ः ‘एनसीडीईएक्स’ने ‘पुट ऑप्शन’मधून शेतकरी उत्पादक कंपन्यांसाठी विविध सवलती देवून त्यांना वायदे बाजारात स्थान दिले. याचा लाभ थेट शेतकऱ्यांना होत असून पेरणीआधीच दर संरक्षित करता आले. वायदे बाजार साक्षरता निर्माण होण्यासाठी अशी योजना किमान ५ ते ६ वर्ष सुरु राबवावी. सरकारने पीकविमा योजनेप्रमाणे दराचा विमा देण्याऱ्या अशा योजना राबवाव्यात. त्यासाठी केंद्र सरकार, राज्य सरकार, ‘सीएसआर’ निधी, वित्तीय संस्था यांनी पुढाकार घ्यावा, अशी मागणी शेतकरी उत्पाक कंपन्यांनी केली आहे. 

वायदे बाजारात शेतकरी उत्पादक कंपन्यांना (एफपीओ) स्थान मिळावे, त्यांना या संधीचा लाभ घेता यावा आणि पेरणीच्या वेळीच शेतकऱ्यांना आपल्या मालाचा दर संरक्षित करता यावा यासाठी ‘एनसीडीईएक्स’ने ‘पुट ऑप्शन’च्या माध्यमातून विविध सवलती देत प्रोत्साहन दिले. यात संपूर्ण प्रीमीयम माफी, ब्रोकरेज फी, वाहतूक, गुणवत्ता तपासणीसह विविध बाबींसाठी ५० टक्क्यांपर्यंत अनुदान दिले होते. तसेच शेतकऱ्यांना डिलिव्हरी पूर्ण करणे किंवा त्यातून बाहेर पडण्याचे स्वातंत्र्य दिले होते. त्यामुळे ‘एनसीडीईएक्स’च्या या पहिल्याच योजनेत शेतकरी उत्पादक कंपन्यांनी सहभागी चांगला प्रतिसाद दिला. 

वायदे बाजारात पहिल्यांदाच सहभाग घेत असताना अनेक ‘एफपीओ’ना तांत्रिक अडचणी आल्या. त्यामुळे त्यांना ‘ऑप्शन्स’ घेता आले नाहीत. परंतु या उपक्रमामुळे शेतकऱ्यांना वायदे बाजारातील दराचा लाभ घेण्याची संधी उपलब्ध झाली आहे. ‘एनसीडीईएक्स’ने आणलेल्या या उपक्रमात राजस्थानमधील सर्वाधिक ‘एफपीओ’नी सहभाग घेतला. 

‘एफपीओ’चा सहभाग (टनांत) 
४१ 

‘एफपीओ’ 
२००० 
मोहरी 
१००० 
हरभरा 
३००० 
एकूण 

शेतकऱ्यांच्या मागण्या 

  • शेतकऱ्यांना या व्यवहाराविषयी जागृती करावी 
  • नोंदणीची प्रक्रिया सोपी आणि सुटसुटीत करावी 
  • तांत्रिक भाषेऐवजी स्थानिक भाषेत प्रक्रिया असावी 
  • शेतकऱ्यांना या प्लॅटफॉर्मविषयी प्रशिक्षण द्यावे 
  • शेतकऱ्यांना मदत करणारी यंत्रणा असावी 
  • डिलिव्हरी ठिकाणे जवळची असावीत 

प्रतिक्रिया
‘एनसीडीईएक्स’ने आणलेल्या ‘पुट ऑप्शन’च्या माध्यमातून शेतकऱ्यांना पेरणीच्या वेळीच आपल्या मालाचा दर संरक्षित करता येतो. तसेच ही प्रक्रिया सोपी आणि सुटसुटीत आहे. त्यामुळे जास्तीतजास्त शेतकरी कंपन्यांनी या उपक्रमात सहभागी व्हावे. तसेच इतर संस्थांनी हा उपक्रम पुढे न्यावा. 
- अलिन मुखर्जी, ‘ईव्हीपी’ एनसीडीईएक्स आणि ‘सीओओ’ एनआयसीआर. 

‘पूट ऑप्शन’च्या माध्यमातून शेतकरी पेरणीच्या वेळीच आपल्या पिकाचा दर संरक्षित करु शकतात. वित्तीय संस्था, केंद्र सरकार, स्वयंसेवी संस्था, राज्य सरकार, ‘सीएसआर’च्या माध्यमातून अशा योजनांना प्रोत्साहन मिळावे. यातून शेतकऱ्यांना पिकाचा चांगला दर मिळेल. 
- प्रकाश मतसागर, मौनगिरी शेतकरी उत्पादक कंपनी, वैजापूर, जि. औरंगाबाद 

‘पूट ऑप्शन’ची ही योजना ५ ते ६ वर्ष सुरु ठेवावी. जेणेकरून ‘एफपीओं’ना वायदे बाजारात व्यवहाराची ज्ञान मिळेल आणि सवय होईल. यातून शेतकऱ्यांना थेट फायदा होतो. त्यामुळे अशा उपक्रमांसाठी ‘सीएसआर’मधून आणि सरकारने निधी द्यावा. सरकारी योजनांतील भ्रष्टाचार बघता शेतकऱ्यांना थेट बाजारातील लाभ देणारा हा उपक्रम फायदेशीर आहे. 
- योगेश द्विवेदी, मध्य भारत कन्सोर्टियम, भोपाळ 


इतर अॅग्रोमनी
अमेरिकेत सोयाबीन उत्पादनात घटवॉशिंग्टन ः अमेरिकेत यंदा सोयाबीन उत्पादनात घटीचा...
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...