शालेय विद्यार्थ्यांना मिळणार तांदूळ, डाळी, कडधान्य 

शालेय पोषण आहार योजनेंतर्गत ग्रामीण भागातील सरकारी शाळेत शिल्लक असलेला तांदूळ, डाळी व कडधान्य विद्यार्थ्यांना वाटप करण्यात येणार आहे.
school student
school student

नगर ः शालेय पोषण आहार योजनेंतर्गत ग्रामीण भागातील सरकारी शाळेत शिल्लक असलेला तांदूळ, डाळी व कडधान्य विद्यार्थ्यांना वाटप करण्यात येणार आहे, असे परिपत्रक शालेय शिक्षण संचालक दत्तात्रेय जगताप यांनी काढले. शालेय स्तरावर नियोजन करून विद्यार्थ्यांना तांदूळ, डाळ व कडधान्यवाटप करणार आहेत. पाथर्डी (जि. नगर) येथील पोपट फुंदे यांनी मुख्यमंत्री उद्धव ठाकरे यांना पत्र पाठवून शालेय पोषण आहारातील धान्य गरजूंना देण्याची विनंती केली होती. 

शालेय शिक्षण विभागाच्या आदेशावरून ग्रामीण भागात शालेय स्तरावर शिल्लक असलेला तांदूळ, डाळी व कडधान्य विद्यार्थ्यांना, तसेच हंगामी वसतिगृहातील विद्यार्थ्यांना वाटप होणार आहे. मुख्याध्यापक व शालेय व्यवस्थापन समितीच्या मार्गदर्शनाखाली शाळेतील शिल्लक तांदूळ, डाळी व कडधान्य विद्यार्थ्यांना, तसेच हंगामी वसतिगृहातील विद्यार्थ्यांना वाटप करण्यात येणार असल्याचे त्यांनी सांगितले. 

जगभर पसरलेला कोरोनाचा संसर्ग रोखण्यासाठी साथरोग प्रतिबंधात्मक कायद्यानुसार राज्यातील शाळा, महाविद्यालये पुढील काही दिवस बंद असून, देशभर १४ एप्रिलपर्यंत लॉकडाऊन लागू आहे. राज्यातील शाळा व अंगणवाडी बंद असल्यामुळे लहान बालके व विद्यार्थी पोषणआहारापासून वंचित राहू नये, त्यासाठी शालेय विद्यार्थ्यांना तांदूळ, डाळी व कडधान्य वाटप करण्याच्या सूचना शालेय शिक्षण संचालक दत्तात्रेय जगताप, उपसचिव राजेंद्र पवार यांनी दिल्या आहेत. 

शाळेत गर्दी होणार नाही याची दक्षता घ्यावी. विद्यार्थी अथवा पालकांना शाळेत बोलावून तांदूळ व डाळीचे वाटप करावे. विद्यार्थ्यांना अथवा पालकांना एकमेकांपासून एक मीटरच्या अंतरावर उभे करावे. विद्यार्थी अथवा पालक आजारी असल्याने त्यांना तांदूळ व डाळी घरपोच कराव्यात. लॉकडाऊन काळात प्रशासनाच्या सूचनांचे पालन करून शालेय स्तरावरील वाटपाची नोंद करावी असे शिक्षण विभागाने स्पष्ट केले आहे. पोपट फुंदे  यांच्या पत्राची शिक्षण विभागाने दखल घेतल्याने फुंदे यांचे अभिनंदन होत आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com