agriculture news in Marathi SEA Says not to cut edible oil import duties to curb inflation Maharashtra | Agrowon

खाद्यतेल आयात शुल्कात कपात करू नयेः एसईए

कोजेन्सिस वृत्तसेवा
बुधवार, 25 डिसेंबर 2019

काही प्रमाणात झालेली भाववाढ ही देशासाठी चांगलीच असते. ही भाववाढपातळी दीर्घ काळासाठी स्थिर ठेवल्यास परिणाम चांगलेच होतील. 
- अतुल चतुर्वेदी, अध्यक्ष, सॉल्व्हेंट एक्स्ट्रॅक्टर्स असोसिएशन ऑफ इंडिया

नवी दिल्ली: आग्नेय आशियातील देशांबरोबर झालेल्या मुक्त व्यापार करारानुसार एक जानेवारीपासून रिफाइंड पामतेल आयातीवरील शुल्क ५० टक्क्यांवरून ४५ टक्के आणि कच्च्या पाम तेलावरील शुल्क ४० टक्क्यांवरून ३७.५ टक्के करण्यात येणार आहे. मात्र ‘‘केंद्र सरकारने भाववाढ कमी करण्यासाठी खाद्यतेलावरील आयात शुल्क कमी करू नये. शुल्कापासून मिळणारे जास्तीचा निधी हा तेलबिया विकास फंडासाठी वापरावा,’’ अशी मागणी सॉल्व्हेंट एक्स्ट्रॅक्टर्स असोसिएशन ऑफ इंडियाने सरकारकडे केली आहे. 

भारत हा जगातील सर्वांत मोठा पामतेल आयातदार देश आहे. भारतात दरवर्षी ९० लाख टन खाद्यतेल आयात होते. मागील वर्षी देशातील एकूण खाद्यतेल आयातीपैकी तब्बल ६२ टक्के पामतेल आयात होती. देशातील एकूण खाद्यतेल आयात ही ७ हजार कोटी रुपयांची होते. 

भारताने आग्नेय आशियातील देशांबरोबर मुक्त व्यापार करार केला आहे. या करारानुसार एक जानेवारीपासून खाद्यतेल आयातीवरील शुल्कात कपात करण्यात येणार आहे. या रिफाइंड पामतेल आयातीवरील शुल्क ५० टक्क्यांवरून ४५ टक्के करण्यात येईल, तर कच्च्या पामतेलावरील शुल्क ४० टक्क्यांवरून ३७.५ टक्के करण्यात येणार आहे. खाद्यतेल आयातीवरील शुल्कात कपात केल्यास देशातील उद्योग अडचणीत येतील. त्यामुळे या कपातीला देशातील खाद्यतेल उद्योगातून विरोध होत आहे. यात रिफाइंड तेलावरील शुल्क कपातीमुळे अधिक धोका असल्याचे उद्योगातील जाणकारांनी म्हटले आहे.    

देशात तेलबिया उत्पादन वाढविण्याच्या उद्देशाने केंद्र सरकार तेलबिया विकास निधीची तरतूद करते. सॉल्व्हेंट एक्स्ट्रॅक्टर्स असोसिएशन ऑफ इंडियाचे अध्यक्ष अतुल चतुर्वेदी म्हणाले की ‘‘जागतिक पातळीवर खाद्यतेलाचे दर वाढलेले आहेत. त्यामुळे केंद्राच्या कस्टम ड्यूटीत वाढ होणार आहे. यातून मिळेलेला शिल्लकचा निधी हा मोठ्या कालावधीपासून रेंगाळलेल्या तेलबिया विकास निधाला द्यावा आणि देशातील तेलबिया उत्पादनाला चालना द्यावी. त्यामुळे आयात शुल्क कमी न करता भाववाढीकडे दुर्लक्ष करणे लाभदायक आहे.’’

‘‘जागतिक पातळीवर पामतेलाचे दर वाढल्याने इतर खाद्यतेलाचेही दर वाढले आहेत. मार्चसाठीचे पामतलाचे करार हे ०.३ टक्क्यांनी अधिकच्या दराने झाले आहेत,’’ अशी माहिती खाद्यतेल व्यापारातील सूत्रांनी दिली.

खाद्यतेल दृष्टिक्षेपात

  • आग्नेय आशियातील देशांबरोबर मुक्त व्यापार करार 
  • रिफाइंड पामतेलावरील शुल्क ५० टक्क्यांवरून ४५ टक्के होणार 
  • कच्च्या पामतेलावरील शुल्क ४० टक्क्यांवरून ३७.५ टक्के होणार
  • भारतात दरवर्षी ९० लाख टन खाद्यतेल आयात
  • खाद्यतेल आयातीवर ७ हजार कोटी खर्च
  • एकूण खाद्यतेल आयातीत ६२ टक्के पामतेल 
  •  जागितक पातळीवर पामतेलाचे दर वाढले
  • आयात शुल्ककपातीमुळे देशातील उद्योग डबघाईला येईल ः जाणकार

इतर अॅग्रोमनी
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...
खाद्यतेल आयात शुल्कात कपात करू नयेः एसईएनवी दिल्ली: आग्नेय आशियातील देशांबरोबर...
देशात आगाप रब्बी कांदा लागणीत १७...पुणे : डिसेंबरच्या पहिल्या आठवड्याअखेर प्रमुख...
उत्तम शेतीसोबत पूरक उद्योगातून वाढवले...लातूर जिल्ह्यातील भोईसमुद्रगा गावातील रावसाहेब...
अन्न सुरक्षेत कृषी अर्थशास्त्रज्ञांची...परभणी : शेतकऱ्यांचे उत्पन्न दुप्पट...
केंद्र सरकार कडधान्याचा पुरवठा करणार;...नवी दिल्ली: खरिप हंगामात कडधान्याचे उत्पादन...
कापूस, मक्याला वाढती मागणी या सप्ताहात सर्वच पिकांच्या मागणीत वाढ झाली,...
परभणी कृषी विद्यापीठात शनिवारपासून...परभणी : वसंतराव नाईक मराठवाडा कृषी विद्यापीठातील...
साखर निर्यात अनुदान सहा महिन्यांपासून...कोल्हापूर : साखर निर्यातीला प्रोत्साहन देण्यासाठी...
साखर उत्पादनात उत्तरप्रदेशच राहणार...कोल्हापूर : यंदाच्या गाळप हंगामात साखर उत्पादनात...