Agriculture News in Marathi The season is in full swing, labor is not available | Agrowon

हंगाम जोरावर, मजूर मिळेनात

टीम अॅग्रोवन
गुरुवार, 14 ऑक्टोबर 2021

नांदुरा तालुक्यातील सध्या सोयाबीन सोंगणी व कापूस वेचणीसाठी मजूर न मिळत नसल्याने शेतकऱ्यांसमोर नवे संकट उभे राहले आहे. मजूर मिळवण्यासाठी शेतकऱ्यांची पळापळ होत आहे.
 

नांदुरा, जि. बुलडाणा : तालुक्यातील सध्या सोयाबीन सोंगणी व कापूस वेचणीसाठी मजूर न मिळत नसल्याने शेतकऱ्यांसमोर नवे संकट उभे राहले आहे. मजूर मिळवण्यासाठी शेतकऱ्यांची पळापळ होत आहे.

मागील गत आठवड्यापासून तालुक्यात पावसाने विश्रांती घेतल्याने सोयाबीन काढणी तसेच कापूस वेचणीची लगबग सुरू झाली आहे. सोयाबीन सोंगणीसाठी तीन ते साडेतीन हजार रुपये एकरी दर द्यावा लागत आहे. तर कापूस वेचणीसाठी १० ते १२ रुपये किलो प्रति किलोचा भाव देऊनही मजूर मिळेनासे झालेले आहेत. अशी परिस्थिती तालुक्यातील अनेक गावांत निर्माण झाली आहे. काही शेतकरी तर गावात मजूर मिळत नसल्याने अन्य गावांतून मजूर आणून सोयाबीनची सोंगणी करून घेत आहेत. बाहेर गावावरून मजूर आणताना त्यांच्या जाण्या-येण्यासाठी लागणाऱ्या वाहनाची व्यवस्था व त्याचा खर्च शेतकऱ्याला करावा लागत आहे.

ऑगस्टमध्ये पडलेला पाऊस व सप्टेंबर महिन्यात काही दिवस झालेली अतिवृष्टी यामुळे सोयाबीन शेंगाना कोंब फुटले तर काही शेतकऱ्यांनी सोंगून ठेवलेल्या सोयाबीन खराब झाली. यामुळे सोयाबीनच्या उत्पादनात मोठ्या प्रमाणात घट झाली असून, एकरी ७ ते ८ पोते उत्पादन होईल, अशी आशा बाळगून बसलेल्या शेतकऱ्यांच्या आशेवर पाणी फेरले आहे. अपेक्षेपेक्षा अर्धे उत्पादन झाले आहे. उडीद व मुगाला पावसाचा फटका बसला होता. सोयाबीन सोंगण्याचे दर वाढल्याने मजूर जरी आनंदीत असला तरी मिळणाऱ्या उत्पादनातून व सोंगणीसाठी मोजाव्या लागणाऱ्या रकमेबाबत शेतकरी समाधानी नसल्याचे चित्र पहावयास मिळत आहे. आधीच शेतकरी पिकांचे नुकसान झाल्याने अडचणीत सापडलेला आहे. पीक विमा काढलेल्या तसेच ज्यांनी काढलेला नाही, अशा शेतकऱ्यांनाही सरसकट भरपाईची मागणी शेतकरी करीत आहेत.

खासगी व्यापाऱ्यांकडून कापसाची खरेदी
कापसाची खरेदी करणारे व्यापारी हे शेतकऱ्यांच्या दारापर्यंत जाऊन ६ ते ७ हजार रुपये भाव देत आहेत. तर दुसरीकडे वेचणीसाठी १० ते १५ रुपये किलोला भाव द्यावा लागत आहे. क्विंटलला हजार ते दीड हजारांचा खर्च होत आहे. गेल्या हंगामाच्या तुलनेत वेचाईचा खर्च अव्वाच्या सव्वा झाला आहे.


इतर बातम्या
अन्नधान्य भाववाढीच्या चर्चा निराधारपुणे : सध्या अन्नधान्य महागाईच्या चर्चांना ऊत आला...
राज्यात थंडीची चाहूलपुणे : नैऋत्य मोसमी वारे (मॉन्सून)...
इंधन दरवाढ, महागाई दिसत नाही, कांद्याची...नाशिक : एकीकडे इंधन खर्च, निविष्ठांचे वाढते दर,...
पावसामुळे द्राक्ष हंगामात अडचणी वाढल्यानाशिक : सप्टेंबर महिन्यापासून द्राक्ष उत्पादक...
सरासरी ते सरासरीपेक्षा कमी तापमानाचा...पुणे : नैर्ऋत्य मोसमी वाऱ्यांनी (मॉन्सून) १४...
महाराष्ट्राच्या समृद्ध पीकसंपदेचा...संगमनेर, जि. नगर ः ‘‘महाराष्‍ट्रात पिकांची मोठी...
सांगली जिल्ह्यात ५० टक्के द्राक्ष...सांगली : जिल्ह्यात द्राक्ष पिकाच्या फळछाटणीची गती...
आता तुम्हीच शोधा  कुठला कारखाना कुणी... पुणे : गेल्या पंधरा वर्षांत ६५ सहकारी साखर...
स्वाभिमानी-कारखानदार संघर्ष अटळ;  ‘...सांगली : कोल्हापूर जिल्ह्यातील शाहू, गुरुदत्त,...
पुणे जिल्ह्यातील आठवडे बाजार  सुरू...पुणे : कोरोना मार्गदर्शक सूचनांचे पालन करून...
सोयीच्या लोकांची प्रकरणे  सोमय्या झाकून...पुणे : राज्यात एकूण ४३ कारखान्यांची विक्री...
लखीमपूर खेरी घटनेतील  शेतकऱ्यांच्या...वर्धा : उत्तर प्रदेशातील लखीमपूर खेरी येथे भाजप...
नगर जिल्ह्यात रब्बीची  सहा टक्के पेरणी  नगर ः जिल्ह्यात यंदा आतापर्यंत रब्बीची ६...
रब्बीत यंदाही राहणार  हरभऱ्याचाच...अकोला : लवकरच रब्बीची लागवड सुरू होत आहे. या...
राज्यभरात निघणार लखीमपूर खेरी  किसान...  नाशिक : उत्तर प्रदेशमधील लखीमपूर खेरी...
धुळे जिल्हा बँकेत तिघे जण बिनविरोधधुळे ः धुळे-नंदुरबार जिल्हा बँकेची १७ जागांसाठी...
सोयाबीन-कापूस उत्पादक शेतकऱ्यांच्या ...बुलडाणा : विदर्भ, मराठवाडा, खानदेशातील कापूस,...
`तंत्रज्ञान पोहोचविण्यात कृषी...हिंगोली  ः ‘‘कृषी विद्यापीठे, कृषी विज्ञान...
नांदेड जिल्ह्यात ग्रामबीजोत्पादनात सात...नांदेड : जिल्ह्यात शेतकऱ्यांसाठी सहा हजार ३१...
यवतमाळ :नुकसानग्रस्त शेतकऱ्यांच्या ...आर्णी, यवतमाळ : परतीच्या पावसाने खरीप पिकांची...