agriculture news in marathi, off season grapes harvesting starts in Baglan, Nashik | Agrowon

पूर्वहंगामी द्राक्ष काढणीस प्रारंभ; बागलाण तालुक्यात हंगामाची उत्सुकता

मुकुंद पिंगळे
शुक्रवार, 4 ऑक्टोबर 2019

नाशिक : जिल्ह्यातील प्रयोगशील द्राक्ष उत्पादकांचा तालुका म्हणून बागलाणने आंतरराष्ट्रीय बाजारात ओळख मिळविली आहे. चालू वर्षीसुद्धा प्रतिकूल परिस्थितीवर मात करत तालुक्यातील बहुतांश शेतकऱ्यांनी जून महिन्याच्या सुरुवातीला द्राक्षांची छाटणी करून पूर्वहंगामी द्राक्ष हंगाम यशस्वी केला आहे. सध्या काढणी सुरू असून, देशांतर्गत शहरांमध्ये द्राक्ष पाठवायला सुरुवात झाली आहे.

नाशिक : जिल्ह्यातील प्रयोगशील द्राक्ष उत्पादकांचा तालुका म्हणून बागलाणने आंतरराष्ट्रीय बाजारात ओळख मिळविली आहे. चालू वर्षीसुद्धा प्रतिकूल परिस्थितीवर मात करत तालुक्यातील बहुतांश शेतकऱ्यांनी जून महिन्याच्या सुरुवातीला द्राक्षांची छाटणी करून पूर्वहंगामी द्राक्ष हंगाम यशस्वी केला आहे. सध्या काढणी सुरू असून, देशांतर्गत शहरांमध्ये द्राक्ष पाठवायला सुरुवात झाली आहे.

अचूक नियोजन, कष्टाची तयारी व हंगामनिहाय वर्षभर व्यवस्थापन करत अनेक शेतकरी पूर्वहंगामी द्राक्ष पिकात पुढे आले आहेत. सुरुवातीला पाण्याची अडचण असताना मल्चिंग व पाण्याचे नियोजन करून फेब्रुवारीमध्ये खरड छाटण्या झाल्या. नंतर जूनपासून द्राक्षांची गोडी छाटणी करून द्राक्षबाग फुलविण्याचा प्रयोग यावर्षीही यशस्वी केला आहे. या भागात प्रामुख्याने शरद सीडलेस, क्लोन २, थॉमसन, सोनाका या व्हाइट व्हरायटीचे वाण घेण्यात आले. यांसह कलरमध्ये जंबो, रेड ग्लोब, क्रीमसन, शरद सीडलेस, नानासाहेब पर्पल या व्हरायटी घेण्यात आल्या. अर्ली द्राक्षाचे आगर म्हणून ओळखल्या जाणाऱ्या बागलाणमध्ये द्राक्ष हंगाम सुरुवात झाली आहे. 

येथे सुरू आहे द्राक्ष काढणी 
सध्या अमरावतीपाडा, पारनेर, मुंगसे, बिलपुरी, बिजोटे, भुयाणे, पारनेर, वायगाव, दासाने, लाडूद या परिसरात काढणी सुरू केली आहे. हा काढलेला माळ कानपुर, अहमदाबाद, इंदोर, जयपूर, दिल्ली या ठिकाणी पाठविण्यात येत आहे.

मिळणारे दर

  • शरद सीडलेस :  १३५ रु प्रतिकिलो
  • क्लोन  :   ८५ रु प्रतिकिलो
  • सोनाका  : ६० ते ६५ रु प्रतिकिलो

पूर्वहंगामी द्राक्ष उत्पादनाचे टप्पे 

  • फेब्रुवारी -मार्चमध्ये खरड छाटणीवेळी पाणीटंचाई
  • मल्चिंग, पाणीव्यवस्थापन करून नियोजन
  • पावसामुळे पोंगा अवस्थेत अडचणी व कूज  
  • पावसाच्या अडचणींनंतर घड काढणीसाठी तयार

उन्हाळ्यात असल्याने खरड छाटणी ची कामे अडचणीत सापडली होती. मात्र पाणी व्यवस्थापन करून हंगामाचे नियोजन केले. इतर पिकांना फाटा देऊन हंगाम प्रतिकूल परिस्थितीत पाच एकर बाग उभा केला आहे.
- चैत्राम पवार, द्राक्ष उत्पादक, वायगाव, ता.बागलाण

सुरुवातीला पाणीटंचाई आली त्यामुळे छाटण्या लांबणीवर गेल्या. मोठ्या अडचणीतून बागा तयार केल्या. मात्र पोंगा खराब व घडकूज झाल्याने ३० टक्के नुकसान होणार आहे. आता काढणीला माल आला. मात्र पावसामुळे माल काढण्यास अडचणीं येत आहेत.
- खंडू शेवाळे, प्रगतिशील द्राक्ष उत्पादक, भुयाने, ता. बागलाण


इतर अॅग्रो विशेष
बदल ठरावेत लाभदायकयवतमाळ जिल्ह्यातील आर्णी तालुक्यातील हजारो...
हवामान बदल हेच सर्वांत मोठे आव्हानआ ज जगभरात हवामान बदल आणि त्याचे होणारे परिणाम हा...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...
मराठवाड्यातील पाच जिल्ह्यांत १८ लाख टन...औरंगाबाद: मराठवाड्यातील औरंगाबाद साखर सहसंचालक...
कमी खर्चातील गांडूळखतनिर्मिती तंत्राचा...अंबेजोगाई (जि. बीड) येथील शिवाजी खोगरे यांनी कमी...
आरोग्यदायी अन्ननिर्मितीबरोबरच जपली...धानोरा- भोगाव (जि. हिंगोली) येथील दादाराव राऊत आठ...
पशुधन विकासाची वसाहत वाटपशुसंवर्धन, दुग्धविकास व मत्स्यव्यवसाय विभागाची...
रस्ते की मृत्यूचे सापळेआपला देश संपूर्ण विश्वात रस्ते अपघातात अव्वल आहे...
फलोत्पादन योजनांमध्ये बदलास केंद्र तयार पुणे: “फलोत्पादनातील उत्पन्नवाढीसाठी सध्याच्या...
शेतीसाठी आवश्‍यक ते सर्वकाही करणार :...माळेगाव, जि. पुणे ः कमी पाणी व कमी जागेत अधिक...
कलिंगड शेती ठरते आहे फायदेशीरअकोला ः मालेगाव तालुक्यातील शिरपूर जैन परिसरात...
मध्य महाराष्ट्र, मराठवाड्यात थंडी पुणे ः राज्यातील थंडीत चढउतार सुरू आहे. मध्य...
हमीभावाच्या संदर्भात वायदे बाजारावरही...लातूर : हमीभावापेक्षा कमी दराने शेतीमाल खरेदी...