Agriculture news in marathi, This season, the sugarcane season is only three months | Page 2 ||| Agrowon

साताऱ्यात यंदा ऊस हंगाम तीन महिनेच

टीम अॅग्रोवन
गुरुवार, 19 सप्टेंबर 2019

सातारा : अतिवृष्टीमुळे निर्माण झालेल्या पूर परिस्थितीचा परिणाम ऊस शेतीवर झाला. त्यामुळे जिल्ह्यातील साखर कारखान्यांचा हंगाम यंदा दोन ते अडीच महिने उशिरा सुरू होईल. साखर संघ आणि कारखान्यांनी १५ डिसेंबरपर्यंत हंगाम सुरू करण्याचा परवाना साखर आयुक्त कार्यालयाकडे मागितला आहे. ऊस कमी प्रमाणात उपलब्ध आहे. त्यामुळे साधारण तीन ते चार महिनेच हंगाम चालणार असल्याचे कारखाना व्यवस्थापनाकडून सांगण्यात आले. जिल्ह्यात गाळपासाठी उसापैकी महापुरामुळे २० टक्‍क्‍यांहून अधिक ऊस खराब झाला. त्याचा गाळपावर परिणाम होणार आहे. 

सातारा : अतिवृष्टीमुळे निर्माण झालेल्या पूर परिस्थितीचा परिणाम ऊस शेतीवर झाला. त्यामुळे जिल्ह्यातील साखर कारखान्यांचा हंगाम यंदा दोन ते अडीच महिने उशिरा सुरू होईल. साखर संघ आणि कारखान्यांनी १५ डिसेंबरपर्यंत हंगाम सुरू करण्याचा परवाना साखर आयुक्त कार्यालयाकडे मागितला आहे. ऊस कमी प्रमाणात उपलब्ध आहे. त्यामुळे साधारण तीन ते चार महिनेच हंगाम चालणार असल्याचे कारखाना व्यवस्थापनाकडून सांगण्यात आले. जिल्ह्यात गाळपासाठी उसापैकी महापुरामुळे २० टक्‍क्‍यांहून अधिक ऊस खराब झाला. त्याचा गाळपावर परिणाम होणार आहे. 

ऊस शेतीचे प्रमाण अधिक असलेल्या कऱ्हाड, पाटण आणि सातारा तालुक्‍यात या वर्षी पुरामुळे मोठे नुकसान झाले. उसाचे पीक पाण्यात राहिल्याने मोठ्या प्रमाणात ऊस वाया गेला. सर्वाधिक कारखाने कऱ्हाड तालुक्यात आहेत. पाटण व सातारा तालुक्‍यांतही एक साखर कारखाना आहे. वाई व सातारा तालुक्ं‍याचा काही भाग वगळता कऱ्हाड, पाटणमधील उसाचे मोठे नुकसान झाले. याचा परिणाम यंदाच्या गाळप हंगामावर होईल. 

अद्यापही शेतामध्ये पाणी असून, तुरळक प्रमाणात पाऊस सुरूच आहे. त्यामुळे निसर्गाच्या अवकृपेमुळे या वर्षी कारखान्यांचा हंगाम दोन ते अडीच महिने लांबणार आहे. एरव्ही ऑक्‍टोबरअखेर किंवा नोव्हेंबरमध्ये कारखान्याची धुराडी पेटत होती. या वर्षी कारखाने डिसेंबरमध्ये सुरू होण्याची शक्यता आहे. उसाच्या शेतात पाणी असल्याने ऑक्‍टोबरमध्ये कारखाने सुरू करणे परवडणारे नाही. कारण कारखान्यांना अपेक्षित उतारा मिळणार नाही. उसाचे क्षेत्र बघता तीन ते चार महिने हंगाम सुरू राहण्याची शक्यता आहे.

जिल्ह्यात तीनही हंगामांतील मिळून ८० हजार ३१७ हेक्‍टर क्षेत्रावर ऊस उपलब्ध होता. यापैकी २० टक्के म्हणजेच १५ ते १६ हजार हेक्‍टरवरील ऊस महापुरामुळे खराब झाला. त्यामुळे गाळपाची गणिते चुकणार आहेत. यातच या हंगामात १६ कारखाने गाळप करण्याचा अंदाज आहे. त्या दृष्टीने कारखान्यांनी तयारीही करून ठेवली आहे. गाळपास उपलब्ध उसास आडसाली २० हजार ३५५, पूर्वहंगामी १९ हजार ४४०, सुरूचा १२ हजार ८०२, खोडवा २७ हजार ७१८ ऊस उपलब्ध होता. यातील नदीकाठचा ऊस पुरात बाधित झाला आहे. 

कोल्हापूर आणि सांगली येथे महापुरामुळे उसाचे क्षेत्र बाधित झाले. तेथून उसाची उपलब्धता खूपच कमी आहे. त्यामुळे येथील कारखाने सातारा जिल्ह्यातील ऊस पळविण्याची शक्‍यता आहे. कारखान्यांची वाढती संख्या लक्षात घेता गाळपास ऊस कमी पडणार आहे. यामुळे उद्दिष्ट गाठण्यासाठी उसाची पळवापळवी होईल. यातून शेतकऱ्यांना ऊसदर जादा मिळण्याची शक्‍यता आहे.


इतर ताज्या घडामोडी
सोलापूर जिल्ह्यात उसावर ‘हुमणी’चा...सोलापूर  : जिल्ह्यात खरिपातील मूग, उडदावर...
राधानगरीतून २८०० क्युसेक विसर्गकोल्हापूर : जिल्ह्याच्या पश्चिम भागात पावसाचा जोर...
सांगली जिल्ह्यात तुरीच्या पेरणी...सांगली : जिल्ह्यात गतवर्षी परतीचा झालेला पाऊस आणि...
मका बनले नाशिक जिल्ह्यातील प्रमुख पीकयेवला : कांद्याचा अन् द्राक्षाचा जिल्हा अशी...
रत्नागिरीत मत्स्य शेतीकडे छोट्या...रत्नागिरी : मत्स्य व्यवसाय विभागाला लाखोंचे...
रासायनिक खतांचा योग्य वापर महत्त्वाचापिकांना खताची मात्रा ठरविण्यापूर्वी जमिनीचे...
मका, सीताफळ, केळी, भाजीपाला पीक सल्ला (...प्रादेशिक हवामान केंद्र, मुंबई येथून प्राप्‍त...
दूध प्रश्नी मुख्यमंत्र्यांनी हस्तक्षेप...नगर ः दुधाला प्रतिलिटर किमान 30 रुपये दर मिळावा...
सुपारी, आंबा, नारऴ, काजू फळबाग सल्ला (...ढगाळ व दमट वातावरणामुळे, आंब्याच्या नवीन येणाऱ्या...
राज्यात लिंबं २०० ते १६०० रूपये क्विंटलऔरंगाबादमध्ये क्विंटलला ५०० ते ७०० रुपये दर...
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...