पंजाब, हरियाणात शेतकरी संपाला धार

पंजाब, हरियाणात शेतकरी संपाला धार
पंजाब, हरियाणात शेतकरी संपाला धार

चंदीगड : शेतकऱ्यांच्या देशव्यापी संपाला पंजाब, हरियाणासह विविध राज्यांत दुसऱ्या दिवशीही चांगलीच धार होती. या राज्यातील प्रमुख शहारांकडे जाणारा दूध, भाजीपाला अनेक भागांत रोखण्यात आला. राष्ट्रीय किसान महासंघाने पुकारलेल्या या आंदोलनात सात पेक्षा अधिक राज्यांतील शेतकऱ्यांनी अनेक भागात रास्ता रोको आंदोलन केले.   केंद्र आणि राज्य सरकारचे शेतकरी विरोधी धोरणाचा निषेध या वेळी करण्यात अाला. पहिल्या दिवशी शहरातील भाजीपाला विक्री दरातही फरक जाणवला नसला, तरी दुसऱ्या दिवशी प्रति किलो १० ते २० रुपयाने दरात वाढ झाली. बटाटा, ढोबळी मिरची, कारले, काकडी आदींचा काही प्रमाणात तुटवडा जाणवू लागला. दररोज येणाऱ्या आवकेत परिणाम झाल्याचे व्यापाऱ्यांनी सांगितले, तसेच संप सुरूच राहिल्यास आगामी काही दिवसांत दरात आणखी वाढ होण्याची शक्यता व्यक्त केली.  पंजाबातील नाभा, लुधियाना, मुक्तसर, तरण तारण, नांगल, भटिंडा आणि फिरोजपूर या भागात आंदोलनाचा जोर अधिक आहे. शेतकऱ्यांनी शहरांकडे जाणारा भाजीपाला अाणि दूध रोखले आहे. भटिंडा येथे चार आंदोलक शेतकऱ्यांना पोलिसांनी ताब्यात घेतले होते. वरखा येथील दूध प्रकल्पातून दूध वितरणास ते विरोध करत होते. किसान एकता मंच आणि राष्ट्रीय किसान महासंघाच्या नेतृत्वाखाली येथे १ ते १० जून दरम्यान आंदोलन होत आहे.  केंद्रातील भाजपप्रणित सरकारच्या चुकीच्या धोरणांमुळे देशातील शेतकरी गंभीर अडचणीत आला आहे. भयग्रस्त शेतकऱ्यांना मदत करण्यात केंद्र सरकार अपयशी झाले आहे. शेतकऱ्यांबरोबर सरकार वैरभावाने वागत आहे. हमीभावानुसार दर मिळत नसल्याने शेतकरी मोठ्या प्रमाणात कर्जबाजारी झशले आहेत. स्वामिनाथन आयोगांच्या शिफारसींची अंमलबजावणी केली, तरच या देशातील शेती समस्येवर समाधान मिळू शकेल. - कॅप्टन अमरिंदरसिंग, मुख्यमंत्री, पंजाब  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com