Agriculture news in marathi second positive patient of 'corona' in Ratnagiri | Agrowon

रत्नागिरीत ‘कोरोना’चा दुसरा पॉझिटीव्ह रुग्ण

टीम अॅग्रोवन
शनिवार, 4 एप्रिल 2020

रत्नागिरी : रत्नागिरीत दुसरा कोरोना पॉझिटीव्ह रुग्ण आढळला आहे. त्यामुळे प्रशासकीय यंत्रणेला धक्का बसला आहे. रत्नागिरी शहरातील राजीवडा परिसरात मुंबईतून आलेली एक व्यक्ती दिल्लीतील मरकझमध्ये सहभागी झाली होती.

रत्नागिरी : रत्नागिरीत दुसरा कोरोना पॉझिटीव्ह रुग्ण आढळला आहे. त्यामुळे प्रशासकीय यंत्रणेला धक्का बसला आहे. रत्नागिरी शहरातील राजीवडा परिसरात मुंबईतून आलेली एक व्यक्ती दिल्लीतील मरकझमध्ये सहभागी झाली होती. त्यांना जिल्हा शासकीय रुग्णालयात दाखल केले होते. त्यांचा अहवाल पॉझिटीव्ह आला. त्यानंतर राजीवडा परिसर सील करण्याची तयारी जिल्हा प्रशासनाने सुरु केली आहे. 

या संदर्भातील माहिती देण्यासाठी उच्च व तंत्र शिक्षण मंत्री उदय सामंत, जिल्हाधिकारी लक्ष्मीनारायण मिश्रा, जिल्हा पोलिस अधिक्षक डॉ. प्रविण मुंढे, जिल्हा परिषद मुख्य कार्यकारी अधिकारी कान्हुराज बगाटे आदी उपस्थित होते. 

राजीवडा येथील पॉझिटीव्ह व्यक्ती १७ मार्चला कोचीवल्ली एक्स्प्रेसने मुंबईहून रत्नागिरीत दाखल झाली. त्यापूर्वी दिल्लीतील मरकजमध्ये त्यांनी सहभाग घेतला होता. रत्नागिरीत आल्यानंतर ते राजीवडा येथील मशिदीत चार सहकाऱ्यांसह वास्तव्याला होते. त्या व्यक्तीबरोबर कोकण रेल्वेतून आलेल्यांपैकी १० जण चिपळूण, १७ जण रत्नागिरी तर, २४ जण सिंधुदुर्ग स्थानकावर उतरले आहेत. त्यांचा शोध घेण्याचे काम युध्दपातळीवर सुरु आहे. या व्यक्तींची माहिती स्थानिक नागरिकांकडून देण्यात आलेली नव्हती. पोलिसांनी त्या व्यक्तीला राजीवडा येथून जिल्हा शासकीय रुग्णालयात आणले होते. 

राजीवडा परिसरातील तीन किलोमीटरचा भाग सील करण्याच्या हालचाली सुरु आहेत. त्या रुग्णाला जिल्हा रुग्णालयात आयसोलेशन वॉर्डमध्ये ठेवले आहे. या परिसरात पालिका आणि जिल्हा परिषद आरोग्य विभागाकडून जनजागृतीवर भर दिला जात आहे. दिल्ली, मुंबई ते रत्नागिरी या रेल्वे प्रवासात ती व्यक्ती कुठे थांबली, याचा शोध सुरु आहे. 

दिल्लीतील तबलिगी कार्यक्रमात सहभागी झालेल्यांमधील रत्नागिरीतील ११ जणांना उपचारासाठी दाखल केले आहे. त्यातील एकाचा अहवाल निगेटिव्ह आला आहे. उर्वरितांचा अहवाल तपासणीसाठी पाठविण्यात आला आहे.

गेल्या दहा दिवसांमध्ये मृत झालेल्यांची यादी तयार करण्याचे काम सुरु आहे. त्यांच्या मृत्यूची कारणेही शोधण्यात येतील. विविध जमातींचे लोक रत्नागिरीत दाखल झाले आहेत. त्यांची यादी पोलिसांनी तयार केली आहे. त्यात मुंबईतून सात, नवी मुबंईतून १७, जामा मशिदीतून १४, डोंगरीपाडा येथून १२ लोक आले आहेत. दिल्लीतूनही लोक फेब्रुवारीत रत्नागिरीत आले होते. बाहेरून आलेल्या लोकांनी माहिती लपविल्यास त्यांची गय करणार नाही, असा इशारा जिल्हा पोलिस अधिक्षक डॉ. प्रविण मुंढे यांनी दिला. 
 


इतर बातम्या
मॉन्सून यंदा वेळेवर पुणे : सध्या मॉन्सूनच्या प्रगतीसाठी वातावरण पोषक...
शेतकऱ्यांकडे २९ लाख क्विंटल घरचे बियाणे पुणे ः कृषी विभागाने ग्रामबिजोत्पादन मोहिमेतून...
मध्य महाराष्ट्रात तुरळक सरी पुणे : मध्य महाराष्ट्राच्या काही भागांत...
पावसाचा प्रभाव वाढणार पुणे : कर्नाटकाच्या उत्तर भागात चक्रीय वाऱ्याची...
पुणे बाजार समितीची अतिक्रमणविरोधी कारवाईपुणे ः गुलटेकडी येथील कृषी उत्पन्न बाजार समितीकडे...
राज्यातील पाणीसाठा ४४ टक्क्यांवर पुणे ः राज्यातील अनेक भागांत उन्हाचा चटका वाढला...
हरभरा दर पाच हजारांवर अकोला ः यंदा हरभऱ्याचा दर शासनाने जाहीर केलेल्या...
साठ कृषी कर्मचाऱ्यांचा कोरोनाने घेतला...पुणे ः कोविड १९ साथीच्या तडाख्यात सापडल्याने कृषी...
उत्कृष्ट दर्जाचे बियाणे उपलब्ध करून...यवतमाळ : चांगली उगवणक्षमता असलेले बियाणे तसेच...
बियाणे, खते बांधावर देण्याचे नियोजन करावाशीम : आगामी खरीप हंगामाच्या पार्श्‍वभूमीवर...
महात्मा फुले कृषी विद्यापीठाचे कुलसचिव...नगर ः राहुरी येथील महात्मा फुले कृषी विद्यापीठाचे...
ऊसबिलासाठी पीपीई किट घालून आंदोलन करणारसातारा : कारखान्यांना ऊस घातल्यानंतर १४...
पंचगंगा नदी प्रदूषण नियंत्रण कृती...कोल्हापूर :  ‘‘महाराष्ट्र प्रदूषण नियंत्रण...
आघाडी सरकारकडून मराठा समाजाची घोर फसवणूकजळगाव ः देवेंद्र फडणवीस यांचे सरकार असताना आम्ही...
लोहाऱ्यात वादळी पाऊसलोहारा, जि. उस्मानाबाद : शहरासह तालुक्यातील अनेक...
वाराईतून शेतकऱ्यांची लूटपुणे ः बाजार समित्यांमध्ये आवक झालेल्या...
खानदेशात पूर्वमोसमी पावसाचा धुमाकूळजळगाव ः खानदेशात पूर्वमोसमी पावसाचा गेले तीन दिवस...
नांदेड जिल्ह्यातील सोयाबीनची उत्पादकता...नांदेड : मागील खरीप हंगाम २०२०-२१ मधील...
महाराष्ट्रात बांबू क्रांती घडावी ः...लातूर ः गुजरातमध्ये ज्या प्रमाणे दुधाची क्रांती...
पिंपळगाव बसवंत येथे कांद्याची विक्रमी...नाशिक : उन्हाळ कांदा काढणीपश्चात साठवणूक क्षमता...