Agriculture news in Marathi Seed distribution planning to economically weaker sections: Straw | Agrowon

आर्थिक दुर्बल घटकांना बियाणे वाटपाचे नियोजन ः भुसे

टीम अॅग्रोवन
मंगळवार, 15 जून 2021

राष्ट्रीय अन्नसुरक्षा अभियानांतर्गत विविध बियाण्यांचे शेतकऱ्यांना वाटप करण्यात येत आहे. आर्थिक दुर्बल घटकांसह मागासवर्गीय, विधवा, कोरोनाग्रस्तामुळे बाधित झालेल्या कुटुंबासह आत्महत्याग्रस्त शेतकऱ्यांच्या कुटुंबांना मोफत बियाणे वाटप करण्याचे नियोजन केले आहे.

नाशिक : राष्ट्रीय अन्नसुरक्षा अभियानांतर्गत विविध बियाण्यांचे शेतकऱ्यांना वाटप करण्यात येत आहे. आर्थिक दुर्बल घटकांसह मागासवर्गीय, विधवा, कोरोनाग्रस्तामुळे बाधित झालेल्या कुटुंबासह आत्महत्याग्रस्त शेतकऱ्यांच्या कुटुंबांना मोफत बियाणे वाटप करण्याचे नियोजन केले आहे. यासाठी बियाणे वितरण करणाऱ्या कंपन्यांनी सीएसआर निधीतून सामाजिक बांधिलकी जपत बियाणे उपलब्ध करून देण्यात येत आहे. खरीप हंगाम यशस्वी करण्यासाठी कृषी विभाग सक्षम असल्याची माहिती कृषिमंत्री दादा भुसे यांनी दिली आहे. 

श्री. भुसे यांच्या प्रमुख उपस्थितीत शनिवारी (ता. १२) तालुक्यातील आर्थिक दुर्बल घटकांसह गरजू शेतकऱ्यांना बियाण्यांचे वाटप करण्यात आले. यावेळी बाजार समितीचे सभापती राजेंद्र जाधव, उपसभापती सुनील देवरे, तालुका कृषी अधिकारी बाळासाहेब व्यवहारे, तंत्रअधिकारी गोकुळ अहिरे यांच्यासह कृषी विभागाचे अधिकारी, कर्मचारी संबंधित गावचे सरपंच, उपसरपंच, पदाधिकारी व शेतकरी उपस्थित होते.

यावेळी श्री. भुसे म्हणाले, खरीप हंगामात पेरण्या वेळेवर होण्याची शेतकऱ्यांना आशा आहे. राज्यात बियाण्यासह रासायनिक खतांची कमतरता भासणार नाही. यंदा युरियासारख्या खताचा ७५ हजार टन बफर स्टॉक करण्यात आला आहे. जैविक बीजप्रक्रिया करून उत्पन्नवाढीवर भर देण्याचे आवाहनही त्यांनी यावेळी केले. बियाणे कंपन्यांमार्फत सामाजिक बांधिलकी जपत शेतकऱ्यांसाठी मदतीचा हात दिल्यामुळे बियाणे कंपन्यांचे त्यांनी यावेळी आभार मानले.

कृषी विभागामार्फत चालू खरीप हंगामात राष्ट्रीय अन्न सुरक्षा अभियानांतर्गत शेतकऱ्यांसाठी बाजरी-४० प्रकल्प, मका-३०, तूर-२, मूग-५, उडीद-१ तर सोयाबीनचे-२ प्रकल्प अधिक उत्पन्नवाढीसाठी घेण्यात आले आहेत.प्रत्येक प्रकल्पामध्ये २५ शेतकऱ्यांची निवड करण्यात आली आहे. त्यांना देखील बियाणे वाटपाचे नियोजन करण्यात आले. प्रकल्पांतर्गत शेतकऱ्यांना बियाण्याबरोबरच बीजप्रक्रिया, रासायनिक खतांचा वापर, एकात्मिक अन्नद्रव्य व्यवस्थापन, एकात्मिक कीड व्यवस्थापन आणि पणन व्यवस्था यांचेही नियोजन करण्यात आल्याची माहिती तालुका कृषी अधिकारी व्यवहारे यांनी दिली. तंत्रअधिकारी अहिरे म्हणाले, की तंत्रज्ञानाची सखोल माहिती तळागाळातील शेतकऱ्यांपर्यंत पोचविण्यासाठी कृषी विभाग प्रयत्नशील आहे.


इतर ताज्या घडामोडी
रत्नागिरीत पूर ओसरला, सावरण्याची धडपड ...रत्नागिरी : जिल्ह्यात पावसाचा जोर ओसरला असून पूर...
विदर्भात ६६ हजार हेक्‍टरवरील पिकांचे...नागपूर : विदर्भातील बहुतांश जिल्ह्यात शनिवारी (ता...
मराठवाड्यातील प्रकल्पांच्या जलसाठ्यात...औरंगाबाद : मराठवाड्यातील ८७९ लघू, मध्यम, मोठ्या...
स्मार्ट तंत्रज्ञानाने मेंदू बथ्थड होत...आधुनिक तंत्रज्ञानामुळे माणूस बथ्थड, मूर्ख होत...
कोल्हापुरात ६३ हजार हेक्टर पिकांना फटकाकोल्हापूर : जिल्ह्यात आलेल्या महापुरामुळे सुमारे...
परभणीत अतिवृष्टीने ३४ हजार हेक्टर पिके...परभणी ः अतिवृष्टी व पूरपरिस्थितीमुळे परभणी...
केंद्र सरकार घरे बांधून देणार : नारायण...रायगड/रत्नागिरी : ‘‘तळिये गावात पंतप्रधान आवास...
समृद्धीला समांतर बुलेट ट्रेनचा मार्ग बुलडाणा : नागपूर-मुंबई समृद्धी महामार्गालगतच आता...
नगरमध्ये एक लाख हेक्टरवर सोयाबीन नगर : नगर जिल्ह्यात सोयाबीनची पेरणी आता उरकली आहे...
साताऱ्यात भूस्खलनात आतापर्यंत ३२ जणांचा...सातारा : गेल्या तीन चार दिवसांपासून जिल्ह्यात...
आवक कमी दाखवून बाजार समितीची फसवणूक पुणे : पुणे कृषी उत्पन्न बाजार समितीमधील फळे,...
नदीकाठावरील ऊस वाहून गेलानेर्ले, जि. सांगली : बहे रामलिंग बेटाच्या...
अकोल्यातील २३३६ कर्जदार सावकारी...अकोला : शासनाने जाहीर केलेल्या परवानाधारक सावकारी...
गोंदिया : पावसाअभावी दीड लाख हेक्‍...गोंदिया :  देशात मॉन्सूनचे आगमन होऊन दोन...
पुण्यात आले, टोमॅटो दरांत सुधारणापुणे ः पुणे कृषी उत्पन्न बाजार समितीमध्ये रविवारी...
वातावरण बदलात पारंपरिक वाण टिकवतील...भारतामधील भूजल साठ्यामध्ये सर्वांत श्रीमंत राज्य...
नुकसानीची सूचना विमा कंपन्यांना द्यावी...सोलापूर : ‘‘यंदा जिल्ह्यामध्ये पावसाचे प्रमाण...
उस्मानाबाद जिल्ह्यात सोयाबीनमध्ये शंखी...बेलकुंड, जि. उस्मानाबाद जिल्ह्यात : बेलकुंड (ता....
नांदेडमध्ये नुकसानीचे पंचनामे करण्याचे...नांदेड : ‘‘जिल्ह्यात अतिवृष्टी तसेच सततच्या...
खानदेशात सोयाबीन पेरणीत घटजळगाव : खानदेशात यंदा नापेर क्षेत्र यंदा वाढणार...