agriculture news in marathi Seeds, fertilizers, pesticides District level cell for control | Agrowon

बियाणे, खते, कीटकनाशक नियंत्रणासाठी जिल्हास्तरीय कक्ष

टीम अॅग्रोवन
बुधवार, 21 एप्रिल 2021

नाशिक : निविष्ठांचा काळाबाजार व साठेबाजी रोखण्यासह गुणवत्ता व पुरवठ्याच्या दृष्टीने अडचणींचे तत्काळ निराकरण करण्यासाठी जिल्हास्तरावर नियंत्रण कक्ष स्थापन करण्यात आला.

नाशिक : खरीप हंगामात बियाणे पेरणीचा कालावधी अत्यंत अल्प आहे. त्यामुळे शेतकरी, कंपनी प्रतिनिधी, बियाणे, खते व कीटकनाशके विक्रेत्यांच्या अडचणी व तक्रारीचे वेळेत निराकरण व्हावे. निविष्ठांचा काळाबाजार व साठेबाजी रोखण्यासह गुणवत्ता व पुरवठ्याच्या दृष्टीने अडचणींचे तत्काळ निराकरण करण्यासाठी जिल्हास्तरावर नियंत्रण कक्ष स्थापन करण्यात आला. 

कोरोनाच्या पार्श्वभूमीवर टाळेबंदी दृष्टीने बियाणे, खते व कीटकनाशकांचे उत्पादन, प्रक्रिया, वाहतूक, वितरण व विक्री करताना अडचणी निर्माण होऊ शकतात. खरीप हंगामात बियाणे, खते व किटकनाशकांबाबत शेतकरी, कंपनी प्रतिनिधी व बियाणे, खते व कीटकनाशके विक्रेत्यांना क्षेत्रीय स्तरावर वेगवेगळ्या अडचणी येतात. यासाठी नियंत्रण कक्षाच्या कामी अधिकाऱ्यांची नेमणूक करण्यात आली.

दररोज सकाळी १० ते सायंकाळी ६ या वेळेत संपर्क साधण्यासाठी जिल्हा गुणवत्ता नियंत्रण निरीक्षक किरण वीरकर व जिल्हा परिषदेच्या मोहीम अधिकारी माधुरी गायकवाड यांना तसेच कार्यालय दूरध्वनी क्रमांक ०२५३-२५०४०४२ तसेच टोल फ्री क्रमांक १८००२३३४००० या क्रमांकावर सुध्दा संपर्क करता येईल. dqcinashik@gmail.com वर सुद्धा मेलव्दारे तक्रार करता येईल. 

तक्रार सुविधा केंद्रावर १६ एप्रिल ते ३० जून २०२१ दरम्यान जबाबदाऱ्या निश्चित केल्या आहेत. जिल्हा गुणवत्ता नियंत्रण अधिकारी किरण वीरकर, जिल्हा मोहीम अधिकारी माधुरी गायकवाड, कृषी अधिकारी लितेश येळवे व तंत्र अधिकारी अतुल कुलकर्णी यांच्यासह सहाय्यकांची नियुक्ती करण्यात आली.

बियाणे, खते व कीटकनाशके यांच्या गुणवत्ता व पुरवठयासंबंधी आलेल्या अडचणीची तक्रारींची विहित प्रपत्रात माहिती नोंदविणे,प्राप्त तक्रार ज्या कार्यालयाशी संबंधित आहे त्या कार्यालयास तक्रारदाराचे नाव, पत्ता, भ्रमणध्वणी क्रमांक व तक्रारीचा तपशील उचित कार्यवाहीसाठी तत्काळ पाठवणे, तक्रारदारांच्या अडचणीच्या निराकरणासाठी संबंधितांशी भ्रमणध्वणी/दूरध्वनी/ ईमेल/ व्हॉटसअॅप अशा संपर्क माध्यमाचा वापर करावा.     

कसूर केल्यास कारवाई

नियुक्तीच्या कालावधीत अधिकारी व कर्मचाऱ्यांकडून कसूर केल्याचे निदर्शनास आल्यास त्यांच्याविरुद्ध महाराष्ट्र सेवा व शर्तीच्या नियमानुसार  कडक कारवाई करण्याबाबत जिल्हा अधीक्षक कृषी अधिकारी कार्यालयाने नियुक्ती पत्रात स्पष्ट केले आहे.


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...