‘आयआयएचआर’चे बियाणे आता ऑनलाइन 

नाशिक : भारतीय कृषी संशोधन परिषदेच्या बंगळुरू येथील भारतीय फलोत्पादन संशोधन संस्थेने (आयआयएचआर)  फळे, भाजीपाला व फुलांच्या नवीन जातींचे विकसित केलेले बियाणे शेतकऱ्यांना उपलब्ध होण्यासाठी ऑनलाइन  विक्री पोर्टल सुरू केले आहे. या माध्यमातून शेतकऱ्यांना पीकनिहाय जाती निवडून बियाणे खरेदी करण्याची सुविधा उपलब्ध करून देण्यात आली आहे. ‘आयआयएचआर’ ही संस्था प्रामुख्याने फळे, भाजीपाला व फूल पिकांवर संशोधन करूनअधिक उत्पादनक्षम जाती विकसित करत असते. संस्थेने विकसित केलेल्या जातींमुळे पिकांची गुणवत्ता व उत्पादकतेमध्ये वाढ दिसून आली आहे. संस्थेने शेतकऱ्यांसाठी पोर्टलवर बाराहून अधिक पिकांचे बियाणे उपलब्ध करून दिले आहे.  शेतकऱ्यांना थेट संस्थेकडून बियाणे उपलब्ध करून देणे हा पोर्टलचा मुख्य उद्देश आहे. कोरोनाच्या पार्श्वभूमीवर सध्या या कामात विलंब होऊ शकतो, असे अगोदर सूचित करण्यात आले असून बियाणे खरेदीत अडचण आल्यास पैसे परताव्याचे धोरण स्पष्ट करण्यात आले आहे.

अशी करा ऑनलाइन बियाणे खरेदी