परभणी ः वसंतराव नाईक कृषी विद्यापीठाने उत्पादित केलेल्या रब्बी पिकांचे बियाणे परभणी येथील विद्यापीठाच्या बीजप्रक्रिया केंद्रामध्ये बुधवार (ता.२२) पासून शेतकऱ्यांना खरेदीसाठी उपलब्ध झाले आहे. मराठवाड्यातील इतर सात जिल्ह्यांत ३० सप्टेंबरपर्यंत बियाणे देण्यात येईल.
मराठवाड्यातील शेतकऱ्यांना विद्यापीठाने विकसित केलेल्या ज्वारीच्या परभणी मोती, परभणी ज्योती, परभणी सुपर मोती, हरभऱ्याच्या आकाश, काबुली पांढरा (बीडीएन ७९८), करडईच्या परभणी १२, परभणी ८६, गव्हाच्या समाधान, जवसाच्या लातूर ९३ या वाणांची बियाणे आहेत. ती शेतकऱ्यांना यंदाच्या हंगामात पेरणीसाठी उपलब्ध व्हावे, यासाठी विद्यापीठांतर्गत परभणी येथील बीजप्रक्रिया केंद्र उपलब्ध झाले आहे.
मराठवाड्यातील कृषी विज्ञान केंद्रे, संशोधन केंद्रे, कृषी महाविद्यालये या ठिकाणी सप्टेंबर महिन्‍याच्‍या शेवटच्‍या आठवड्यात बियाणे देण्यात येईल. बीज परीक्षण प्रयोगशाळेतून उगवणक्षमता चाचणीचे निष्कर्ष प्राप्त होतील. त्यानुसार विविध ठिकाणी बियाणे देण्यात येईल.
जिल्हानिहाय बियाणे विक्री केंद्रे
| परभणी | बीजप्रक्रिया केंद्र, वसंतराव नाईक मराठवाडा कृषी विद्यापीठ, परभणी. |
| औरंगाबाद | कृषी विज्ञान केंद्र, पैठण रोड, जालना कृषी विज्ञान केंद्र, बदनापूर. |
| जालना | कृषी विज्ञान केंद्र, बदनापूर. |
| हिंगोली | कृषी महाविद्यालय, गोळेगाव, ता.औंढा नागनाथ. |
| नांदेड | कापूस संशोधन केंद्र, देगलूर रोड, नांदेड |
| लातूर | गळीत धान्य संशोधन केंद्र. |
| उस्मानाबाद | कृषी विज्ञान केंद्र, तुळजापूर. |
| बीड | कृषी महाविद्यालय, अंबाजोगाई व कृषी विज्ञान केंद्र, खामगाव (ता.गेवराई) |
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.