agriculture news in marathi, seeds sale status, parbhani, maharashtra | Agrowon

परभणी कृषी विद्यापीठ उत्पादित अडीच हजार क्विंटल बियाण्यांची विक्री

टीम अॅग्रोवन
गुरुवार, 18 जुलै 2019

परभणी : वसंतराव नाईक मराठवाडा कृषी विद्यापीठाच्या प्रक्षेत्रावर उत्पादित बीज प्रक्रिया केलेल्या विविध खरीप पिकांच्या एकूण २ कोटी ५९ लाख ५५ हजार ६२५ रुपये किमतीच्या २४६५ क्विंटल बियाण्यांची यंदा विक्री झाली आहे.

परभणी : वसंतराव नाईक मराठवाडा कृषी विद्यापीठाच्या प्रक्षेत्रावर उत्पादित बीज प्रक्रिया केलेल्या विविध खरीप पिकांच्या एकूण २ कोटी ५९ लाख ५५ हजार ६२५ रुपये किमतीच्या २४६५ क्विंटल बियाण्यांची यंदा विक्री झाली आहे.

शेतकऱ्यांना पेरणीसाठी दर्जेदार बियाणे उपलब्ध व्हावे, यासाठी वसंतराव नाईक मराठावाडा कृषी विद्यापीठाने संशोधित केलेल्या सोयाबीन, मूग, उडीद, तूर, ज्वारी या पिकांच्या वाणांचा बीजोत्पादन कार्यक्रम विविध ठिकाणची संशोधन केंद्र, महाविद्यालयांच्या प्रक्षेत्रावर घेण्यात येतो. दरवर्षी १८ मे रोजी विद्यापीठाच्या वर्धापन दिनानिमित्त आयोजित खरीप पीक शेतकरी मेळाव्याच्या वेळी परभणी येथील बीज प्रक्रिया केंद्रात बियाणे विक्रीस सुरवात केली जाते.

परंतु, यंदा मराठवाडा विभागातील जास्तीत जास्त शेतकऱ्यांना विद्यापीठाचे बियाणे उपलब्ध व्हावे, या उद्देशाने कुलगुरू डॉ. अशोक ढवण यांच्या संकल्पनेतून संशोधन संचालक डॉ. दत्तप्रसाद वासकर यांच्या मार्गदर्शनाखाली औरंगाबाद येथील राष्ट्रीय कृषी संशोधन प्रकल्प आणि बदनापूर कृषी विज्ञान केंद्र (जि. जालना) येथील कडधान्य संशोधन केंद्र, नांदेड येथील कापूस संशोधन केंद्र, लातूर येथील तेलबिया संशोधन केंद्र, तुळजापूर (जि. उस्मानाबाद) येथील कृषी विज्ञान केंद्र, खामगाव (जि. बीड) येथील कृषी विज्ञान केंद्र या ठिकाणी खरीप पिकांच्या विविध वाणांचे बियाणे विक्रीसाठी उपलब्ध करून देण्यात आले होते. यंदा बियाणे खरेदीसाठी शेतकऱ्यांचा चांगला प्रतिसाद मिळाला.

या वर्षी सोयाबीनच्या एमएयूएस-७१, एमएयूएस-१५८, एमएयूएस-१६२, एमएयूएस-६१२ या वाणांचे मिळून एकूण २५३८ क्विंटल प्रक्रिया केलेले बियाणे उपलब्ध झाले होते. त्यातून २ कोटी ५० हजार रुपये किमतीच्या १९४५ क्विंटल बियाण्यांची विक्री झाली. मुगाच्या बीएम २००३-२ वाणाचे ८२ क्विंटल बियाणे उपलब्ध होते. त्यातून ११ लाख ९९ हजार रुपये किमतीच्या ७८ क्विंटल बियाण्यांची विक्री झाली.

उडदाच्या टीयू-१ वाणाचे १२ क्विंटल बियाणे उपलब्ध होते. उडदाच्या १ लाख ५६ हजार रुपये किमतीच्या १२ क्विंटल बियाण्यांची विक्री झाली. तुरीच्या बीडीएन-७११, बीडीएन-७१६, बीएसएमआर-७३६ या वाणांचे एकूण ३३८ क्विंटल बियाणे उपलब्ध होते. त्यापैकी ४३ लाख ७० हजार रुपये किमतीच्या ३२० क्विंटल बियाण्यांची विक्री झाली. ज्वारीच्या परभणी शक्ती वाणांचे १४० क्विंटल बियाणे उपलब्ध झाले होते. त्यापैकी १ लाख ८० हजार रुपये किमतीच्या ११० क्विंटल बियाण्यांची विक्री झाल्याचे सूत्रांनी सांगितले. 


इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...