Agriculture news in Marathi Seize fake onion seeds at the edges | Page 2 ||| Agrowon

कडा येथे कांद्याचे बनावट बियाणे जप्त

टीम अॅग्रोवन
मंगळवार, 22 जून 2021

नगर जिल्ह्याच्या शेजारी असलेल्या कडा (ता. आष्टी) येथे शनिवार (ता. १९) एका कृषी केंद्र चालकाकडून कांद्याचे एक लाख रुपये किमतीचे बनावट बियाणे जप्त केले आहे.

नगर ः नगर जिल्ह्याच्या शेजारी असलेल्या कडा (ता. आष्टी) येथे शनिवार (ता. १९) एका कृषी केंद्र चालकाकडून कांद्याचे एक लाख रुपये किमतीचे बनावट बियाणे जप्त केले आहे. पंचगंगा कंपनीच्या नावे बनावट बॉक्स करून हे बियाणे विकले जात होते. 

कृषी विभाग, पोलिस व पंचगंगा सिड्सच्या अधिकाऱ्यांनी ही कारवाई केली. त्यामुळे या परिसरासोबतच नगर जिल्ह्यातील काही भागातही दर्जेदार कंपनीच्या बियाणांच्या नावाखाली कांद्याचे बनावट बियाणे विक्री झाल्याचे शक्यता व्यक्त केली जात आहे. गेल्यावर्षी नगर जिल्ह्यात बनावट बियाणांच्या विक्रीतून मोठा आर्थिक फटका शेतकऱ्यांना सोसावा लागला आहे.

नगर, कर्जत, पाथर्डी, जामखेड, आष्टी (जि. बीड) भागात खरिपात आणि रब्बीतही कांद्याचे मोठ्या प्रमाणात उत्पादन घेतले जाते. यंदाही कांद्याची मोठ्या प्रमाणात लागवड होण्याची शक्यता आहे. गेल्यावर्षी कांदा बियाणांची टंचाई निर्माण झाली होती. त्यामुळे यंदा कांदा बियाणे खरेदीसाठी शेतकऱ्यांची लगबग सुरू आहे. त्याचा फायदा घेऊन पंचगंगा या बियाणे कंपनीच्या नावे बनावट बियाणे विकले जात असल्याची माहिती कंपनीच्या पथकाला मिळाली होती. 

त्यातून पथकातील कारभारी उदागे व इतरांनी शुक्रवारी (ता. १८) बनावट ग्राहक होऊन कांदा बियाणे खरेदी केली. त्यावेळी हे बियाणे बनावट असल्याचे स्पष्ट होताच सहायक पोलिस निरीक्षक भरत मोरे, पोलिस उपनिरीक्षक योगेश कोरडे, कृषी विभागाचे बीड जिल्हा गुणनियंत्रण अधिकारी साय्याप्पा गराडे, आष्टी तालुका कृषी अधिकारी राजेंद्र सुपेकर, मंडळ अधिकारी गोरख तरटे, कैलास जाधव, कंपनीचे अधिकारी प्रवीण शिंदे यांनी शनिवारी कडा (ता. आष्टी) येथील गजानन कृषी सेवा केंद्रातून पंचगंगा या नावाचे बनावट ५०० ग्रॅम वजनाचे ७८ पाकिटे (किंमत १ लाख ९ हजार रुपये) जप्त केले आहे. 

या दुकानदाराने आतापर्यंत किती बनावट बियाणे विकले याचा पोलिस तपास करत आहेत. या प्रकाराने शेतकऱ्यांत खळबळ उडाली आहे. गेल्यावर्षी कड्याला जोडून असलेल्या नगर जिल्ह्यातील कर्जत, श्रीगोंदा व अन्य भागात पंचगंगाच्या नावे कांद्याचे बनावट बियाणे विकले गेले होते. त्याचा शेतकऱ्यांना मोठा फटका बसला होता. अजूनही या भागात बनावट कांदा बियाणे विक्री करणारी टोळी कार्यरत असल्याची शक्यता व्यक्त केली जात आहे. दरम्यान पंचगंगाच्या नावे बनावट बियाणे विकले जात असल्यास कळवावे व ग्राहकांनी चढ्या भावाने विक्री होत असल्याचे कळवावे, असे आवाहन कंपनीचे व्यवस्थापकीय संचालक प्रभाकर शिंदे यांनी सांगितले.


इतर बातम्या
सत्तावीस कीडनाशकांच्या बंदीविषयी अहवाल...पुणे ः केंद्रीय कृषी मंत्रालयाने मागील वर्षी...
पंतप्रधान आवास योजनेसाठी ११ लाख नावे...नगर ः ग्रामीण भागातील गरीब, अल्पभूधारक, घर...
राज्यात 'शेतमाल तारणा'तून २७ कोटी...पुणे ः कृषी पणन मंडळाद्वारे बाजार समित्यांद्वारा...
राज्यात आज हलक्या सरींची शक्यता पुणे : राज्याच्या अनेक भागांत पावसाने उघडीप दिली...
पशुचिकित्सा व्यवसायींचा राज्यभर बेमुदत...नगर : पशुचिकित्सा व्यवसायी (डिप्लोमा, पदविकाधारक...
अमरावती : निकृष्ट बियाणेप्रकरणी भरपाईचे...अमरावती ः निकृष्ट बियाण्यासंदर्भाने तालुकास्तरीय...
ऑगस्ट, सप्टेंबरमध्ये सर्वसाधारण पावसाची...पुणे : हवामान विभागाने ऑगस्ट व सप्टेंबर महिन्याचा...
पीकविमाधारकांना मिळणार २५ टक्के तात्काळ...पुणेः राज्यात प्रतिकूल परिस्थितीमुळे खरीप...
खोटे बोलण्यासाठी नाही, प्रामाणिक...भिलवडी, जि. सांगली : ‘‘मी तत्काळ मदतीबाबत विचार...
सात-बारासह फेरफारही मिळणार आता ऑनलाइन...पुणे : शेती संबंधीच्या दस्ताऐवजांची संगणकीकृत...
सांगली : पूरबाधितांच्या पंचनाम्यांचा...सांगली : महापुरानंतर आता नुकसानीचे पंचनामे सुरू...
अतिवृष्टीने नुकसान; ३४ हजारांवर अर्जअकोला : गेल्या महिन्यात जिल्ह्यात तीन दिवस...
जमीन अधिग्रहणाला विरोध; आळेफाट्यावर...आळेफाटा, जि. पुणे : पुणे-नाशिक हायस्पीड...
नगरमध्ये मिळाला पीकविमा; श्रेयासाठी...नगर : अनेक दिवसांच्या प्रतीक्षेनंतर अखेर गेल्या...
पदविकाधारकांना खासगी पशुवैद्यकीय...अकोला : दुग्ध व्यवसाय व्यवस्थापन व पशुसंवर्धन...
राळेगावमध्ये कपाशीवर बोंडअळीचा...राळेगाव, जि. यवतमाळ : जिल्ह्याचे मुख्य पीक...
परभणीत ४४६ कोटी ५९ लाख रुपये वितरणपरभणी ः चालू आर्थिक वर्षात (२०२१-२२) जुलै...
अनेक नोंदणीधारक शेतकरी ज्वारी...भालेर, जि. नंदुरबार ः जिल्ह्यात शुक्रवार (ता. ३०...
डाळ व्यापाऱ्याची चार कोटींनी फसवणूक नागपूर : डाळ व्यापाऱ्याला आमिष दाखवून साखरेच्या...
महसूली प्रकरणांचा निपटारा तीन टप्प्यांत...नाशिक : सेवाहक्कांतर्गत १००पेक्षा अधिक व राज्यात...