नाशिक : कोरोना विषाणूचा प्रादुर्भाव रोखण्यासाठी देशात लॉकडाउन सुरू आले. मात्र, ग्रामीण भागात रोजीरोटीसाठी मजुरीने जाणाऱ्या नागरिकांवर उपासमारीची वेळ आली आहे. त्यामुळे खाण्यापिण्याची सोय व्हावी, यासाठी मालेगाव तालुक्यातील मानके व दहीकुटे गावातील महिला बचत गटातील सदस्यांनी आर्थिक मदत गोळा केली. या रकमेतून किरणामाल, धान्याची खरेदी करून त्याचे गावात गरजूंना वाटप केले.
लॉकडाउन झाल्यामुळे मजूरांची उपासमार होऊ लागली आहे. हाताला काम नाही. केलेल्या कामाचा पैसाही नाही. यामुळे कुटुंबातील सदस्य उपाशी पोटी दिवस काढत होते. उदरनिर्वाहाचा प्रश्न उभा राहिला. अशावेळी बचत गटातील महिला त्यांच्या मदतीला धावून आल्या. स्वतः कष्ट करून दोन पैसे मिळवणाऱ्या महिलांनी मदत केल्याचे चित्र पाहायला मिळाले.
श्री.साईनाथ बचत गट, ओम साई, धनदाई बचत गट, रामराव बाबा बचत गट यांच्या मदतीने गरजू कुटुंबांना अन्नधान्य वाटप करण्यात आले. किरणामध्ये साखर, चहा पावडर, मीठ, डाळी, तेल, मसाले, शेंगदाणे यांसह तांदूळ, गहू या धान्याचे वाटप करण्यात आले.
मदत जमा करून वितरण करण्याच्या उपक्रमात कोमल देवरे, सुवर्णा देवरे, शोभा वाघ, भारती सोनवणे, ज्योती देवरे, रेखा देवरे, मिनाबाई हिरे, सविता देवरे आदींनी पुढाकार घेतला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.