Agriculture news in marathi Self-respect for insurance Morcha on Agriculture Commissionerate | Page 2 ||| Agrowon

पीकविम्यासाठी स्वाभिमानीचा कृषी आयुक्तालयावर मोर्चा 

टीम अॅग्रोवन
मंगळवार, 27 जुलै 2021

पीकविमा योजनेतील गेल्या खरिपाची नुकसान भरपाई द्या, तसेच विम्याच्या नावाखाली हजारो कोटी रुपये हडपणाऱ्या कंपन्यांवर गुन्हे दाखल करा, या मागण्यांसाठी  स्वाभिमानी शेतकरी संघटनेने सोमवारी मोर्चा काढला.

पुणे : पीकविमा योजनेतील गेल्या खरिपाची नुकसान भरपाई द्या, तसेच विम्याच्या नावाखाली हजारो कोटी रुपये हडपणाऱ्या कंपन्यांवर गुन्हे दाखल करा, अशा मागण्या करीत स्वाभिमानी शेतकरी संघटनेने सोमवारी (ता.२६) कृषी आयुक्तालयावर भरपावसात धडक मोर्चा काढला. ‘विमा आमच्या हक्काचा; नाही कुणाच्या बापाचा’ अशा घोषणा देत शेकडो शेतकऱ्यांनी आयुक्तालयाचा परिसर दणाणून सोडला होता. 

‘स्वाभिमानी’चे मार्गदर्शन विदर्भ युवा आघाडी अध्यक्ष प्रशांत डिक्कर तसेच युवती आघाडीच्या प्रदेशाध्यक्षा पूजा मोरे यांच्या नेतृत्वाखाली पुण्याच्या सेंट्रल बिल्डिंग चौकात शेकडो शेतकरी सकाळी जमा झाले. त्यांनी सरकार तसेच कंपन्यांच्या विरोधात जोरदार घोषणाबाजी करीत मोर्चाला सुरूवात केली. कृषी आयुक्तालयाच्या प्रवेशद्वाराजवळ मोर्चाचे रूपांतर सभेत झाले. बुलडाणा जिल्ह्यातील शेतकरी मोठ्या संख्येने सहभागी झाले होते. 

‘‘हजारो कोटी रुपये गोळा करणाऱ्या विमा कंपन्यांनी गेल्या हंगामातील एक छदामही दिलेला नाही. कंपन्या व सरकारने साटेलोटे करून शेतकऱ्यांच्या पाच हजार कोटींवर आतापर्यंत डल्ला मारलेला आहे. त्यामुळे आमदार देखील या समस्यांवर बोलत नाही. सरकार दखल घेत नसल्याने आमचे बेमुदत आंदोलन आयुक्तालयासमोर सुरू राहील,’’ अशी घोषणा डिक्कर यांनी या वेळी केली. 

मोर्चाची माहिती कृषिमंत्री दादा भुसे यांना समजताच भ्रमणध्वनीवरून त्यांनी मोर्चेकऱ्यांशी संपर्क करीत समस्या सोडविण्याचे आश्वासन दिले. भरपावसात शेतकरी ताटकळत असतानाही कोणताही अधिकारी मोर्चाकऱ्यांच्या भावना जाणून घेण्यासाठी आलेला नाही, अशी तक्रार कृषिमंत्र्यांकडे करण्यात आली.

दरम्यान, आयुक्तांना दिलेल्या निवेदनात डिक्कर यांनी शेतकऱ्यांची फसवणूक करणाऱ्या विमा कंपन्यांवर फौजदारी गुन्हे दाखल करण्याची मागणी केली. ‘‘विमा कंपन्या नफेखोरीचे धोरण ठेवत हजारो कोटी रुपये कमावत आहेत. बुलडाणा जिल्ह्यातील विमा भरपाई कंपन्यांनी अडवून ठेवली आहे. भरपाईबाबत शासनाच्या आदेशालाही या कंपन्या केराची टोपली दाखवतात,’’ असा आरोप रोशन देशमुख, गजानन भंगाळे पाटील, उज्ज्वल चोपडे यांनी केला. 

दुपारनंतर आयुक्तालयाच्या प्रशासनाने आंदोलनकर्त्यांना चर्चेसाठी कार्यालयात बोलावले होते. तर, मोर्चेकऱ्यांमध्ये येऊन आयुक्तांनी चर्चा करावी, असा आग्रह आग्रह डिक्कर यांनी धरला. तसेच, बेमुदत धरणे आंदोलनही सुरू केले. आयुक्त धीरज कुमार दोन दिवसांच्या रजेवर असल्याने कृषी संचालक विकास पाटील (विस्तार व प्रशिक्षण विभाग) व मुख्य सांख्यिक उदय देशमुख यांनी शिष्टमंडळाशी चर्चा केली. चर्चा अद्याप सुरूच असून, तोडगा निघालेला नाही. 


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...