agriculture news in marathi, Sena wants to make farmers debt-free, says Uddhav | Agrowon

कर्जबाजारी शेतकऱ्यांचा सातबारा कोरा करणार : उद्धव ठाकरे

टीम अॅग्रोवन
रविवार, 13 ऑक्टोबर 2019

मुंबई : मधुमेहासारख्या २०० चाचण्या १ रुपयात करतानाच शेतीखालील क्षेत्रवाढीसाठी अल्पभूधारक व आर्थिक दुर्बल घटकातील शेतकऱ्यांच्या खात्यात थेट दहा हजार जमा करण्यासोबत कर्जबाजारी शेतकऱ्यांचा सातबारा कोरा करणार असल्याची घोषणा शिवसेनेने वचननाम्यात केली आहे. 

मुंबई : मधुमेहासारख्या २०० चाचण्या १ रुपयात करतानाच शेतीखालील क्षेत्रवाढीसाठी अल्पभूधारक व आर्थिक दुर्बल घटकातील शेतकऱ्यांच्या खात्यात थेट दहा हजार जमा करण्यासोबत कर्जबाजारी शेतकऱ्यांचा सातबारा कोरा करणार असल्याची घोषणा शिवसेनेने वचननाम्यात केली आहे. 

विधानसभा निवडणूकपूर्व ‘वचननाम्यात’ शिवसेनेने राज्यातील जनतेवर आश्वासनांचा पाऊस पाडला आहे. पक्षप्रमुख उद्धव ठाकरे यांच्या हस्ते शनिवारी (ता.१२) ‘मातोश्री’वर वचननामा प्रकाशित झाला. या वेळी आदित्य ठाकरे यांच्यासह शिवसेनेचे नेते उपस्थित होते. कृषी उत्पादने आणि शेतकऱ्यांच्या समस्यांवर विविध योजनांचा यात समावेश आहे. उद्धव ठाकरे आणि आदित्य ठाकरे यांनी वचननाम्यातील सर्व आश्वासने पूर्ण केली जातील, असा दावा केला आहे.

उद्धव ठाकरे यांनी शिवसेना फक्त आश्वासने देत नाही, तर वचन देते आणि ते पूर्ण करते, असे सांगत आपला निवडणूक जाहीरनामा प्रकाशित केला. काही वचने दसरा मेळाव्यात सांगितली आहेत आणि उरलेली वचने या वचननाम्यात देत असल्याचेही या वेळी त्यांनी सांगितले. तसेच या वेळी निवडणुकीत चुरस नाही. ही निवडणूक जनतेने हातात घेतली असून, महाराष्ट्र हा वचननामा स्वीकारून आम्हाला बहुमत देईल, असा विश्वासही व्यक्त केला.शिवसेनेच्या वचननाम्यात प्रत्येक घटकासाठी विशेष योजनांची घोषणा करण्यात आली आहे. या वेळच्या घोषणापत्रात आदित्य ठाकरे यांचाही सक्रिय सहभाग असल्याचे दिसून आले. स्वतः आदित्य ठाकरे यांनी हा वचननामा अभ्यास करून तयार केल्याचे म्हटले. 

शेती क्षेत्रासाठी वचनाम्यात काय आहे... 

  •   शेतीखालील क्षेत्रवाढीसाठी अल्पभूधारक व आर्थिक दुर्बल घटकातील शेतकऱ्यांच्या खात्यात थेट दहा हजार जमा करणार 
  •  कर्जबाजारी शेतकऱ्यांचा सातबारा कोरा करणार
  •  शेत तिथे ठिबक सिंचन योजनेअंतर्गत शेतकऱ्यांना उत्तेजन देण्यासाठी ३ वर्षांसाठी ९५ टक्के अनुदान देणार
  •  गटशेती करून दर्जेदार शेतीमाल व बागायती उत्पादन निर्मितीवर भर देणाऱ्या शेतकऱ्यांना कमी व्याजदराने कर्ज देणार
  •  बी-बियाणे, खते आणि औजारे खरेदीत सवलत 
  •  विशेष हमीभाव देणारे धोरण आखणार व राबविणार, ज्यामुळे शेतकऱ्यांना किमान दरमहा २० हजार उत्पन्न मिळू शकेल. 
  •  शेतीमधील उत्पादन खर्च कमी करण्यासाठी आवश्यक घटकांच्या किमती पुढील पाच वर्षे स्थिर ठेवणार
  •  पीक विमा योजनेतील त्रुटी दूर करून व खासगी कंपन्यांच्या मनमानीस पायबंद घालून ज्याचे नुकसान त्या शेतकऱ्याला भरपाई मिळण्यासाठी तालुका, सर्कल स्तरावर संबंधित विमा कंपन्यांचे कार्यालये सुरू करणार, 
  •  पुरांमुळे व समुद्राच्या भरतीच्या पाण्यामुळे होणाऱ्या शेतीच्या नुकसानीसाठी आणि मत्स्य टंचाईच्या काळात शेतकऱ्यांना भरपाई देणार
     

इतर अॅग्रो विशेष
बळीराजा चेतना अभियान बंद करण्याचा निर्णयमुंबई : विदर्भ आणि मराठवाड्यातील शेतकरी आत्महत्या...
विदर्भातून सूर्यफूलाचे पीक झाले हद्दपारनागपूर : सूर्यफुलाकरिता प्रसिद्ध असलेल्या भागात...
पीक कर्ज वाटपात हलगर्जीपणा करणाऱ्या...पुणे: महात्मा जोतिराव फुले कर्जमुक्ती योजनेत...
ग्रामपंचायतींचे लेखापरीक्षण होणारपुणे: पंचायत राजच्या माध्यमातून देशभरातील...
सतर्क राहून मदत कार्य कराः मुख्यमंत्रीमुंबई: मुसळधार वृष्टी आणि जोरदार वारे यामुळे...
कोकणाला दणका, मराठवाड्यात दिलासापुणे: मुंबईसह कोकणला पावासाने चांगलेच झोडपून...
कोकणात पावसाचा जोर वाढणार पुणे ः गेल्या चार ते पाच दिवसांपासून अरबी...
`कृषी’चे प्रवेश सीईटीनेच होणार पुणे: राज्यात कृषी पदवी अभ्यासक्रमांचे प्रवेश ‘...
महागाई नियंत्रणासाठी रेपो दर 'जैसे थे' मुंबई: भारतीय रिझर्व्ह बँकेने आपले ऑगस्ट आणि...
पिराचीवाडी झाली उपक्रमशील गावकोल्हापूर जिल्ह्यातील पिराचीवाडी(ता.कागल) हे...
शेती शाश्वत अन् आश्वासकही!चार महिन्यांपासून देशभर सुरु असलेले लॉकडाउन आता...
दूध दराचे दुखणेइतर व्यवसाय व दूध व्यवसायातील फरक हा की कारखाने...
उद्दिष्ट - मुदतवाढीत अडकवू नका मका...‘‘आ धी नोंदणी केल्यानंतर ११ जुलैला एसएमएस...
मराठवाड्यात कर्ज पुरवठ्याचं घोडं ३७...औरंगाबाद : मराठवाड्यात खरीप पीक कर्ज पुरवठा...
मुगाचे अर्धेअधिक क्षेत्र रोगाच्या...अकोला : यंदाच्या खरिपात मुगाच्या पिकावर लिफ...
दादाजींचे कुटुंबीय जगतेय केवळ...चंद्रपूर: ‘एचएमटी’सह तब्बल ९ धानाचे वाण विकसित...
सियावर रामचंद्र की जय ! अयोध्येत रंगला...अयोध्या : राम नामाच्या भक्तिसागरात आकंठ बुडालेली...
पालघरमध्ये महावृष्टी; मुंबई, कोकणला...पुणे : गेल्या दोन दिवसांपासून कोकणात पावसाने...
कोकण, मध्य महाराष्ट्रात मुसळधारेचा इशारापुणे : गुजरात ते उत्तर मध्य महाराष्ट्र, विदर्भ...
राज्यात ९ ऑगस्टला रानभाज्या महोत्सवमुंबई : औषधी गुणधर्म असलेल्या रानभाज्यांची विक्री...