agriculture news in marathi, sericulture scheme status, aurangabad, maharashtra | Agrowon

राज्यात नव्याने सात हजार एकरांवर तुती लागवड
टीम अॅग्रोवन
सोमवार, 17 सप्टेंबर 2018


रेशीम शेतीने मराठवाड्यातील शेतकऱ्यांना शाश्वत उत्पन्न मिळवून दिले. त्यामुळे शेतकऱ्यांचा रेशीम उद्योगाकडे कल वाढला. पावसाच्या खंडामुळे मराठवाड्यात तुती लागवडीला ब्रेक लागला अन्यथा आणखी दोन ते तीन हजार एकरांवर तुती लागवड झाली असती.
- दिलीप हाके, सहायक संचालक रेशीम, औरंगाबाद विभाग.

औरंगाबाद : आर्थिक उन्नतीचा मार्ग शाश्वतरीत्या प्रशस्त करणाऱ्या रेशीम उद्योगाकडे शेतकऱ्यांचा कल झपाट्याने वाढू लागला आहे. राज्यात यंदा नव्याने जवळपास ७ हजार ८८ एकरांवर तुतीची लागवड झाली आहे. त्यातही एकूण तुती लागवडीपैकी जवळपास ५५ टक्‍के वाटा उचलणाऱ्या मराठवाड्यातील शेतकऱ्यांनी तुती लागवडीत आघाडी घेतली आहे.

राज्यातील अमरावती, नागपूर, औरंगाबाद व पुणे या चार विभागांत महारेशीम अभियानाआधी ९९५५ शेतकऱ्यांच्या सहभागातून १० हजार ८१६ एकरांवर तुतीची लागवड करण्यात आली होती. त्यामध्ये अमरावती विभागातील १९०८, नागपूरमधील ८४८, औरंगाबादमधील ५०५८, तर पुणे विभागातील ३००२ एकरांवर तुतीची लागवड झालेली होती. यंदा त्यामध्ये नव्याने लागवड झालेल्या ७०८८ एकरांवरील तुतीची भर पडल्याने राज्यातील तुतीचे क्षेत्र १७ हजार ९०४ एकरांवर पोचले आहे.

राज्यातील एकूण नव्या जुन्या तुती लागवड क्षेत्रामध्ये अमरावती विभागातील ३१३८, नागपूर विभागातील ११८४, औरंगाबादमधील ९८६० तर पुणे विभागातील ३७२२ एकर क्षेत्राचा समावेश आहे. आजपर्यंत अमरावती विभागातील २९०९, नागपूर विभागातील १०१२, पुणे विभागातील ३५५५ तर औरंगाबाद विभागातील ९५६७ शेतकऱ्यांनी तुती लागवड केली आहे.

यंदा मराठवाड्यात सर्वाधिक ४८०२ एकरांवर ४८०२ शेतकऱ्यांनी नव्याने तुती लागवड करून आघाडी घेतली आहे. अमरावती विभागात १२३० शेतकऱ्यांनी १२३० एकरांवर, नागपूर विभागातील ३३६ शेतकऱ्यांनी ३३६ एकरांवर, पुणे विभागातील ७२० शेतकऱ्यांनी ७२० एकरांवर तुतीची लागवड केली आहे. केवळ तुती लागवडच नव्हे तर रेशीम उद्योगातील विकासाच्या सर्व मानकांमध्ये मराठवाड्यातील रेशीम उत्पादक शेतकरी सर्वाधिक अग्रेसर असल्याचे चित्र आहे.

नव्याने झालेल्या तुती लागवडीचे क्षेत्र बघता राज्यातील १४३१ गावांत रेशीम उद्योग पोचला आहे. त्यामध्ये अमरावती विभागातील ३६२, नागपूर विभागातील २२४, औरंगाबाद विभागातील ५७७ तर पुणे विभागातील २६८ गावांचा समावेश आहे.
 

इतर अॅग्रो विशेष
संघर्षमय हंगामगेल्या वर्षीच्या गळीत हंगामात राज्यात विक्रमी...
द्राक्ष शेतीला चालना कशी मिळेल?संपूर्ण भारत देशामध्ये द्राक्ष लागवड १.३९ लाख...
जमिनीच्या सुपीकतेतील गांडुळांचे योगदानजगभरामध्ये हजारो जातीची गांडुळे अस्तित्वात असून,...
ईशान्यकडील राज्ये का नाकारतात...कोल्हापूर : वाहतूक खर्चामुळे महाग पडत असल्याने...
जळगाव जिल्ह्यात 'येथे' सुरु झाली...जळगाव ः खानदेशात भारतीय कापूस महामंडळाने (...
केंद्रीय पथक आज करणार पीकहानीची पाहणीपुणे ः मॉन्सूनोत्तर पावसामुळे राज्यात शेतीच्या...
‘दाणेदार’ खताच्या मागे ‘मालदार’ हालचालीपुणे : राज्यात १९७० ते २००० या तीन दशकांमध्ये...
योजना, निधीची कमी नाही, मग शेतीचे प्रश्...औरंगाबाद : योजना, निधी, यंत्रणा, सुविधा,...
धक्कादाय ! चक्क दाताखाली दाणे ठेवत...उमरखेड, यवतमाळ : मॉन्सूनोत्तर पावसाच्या...
कोकण, मध्य महाराष्ट्रात गारठा कमीपुणे: विदर्भ, मराठवाड्यात तापमान कमी झाल्याने...
शेतकऱ्यांचे ३० कोटी परत करा; पुण्यात...पुणे: पुणे कृषी उत्पन्न बाजार समितीमधील डाळिंब...
फूलशेती देऊ शकते का उत्पन्नाचा हमखास...अकोला जिल्ह्यातील कंझरा येथील अमृतराव दलपतराव...
पुदिना उत्पादनात रवी करंजकरांची मास्टरी...मुंबईत पुदिन्यात ‘गुडवील’ मिळविलेले करंजकर नाशिक...
अचूक आकडेवारीचा काळ आठव्या आंतरराष्ट्रीय कृषी सांख्यिकी परिषदेत...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
भरताच्या वांग्यासह दादर ज्वारीसाठी...खानदेशकन्या तथा आपल्या कवितेतून शेतीचे...
बॅंक एकत्रीकरण एक अनावश्‍यक पाऊलभारताने १९९० मध्ये नवीन आर्थिक धोरण स्वीकारले....
भूगर्भ तहानलेलाच!रा ज्यात या वर्षी जोरदार पाऊस झाला. अनेक भागांत...