गडचिरोलीत १०० बेली ब्रिज उभारणार : मुख्यमंत्री

गडचिरोलीत १०० बेली ब्रिज उभारणार : मुख्यमंत्री
गडचिरोलीत १०० बेली ब्रिज उभारणार : मुख्यमंत्री

गडचिरोली : गडचिरोली हा नद्यांचा जिल्हा आहे. परिणामी पावसाळ्यात पूर येऊन अनेक गावांचा संपर्क तुटतो. त्यामुळे जिल्ह्याशी संपर्क तुटणाऱ्या ८२ गावांत तात्पुरत्या स्वरूपाचे १०० बेली-ब्रिज उभारले जातील, अशी घोषणा मुख्यमंत्री देवेंद्र फडणवीस यांनी केली. 

गडचिरोली येथे प्रमुख पुलांचे उद्‌घाटन, महामार्गाचे ई-भूमिपूजन व लाभार्थ्यांना साहित्य वाटपाचा कार्यक्रम सोमवारी (ता. १८) फडणवीस यांच्या उपस्थितीत पार पडला. अध्यक्षथानी केंद्रीय मंत्री नितीन गडकरी, आमदार रामदास आंबटकर, खासदार अशोक नेते, आमदार देवराव होळी, पालकमंत्री अंम्ब्रीशराव आत्राम, आमदार कीर्तीकुमार भांगडिया, जिल्हाधिकारी शेखर सिंह उपस्थित होते. 

फडणवीस म्हणाले, ‘‘गेल्या चार वर्षांत पहिल्यांदाच गडचिरोलीला विकासकामांसाठी मोठ्या प्रमाणात निधी उपलब्ध करून देण्यात आला आहे. माज्यासह गडकरी यांनी संधी मिळेल, त्यानुसार गडचिरोलीचा दौरा केला. या जिल्ह्याच्या सर्वांगीण विकासासाठी हे शासन कटीबद्ध आहे. जिल्ह्यात मुबलक पाणी आहे. मात्र वनसंपदेमुळे मोठे सिंचन प्रकल्प उभारता येत नाहीत. त्यामुळे गेल्या चार वर्षांत ११ हजार विहिरी मंजूर करण्यात आल्या. विहिरी, शेततळे, छोटे पूल, बंधारे आदीच्या माध्यमातून सिंचन सुविधा उपलब्ध केल्या जात आहेत.‘‘

‘‘मोटरपंप, वीज जोडणी नियमित मिळेल याकडे लक्ष वेधले आहे. पावसाळ्यात या जिल्ह्यातील संपर्क तुटणाऱ्या गावांना बेली ब्रिजद्वारे जोडण्यात येईल. या गावांचा विकास थांबता कामा नये. सोबतच जिल्ह्यातील गोदावरी, प्राणहिता, इंद्रावती या नद्यांवरील पुलांचे काम लवकरच पूर्णत्वास येईल,‘‘ असेही फडणवीस यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com