Agriculture news in Marathi Seven and a half thousand farmers hit rain in Chiplun | Page 2 ||| Agrowon

चिपळूणात साडेसात हजार शेतकऱ्यांना अतिवृष्टीचा फटका

टीम अॅग्रोवन
शुक्रवार, 30 ऑक्टोबर 2020

पावसाने चिपळूण तालुक्यातील साडेसात हजार शेतकऱ्यांना फटका बसला आहे. या पावसात १ हजार ३३६ हेक्टर क्षेत्रावरील भातशेतीचे नुकसान झाले. महसूल व कृषी विभागामार्फत पंचनाम्याची प्रक्रिया पूर्ण झाली आहे. त्यानुसार तालुक्यातील नुकसानग्रस्त शेतकऱ्यांना भरपाईपोटी सुमारे ८४ लाख अनुदानाची गरज आहे. या अनुदानाची मागणी शासनाकडे केली असल्याचे तहसील कार्यालयातून सांगण्यात आले.

रत्नागिरी ः परतीच्या पावसाने चिपळूण तालुक्यातील साडेसात हजार शेतकऱ्यांना फटका बसला आहे. या पावसात १ हजार ३३६ हेक्टर क्षेत्रावरील भातशेतीचे नुकसान झाले. महसूल व कृषी विभागामार्फत पंचनाम्याची प्रक्रिया पूर्ण झाली आहे. त्यानुसार तालुक्यातील नुकसानग्रस्त शेतकऱ्यांना भरपाईपोटी सुमारे ८४ लाख अनुदानाची गरज आहे. या अनुदानाची मागणी शासनाकडे केली असल्याचे तहसील कार्यालयातून सांगण्यात आले.

गतवर्षीप्रमाणे यावर्षीही परतीच्या पावसाने तालुक्यातील शेतकऱ्यांच्या डोळ्यांत पाणी आणले. हातातोंडाशी आलेल्या भातशेतीची या पावसामुळे प्रचंड नासाडी झाल्याने शेतकरी राजा अडचणीत सापडला आहे. या नैसर्गिक आपत्तीतून नुकसानग्रस्त शेतकऱ्यांना शासकीय मदत मिळावी, यासाठी काही दिवसांपूर्वी आमदार शेखर निकम यांनी सावर्डे येथे संबंधित अधिकाऱ्यांची बैठक घेतली होती.

कृषी व महसूल विभागांना तत्काळ पंचनामे करण्याच्या सूचना केल्या होत्या. त्यानुसार तालुक्यात ग्रामसेवक, तलाठी व कृषी सहायक यांच्यामार्फत पंचनाम्याचे काम युद्ध पातळीवर सुरू होते. तालुक्यात पंचनाम्याची प्रक्रिया पूर्ण झाली आहे. त्यानुसार तब्बल ७ हजार ४५९  शेतकऱ्यांचे या परतीच्या पावसाने नुकसान केल्याचे स्पष्ट झाले आहे. यामध्ये ७ हजार ४५८ शेतकऱ्यांचे १ हजार ३३६.३१ हेक्टर जिरायती क्षेत्र बाधित झाले आहे. तर एका शेतकऱ्याचे ०.४० हेक्टर बागायती क्षेत्राचे नुकसान झाले आहे. एकूण १ हजार ३३६.७१ हेक्टर क्षेत्र या परतीच्या पावसामुळे बाधित झाले आहे.

या शेतकऱ्यांना नुकसान भरपाईसाठी ८४ लाख ४०५ रुपयांची अंदाजित अनुदानाची गरज आहे. या संदर्भातील तहसीलदार जयराज सूर्यवंशी, तालुका कृषी अधिकारी अडाके, पंचायत समितीचे गटविकास अधिकारी प्रशांत राऊत यांच्या स्वाक्षरीने वरिष्ठ पातळीवर पाठवण्यात आला आहे.

एप्रिल महिन्यात वादळी पावसाने झालेल्या नुकसानीचे पंचनामे झाले; मात्र त्याची नुकसान भरपाई शासनाकडून अद्याप देण्यात आलेली नाही. ‘निसर्ग’ वादळातील भरपाई मात्र तातडीने मिळाली. परतीच्या पावसात राज्यातील विविध भागात मोठ्या प्रमाणात शेतीचे नुकसान झाले. मुख्यमंत्र्यांनी लवकरच मदत देणार असल्याचे जाहीर केले होते. त्यामुळे भरपाई कधी मिळणार, याकडे शेतकऱ्यांचे लक्ष लागले आहे.


इतर ताज्या घडामोडी
शेतकऱ्यांना बियाण्यांबाबत स्वावलंबी...औरंगाबाद : ‘‘शेतकऱ्यांना बियाण्यांच्या बाबतीत...
परभणी, हिंगोली जिल्ह्यात पंधरा...परभणी  : परभणी, हिंगोली जिल्ह्यातील १५...
परभणी जिल्ह्यात अतिवृष्टिग्रस्तांसाठी...परभणी ः जिल्ह्यात जुलै महिन्यात झालेल्या...
लखीमपूर हिंसाचार : आशिष मिश्राला ‘नोटीस...लखीमपूर, उत्तरप्रदेश ः येथील हिंसाचारप्रकरणी...
सत्तेचा दुरुपयोग सगळ्यांनाच दिसतो आहे...सोलापूर : ‘‘निवडणुकी आधी मला ईडीची नोटीस पाठवली,...
बुलडाण्यात खरीप हंगामात ९५० कोटी...बुलडाणा : अतिवृष्टी, पूर परिस्थितीने यंदाच्या...
साडेचार हजार रुपयांचा पहिला हप्ता उसाला...कुडित्रे, जि. कोल्हापूर : यंदा उसाला उत्पादन...
वादळी पावसामुळे ऊस उत्पादकांचे लाखोंचे...आर्णी, जि. यवतमाळ : संततार पाऊस, वादळाचा...
सांगली जिल्ह्यात रब्बीच्या पेरण्या सुरू सांगली : जिल्ह्यात रब्बी हंगामातील पेरण्यांना...
पुणे बाजार समिती सेस प्रवेशद्वारावर ...पुणे : गुलटेकडी येथील कृषी उत्पन्न बाजार समिती सह...
आंबा, काजू विमा परतावा मंडलनिहाय जाहीर सिंधुदुर्गनगरी : फळपीक विमा योजनेचा परतावा...
कंबोडियाची शाही नांगरणीशेती व्यवसायावर भर देणाऱ्या कंबोडियामध्ये...
कोरडवाहूमध्ये चिंचेची वनशेतीऔषधी गुणांमुळे चिंचेला भारतीय खजूर असे म्हणतात....
छापेमारीच्या हेतूबाबत आयकर विभागच सांगू...मुंबई ः राज्याचे उपमुख्यमंत्री अजित पवारांशी...
मराठवाड्यातील २३१ मंडलांत पाऊसपरभणी ः मराठवाड्यातील २३१ मंडलांत बुधवारी (ता. ६...
पुणे जिल्हा बँकेतर्फे रब्बी पीककर्ज...पुणे : खरीप हंगामात सप्टेंबरमध्ये चांगला पाऊस...
रत्नागिरी : आंबा, काजू विमा परतावा ५३...रत्नागिरी ः वातावरणातील बदलामुळे नुकसान झालेल्या...
शेतकऱ्यांची वीज कापली; लोकप्रतिनिधी...जळगाव ः जिल्हा नियोजन समितीच्या बैठकीत...
आंबा प्रक्रिया उद्योग उभारण्यासाठी...रत्नागिरी ः पंतप्रधान सूक्ष्म अन्नप्रक्रिया...
सोलापूर जिल्हा परिषद अध्यक्षांवर...सोलापूर : नराळे (ता. सांगोला) येथील आरोग्य...