रत्नागिरीत सात महिन्यांत ४१० नागरिकांना सर्पदंश

रत्नागिरीत सात महिन्यांत  ४१० नागरिकांना सर्पदंश
रत्नागिरीत सात महिन्यांत ४१० नागरिकांना सर्पदंश

रत्नागिरी : पाऊस आणि शेतीच्या कामांमुळे सर्पदंशाच्या प्रमाणात वाढ झाली आहे. गेल्या सात महिन्यांत ४१० जणांना सर्पदंश झालेले रुग्ण जिल्हा रुग्णालयात दाखल झाले. दरवर्षीच्या तुलनेत यंदा सर्पदंशामध्ये वाढ झाली आहे. यापूर्वी उन्हामुळे आणि आता पावसामुळे सर्प बाहेर पडतात. त्यामुळे सर्पदंशाचे प्रमाण वाढल्याचा प्राथमिक अंदाज आहे.

जिल्ह्यामध्ये मोठ्या प्रमाणात शेती व्यवसाय चालतो. दुबार पिके घेण्याकडेही शेतकऱ्यांचा कल वाढू लागला आहे. ग्रामीण भागात सरपण आणण्यापासून पावसापूर्वीच्या मशागतीसाठी शेतीची भाजणावळ करण्यापर्यंत अनेक कामे सुरू असतात. शेतकऱ्यांना त्यासाठी जंगलात जावे लागते.

दुग्ध व्यवसायासाठी गुरे पाळून ती चरविण्यासाठी जंगलात जावे लागते. थेट जंगलाशी संबंध येत असल्याने सर्पदंशाचे प्रकार वाढतात. त्यात थंडीच्या काळामध्ये अनेक वेळा सर्प उन्हाच्या किरणाला बाहेर पडतात. अति उन्हामुळे सावलीच्या शोधात बाहेर पडत असल्याने सर्पदंशाचे प्रमाण वाढते. शेतीपूर्व मशागत आणि आता पावसामुळे सर्पदंश होण्याचे प्रमाण वाढले आहे. 

जिल्ह्यातील सर्पदंशाची स्थिती

महिना रुग्ण संख्या
जानेवारी ७५
फेब्रुवारी ७३
मार्च  ९०
एप्रिल २४
मे  २१
जून ५७
जुलै  ७०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com