Agriculture news in Marathi Seven thousand stage across Tur | Agrowon

लातूर, अकोल्यात तुरीने ओलांडला सात हजारांचा टप्पा

टीम अॅग्रोवन
शुक्रवार, 9 एप्रिल 2021

लातूर बाजारात गुरुवारी (ता. ८) तुरीला प्रतिक्विंटलला सात हजार दोनशेचा सर्वाधिक भाव राहिला. तसेच अकोला बाजार समितीत तुरीला कमाल दर सात हजार रुपये प्रतिक्विंटल मिळाला. तूर सरासरी ६६०० रुपये दराने विक्री झाली.

लातूर/अकोला ः राज्यात काही दिवसांपासून तूर, हरभरा सोयाबीनच्या दरात तेजी आली असल्याचे दिसत आहे. सोयाबीन, हरभऱ्या पाठोपाठ आता तुरीच्या दरातही सुधारणा होत आहे. लातूर उच्चत्तम कृषी उत्पन्न बाजार समितीच्या आडत बाजारात गुरुवारी (ता. ८) तुरीला प्रतिक्विंटलला सात हजार दोनशेचा सर्वाधिक भाव राहिला. तसेच अकोला कृषी उत्पन्न बाजार समितीत तुरीला कमाल दर सात हजार रुपये प्रतिक्विंटल मिळाला. तूर सरासरी ६६०० रुपये दराने विक्री झाली.

लातूरमध्ये सोयाबीनला साडे सहा हजारांपेक्षा जास्त भाव मिळाला. मराठवाड्यात लातूरची आडत बाजारपेठ एक महत्त्वाची बाजारपेठ आहे. यात तूर, सोयाबीन, हरभऱ्याची तर आवक मोठी असते. दररोज पन्नास शंभर रुपयांनी प्रत्येक शेतीमालाच्या भावात वाढ होताना दिसत आहे. गुरुवारीदेखील तुरीचा कमाल भाव सात हजार दोनशे रुपये राहिला. किमान भाव सहा हजार ४२३ रुपये, तर सर्वसाधारण भाव सहा हजार ९५० रुपये राहिला आहे.

सोयाबीनच्या भावातही मोठी तेजी होताना दिसत आहे. गुरुवारी सोयाबीनला प्रति क्विंटलला सहा हजार ५७० रुपये भाव राहिला. किमान भाव पाच हजार आठशे रुपये व सर्वसाधारण भाव सहा हजार ४५० रुपये राहिला आहे. हरभऱ्याच्या भावात देखील गेल्या काही दिवसांत मोठी वाढ दिसत आहे. गुरुवारी हरभऱ्याला प्रति क्विंटलला कमाल भाव पाच हजार २७१ रुपये राहिला. किमान भाव चार हजार ८३० तर सर्वसाधारण भाव पाच हजार रुपये राहिला आहे.

अकोला बाजारात एप्रिलच्या सुरुवातीला तुरीचा दर सरासरी साडेसहा हजारांच्या आत होता. मात्र आता आठ दिवसांतच दर वाढण्यास सुरुवात झाली. तुरीचा कमाल दर सोमवारी (ता. पाच) ६९५० रुपये झाला होता. दोनच दिवसांनी आणखी दर वाढून सात हजार झाला आहे. सुधारणा झाल्याने बाजारात तुरीच्या आवकेतही वाढ दिसून आली. हजार पोत्यांपेक्षा अधिक आवक होत आहे. यंदाच्या हंगामात तुरीचे उत्पादन अपेक्षितएवढे झालेले नाही. परतीच्या पावसाचा या पिकाला मोठा फटका बसलेला आहे.


इतर बाजारभाव बातम्या
पुणे बाजार समितीत भाजीपाल्याचे दर स्थिरपुणे ः  पुणे कृषी उत्पन्न बाजार समितीमध्ये...
सोलापुरात गाजर, काकडी, लिंबाला उठाव;...सोलापूर ः सोलापूर कृषी उत्पन्न बाजार समितीच्या...
राज्यात गवार १००० ते ४००० रुपये क्विंटलअकोल्यात क्विंटलला ३००० ते ३५०० रुपये...
औरंगाबादमध्ये बाजरी, हरभरा,  मका, तूर,...औरंगाबाद : येथील कृषी उत्पन्न बाजार समितीमध्ये...
पुणे बाजार समितीत भाज्यांचे दर स्थिर पुणे : कोरोना टाळेबंदीत चक्राकार पद्धतीने सुरू...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोलापुरात द्राक्ष, डाळिंबाचे दर स्थिर,...सोलापूर ः सोलापूर कृषी उत्पन्न बाजार समितीच्या...
पुण्यात सिमला मिरची, हिरवी मिरचीच्या...पुणे ः शहरातील कोरोना टाळेबंदीमधील शनिवार,...
औरंगाबादमध्ये खरबुजाला सरासरी १०००...औरंगाबाद : येथील कृषी उत्पन्न बाजार समितीमध्ये...
राज्यात डाळिंब ५०० ते १२००० रुपयेकोल्हापुरात क्विंटलला ३००० ते १२००० रुपये...
सांगलीत बेदाण्याचे सौदे पंधरा दिवस बंदच सांगली ः कोरोनाच्या वाढत्या प्रादुर्भावाने सांगली...
उन्हाळ कांद्याच्या आवकेसह दरात हळूहळू...नाशिक : जिल्ह्यात गुढीपाडवा आणि डॉ. बाबासाहेब...
लवंगी, बेडगी, लाल मिरचीला नगरच्या...नगर ः नगर येथील बाजार समितीत गेल्या दोन ते अडीच...
काबुली हरभऱ्याच्या दरात किंचित सुधारणाजळगाव : खानदेशात काबुली हरभरा दर यंदा टिकून आहेत...
संभाव्य टाळेबंदीमुळे फूल बाजार कोमेजला पुणे : गुढीपाडव्या निमित्त फुलांची वाढलेली मागणी...
कोरोना संकटामुळे हापूसची आवक कमी, दर...पुणे : गुढीपाडव्यासाठी ग्राहकांची हापूसला मोठी...
सोयाबीनची गुढी सात हजारांपार !वाशीम /लातूर/ अकोला ः वाशीम बाजार समितीत सोमवारी...
सोलापुरात बेदाण्याला प्रतिकिलोला २६५...सोलापूर ः सोलापूर कृषी उत्पन्न बाजार समितीमध्ये...
नगर जिल्ह्यात कांद्याचे दर अस्थिरपुणे नगर : कोरोना विषाणूच्या संसर्गाच्या...
केळीला विक्रमी १६०० रुपये दरजळगाव ः  खानदेशात चांगल्या दर्जाच्या केळीला...