शेतकऱ्यांवर साडेसतरा हजार कोटींच्या कर्जाचा बोजा

सोलापूर : राज्यातील ९० लाख शेतकऱ्यांना आधार देण्यासाठी राज्य सरकारने ३६ हजार कोटी रुपयांची कर्जमाफी जुलै २०१७ मध्ये जाहीर केली होती. दोन वर्षांनंतरही तब्बल ४६ लाख शेतकरी कर्जमाफीपासून वंचित असून, शेतकऱ्यांच्या सातबारा उताऱ्यावर बँकांचा १७ हजार ५०० कोटी रुपयांचा बोजा कायम आहे.  शेतकऱ्यांना दुष्काळाच्या खाईतून बाहेर काढण्यासाठी सरकारने छत्रपती शिवाजी महाराज शेतकरी सन्मान योजना जाहीर केली. दुष्काळामुळे सध्या उदरनिर्वाहाचा अन् मुलांच्या शिक्षणाचा व विवाहाचा प्रश्न समोर असल्याने शेतकऱ्यांकडे दीड लाखावरील रक्कम भरायलाही पैसे नाहीत. मागील दोन वर्षांत पाच हजार शेतकऱ्यांनी आपले जीवन संपवले आहे.   याची माहिती असतानाही सरकारने त्यांच्यासाठी एकरकमी परतफेड योजना जाहीर केली. आतापर्यंत या योजनेला दर तीन महिन्याला मुदतवाढ दिली जात असून, आता ही सातवी मुदतवाढ आहे. ३० सप्टेंबरची मुदत आता ऑक्टोबरपर्यंत वाढवली आहे.  पावसाची दडी आणि राज्यातील दुष्काळ, शेतीमालाच्या हमीभावाचा अभाव यासह अन्य कारणांमुळे शेतकऱ्यांच्या डोक्यावरील कर्ज वाढतच आहे. दुसरीकडे शेतात पीक नसल्याने बँकांनीही कर्ज देण्यास नकार दिला. त्यामुळे आता शेतकरी पुन्हा संपावर जाण्याच्या तयारीत असल्याचे चित्र आहे. कर्जमुक्ती करावी, अशी त्यांची मागणी आहे. कर्जमाफीचा पसारा