agriculture news in marathi, shadow of drought on nagar, maharashtra | Agrowon

नगर जिल्ह्यावर दुष्काळाचे सावट
टीम अॅग्रोवन
शनिवार, 22 सप्टेंबर 2018

नगर  ः जिल्ह्यात आतापर्यंत सरासरी फक्त ६५.५५ टक्के पाऊस झाला आहे. गेल्या वर्षी याच काळात १२४. ४९ टक्के पाऊस झाला होता. अजून किमान ५० टक्के पावसाची गरज आहे; मात्र तशी शक्‍यता दिसत नसल्याने जिल्ह्यावर तीव्र दुष्काळाचे सावट आहे. खरीप हंगाम तर गेलाच; पण रब्बीही संकटात आहे. धरणांत पाणीसाठा कमी असल्याने पिण्याच्या पाण्याचा प्रश्‍न बिकट होणार आहे. त्याचबरोबर दुग्धव्यवसायही संकटात आहे. ऐन पावसाळ्यात ४२ गावे, १५० वाड्या-वस्त्यांवर ३९ टॅंकरने पाणीपुरवठा सुरू आहे.

नगर  ः जिल्ह्यात आतापर्यंत सरासरी फक्त ६५.५५ टक्के पाऊस झाला आहे. गेल्या वर्षी याच काळात १२४. ४९ टक्के पाऊस झाला होता. अजून किमान ५० टक्के पावसाची गरज आहे; मात्र तशी शक्‍यता दिसत नसल्याने जिल्ह्यावर तीव्र दुष्काळाचे सावट आहे. खरीप हंगाम तर गेलाच; पण रब्बीही संकटात आहे. धरणांत पाणीसाठा कमी असल्याने पिण्याच्या पाण्याचा प्रश्‍न बिकट होणार आहे. त्याचबरोबर दुग्धव्यवसायही संकटात आहे. ऐन पावसाळ्यात ४२ गावे, १५० वाड्या-वस्त्यांवर ३९ टॅंकरने पाणीपुरवठा सुरू आहे.

या वर्षी पुरेसा पाऊस न झाल्याने खरीप पिकांची उगवण योग्य झाली नाही. पुढे पावसात मोठा खंड पडल्याने पिकांची वाढ पूर्ण खुंटली. मूग, उडीद, कापूस, सोयाबीन, बाजरी, वाटाणा या पिकांना याचा मोठा फटका बसला. जिल्ह्यात खरिपाची पाच लाख ६० हजार ३१३ हेक्‍टरवर पेरणी झाली होती. पावसाअभावी उत्पादन ६० ते ७० टक्के घटण्याची शक्‍यता आहे. ऊस व फळांच्या उत्पादनातही मोठी घट होणार आहे. पाऊस नसल्याने रोग व किडींचा प्रार्दुभाव झाला आहे.

सप्टेंबरच्या पहिल्या आठवड्यापासून रब्बीची पेरणी सुरू होते. पाऊस नसल्याने अद्याप पेरण्यांना सुरवातही झालेली नाही. जिल्ह्यात रब्बीचे सहा लाख ६७ हजार २६० हेक्‍टर क्षेत्र आहे. रब्बीसाठी ८० हजार ५९५ क्विंटल बियाणे मागविण्यात आले आहे. जिल्ह्यात दूधव्यवसायाने शेतकऱ्यांना तारले आहे; पण तीव्र पाणीटंचाईमुळे या व्यवसायावरही संकट घोंघावत आहे.

जिल्ह्यातील तीन लाख ३० हजार ३९० शेतकऱ्यांनी कर्जमाफीसाठी अर्ज केले होते. त्यापैकी दोन लाख ५५ हजार ८२५ शेतकऱ्यांना कर्जमाफीचा लाभ मिळाला. ही रक्कम ९१७ कोटी ९४ लाख रुपये आहे. शेतीसाठी विविध योजनांतर्गत देण्यात आलेले दोन हजार ७६३ कोटी ४७ लाख रुपयांचे कर्ज थकीत आहे. दुष्काळी स्थितीमुळे ही थकबाकी अधिक वाढण्याची शक्‍यता आहे.

गेल्या वर्षी या काळात धरणे १०० टक्के भरली होती. या वर्षी भंडारदरा व निळवंडे वगळता सर्व धरणांत अतिशय कमी पाणी आहे. त्याचा विपरीत परिणाम रब्बी, तसेच ऊस व फळबागांवर होणार आहे. ३१ ऑक्‍टोबरला होणाऱ्या नियोजन बैठकीत पाणीवाटपाचे आरक्षण जाहीर केले जाते. पाऊस नसल्यामुळे कारखानदारी व वीजनिर्मिती, शेती, नागरी पाणीपुरवठा योजना अडचणीत आल्या आहेत.

 

प्रमुख धरणांमधील पाणीसाठा (कंसात टक्केवारी)
भंडारदरा ११,०३९ (१००)
मुळा १९,५०७ (७४.९३)
निळवंडे ६९८२ (८२.६६)
आढळा ६०६ (५६.७०)
मांडओहोळ ६०.७२ (१४.६४)
घाटशिळ पारगाव

 

इतर ताज्या घडामोडी
लोक-जैविपा - भर दुष्काळात उभारलेली...शेतकऱ्यांचा पुढाकार अनुभवल्यावर वन विभागाच्या...
नगर : नुकसान भरपाईसाठी एकशे पस्तीस...नगर : जिल्ह्यात ऑक्टोबर ते नोव्हेंबर या...
'या' बाजार समितीत शेतकऱ्यांना अल्प दरात...अकोला : सध्या कोणत्याही शासकीय योजनेचा फायदा...
जळगाव जिल्ह्यात सर्वच नुकसानग्रस्तांना...जळगाव : अतिवृष्टीमुळे बाधित झालेल्या शेतकऱ्यांना...
केंद्रीय पथक आज मराठवाड्यात पीक...औरंगाबाद : मराठवाड्यात ऑक्‍टोबर-...
फळबागांची लागवड खोळंबण्यास ‘तो’ ठरला...पुणे : मागील दोन ते तीन महिन्यांत जोरदार पाऊस...
सांगलीत बेदाणा लिलावास प्रारंभसांगली : दिवाळीच्या महिन्याच्या सुटीनंतर बाजार...
अमरावती जिल्ह्याला २४ टक्‍के...अमरावती : मॉन्सूनोत्तर पावसाचा जिल्ह्यात ८० टक्‍...
परभणी विभागात २८ हजार क्विंटल...परभणी : महाबीजच्या परभणी विभागातील सहा...
हमीभावासाठी 'सीसीआय'ला द्या कापूस : ॲड...वर्धा : ‘‘शेतकऱ्यांनी आधारभूत किमतीपेक्षा कमी...
राज्यात रताळी ५०० ते ६००० हजार रुपये...जळगावात २२०० ते ३२०० रुपये  जळगाव...
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...