agriculture news in marathi, shadow of drought on solapur, maharashtra | Agrowon

सोलापूर जिल्ह्यावर दुष्काळ अन हुमणीचे संकट
टीम अॅग्रोवन
गुरुवार, 20 सप्टेंबर 2018

सोलापूर   ः जिल्ह्यात यंदाच्या हंगामात सुरवातीपासूनच पावसाने सतत हुलकावणी दिली. आज साडेतीन महिन्यांचा कालावधी उलटत आला, पण अद्यापही दमदार पाऊस झालेला नाही. त्यामुळे विहिरी, बोअर, तलाव यांसारख्या कोणत्याही स्रोतांमध्ये पुरेसा पाणीसाठा होऊ शकलेला नाही. जिल्ह्यातील ११ पैकी १० तालुक्‍यांमध्ये ४५ टक्‍क्यांपेक्षाही कमी पाऊस झाला आहे. त्यामुळे जिल्ह्यावर दुष्काळाची छाया गडद झाली असताना, आता ‘हुमणी’ने धुमाकूळ घातल्याने ऊसपट्ट्यातही अस्वस्थता निर्माण झाली आहे. एकूणच जिल्ह्यावर या दोन्ही आपत्तींमुळे दुहेरी संकट ओढावले आहे.

सोलापूर   ः जिल्ह्यात यंदाच्या हंगामात सुरवातीपासूनच पावसाने सतत हुलकावणी दिली. आज साडेतीन महिन्यांचा कालावधी उलटत आला, पण अद्यापही दमदार पाऊस झालेला नाही. त्यामुळे विहिरी, बोअर, तलाव यांसारख्या कोणत्याही स्रोतांमध्ये पुरेसा पाणीसाठा होऊ शकलेला नाही. जिल्ह्यातील ११ पैकी १० तालुक्‍यांमध्ये ४५ टक्‍क्यांपेक्षाही कमी पाऊस झाला आहे. त्यामुळे जिल्ह्यावर दुष्काळाची छाया गडद झाली असताना, आता ‘हुमणी’ने धुमाकूळ घातल्याने ऊसपट्ट्यातही अस्वस्थता निर्माण झाली आहे. एकूणच जिल्ह्यावर या दोन्ही आपत्तींमुळे दुहेरी संकट ओढावले आहे.

सोलापूर जिल्ह्याचा मुख्य हंगाम रब्बी असला, तरी खरिपातही बऱ्यापैकी पिके घेतली जातात. गेल्या तीन वर्षांपासून खरिपाच्या क्षेत्रात लक्षणीय वाढ होत आली आहे. ९८ हजार हेक्‍टर पेरणीचे उद्दिष्ट असलेल्या या हंगामात आता अडीच ते तीन लाख हेक्‍टर क्षेत्रापर्यंत पेरणीचे क्षेत्र पोचले आहे. यंदाही जवळपास दुप्पट क्षेत्रावर पेरणी झाली आहे. विशेषतः तूर, सोयाबीन, मूग, मटकी, उडीद या पिकांचा त्यात समावेश होतो. आता मूग, मटकी, उडीद पावसाअभावी वाया गेले आहे. आता सोयाबीन आणि तूर फक्त शिवारात आहे. पण तेही आता करपून चालले आहे.

सोलापूर जिल्ह्याची वार्षिक सरासरी ६०० मिमी आहे. या महिन्यात आतापर्यंत ४१६ मिमी पाऊस पडणे अपेक्षित होते. पण आतापर्यंत फक्त सरासरी १७०.९८ मिमी पाऊस झाला आहे. अवघ्या ४०.६५ टक्के इतकाच पाऊस झाला आहे. उत्तर सोलापूर, दक्षिण सोलापूर, अक्कलकोट, मोहोळ, मंगळवेढा, सांगोला या भागात सर्वाधिक परिस्थिती कठीण झाली आहे.

एकीकडे दुष्काळाची ही परिस्थिती असताना, पंढरपूर, माढा, माळशिरस, करमाळा, बार्शी आदी भागांत उसावर हुमणीचा प्रादुर्भाव वाढल्याने या भागातील शेतकरी वेगळ्याच संकटात अडकले आहेत. जिल्ह्यात एक लाख ६० हजार हेक्‍टर इतके उसाचे क्षेत्र आहे. प्राथमिक माहितीनुसार त्यापैकी जवळपास २५ हजार हेक्‍टरवर हुमणीचा प्रादुर्भाव झाल्याचे सांगण्यात येते. कृषी विभागाकडून सध्या सर्वेक्षणाचे काम सुरू आहे.

उजनी भरले तरीही...
पुण्याच्या पाण्यावर जिल्ह्याची वरदायिनी असलेले उजनी धरण शंभर टक्के भरले असले, तरी या धरणाचा फायदा माळशिरस, पंढरपूर, माढा, करमाळा, मोहोळ या मोजक्‍याच तालुक्‍यांना होतो. उर्वरित तालुक्‍यांत पाण्यासाठी वणवण अजूनही कायम आहे. त्यात आता दुष्काळामुळे तर फारच अडचण झाली आहे. त्यामुळे धरण भरलेले असूनही या पाण्याचा उपयोग सरसकट जिल्ह्याला होत नाही.
 
प्रशासनाच्या हालचाली

  • जिल्हा परिषदेच्या सर्वसाधारण सभेत दुष्काळ जाहीर करण्याचा ठराव
  • जिल्ह्याच्या ४० टक्के भागात पाणीटंचाई शक्‍यता
  • ऑक्‍टोबर ते डिसेंबरपर्यंतचा टंचाई आराखडा होणार तयार
  • टॅंकर ऐवजी विहीर, बोअर अधिग्रहणावर भर
  • पूरक पाणीपुरवठा योजनांचेही करणार अधिग्रहण    
  • दीड कोटीचा आराखडा तयार होण्याची शक्‍यता

 

इतर ताज्या घडामोडी
तातडीने पंचनामे पूर्ण करून अहवाल...बुलडाणा : जिल्ह्यात झालेल्या मुसळधार अवकाळी व...
काढणीपश्चात नुकसान टाळण्यासाठी...फळे आणि भाजीपाल्याची टिकवण क्षमता वाढविण्यासाठी...
भात, नागली पिकांचे ११ हजार हेक्टरवर...रत्नागिरी ः क्यार वादळाच्या प्रभावामुळे झालेल्या...
वैयक्तिक कौशल्य विकास प्रशिक्षणाचे...अकोला ः केंद्र शासन पुरस्कृत पंतप्रधान कौशल्य...
नागपूर : रिक्‍त पदांमुळे वाढली कृषी...नागपूर ः मॉन्सूनोत्तर पावसामुळे झालेल्या...
नाशिक : रब्बी हंगामाच्या क्षेत्रात ३०...येसगाव, जि. नाशिक ः दमदार पावसामुळे गाव व परिसरात...
बियाणे कंपन्यांचे हित जपण्यासाठीच...यवतमाळ ः केंद्र सरकार बियाणे अधिनियमात सुधारणा...
सातारा : पंचनाम्याचा फेरा नको; सरसकट...सातारा  ः जिल्ह्यात पावसाने अक्षरश: थैमान...
तीन जिल्ह्यांतील शेतकऱ्यांना तारण...नांदेड  ः  २०१८-१९ या वर्षात शेतीमाल...
भाजप सत्ता स्थापन करणार नाही :...मुंबई  : आम्हाला सरकार स्थापनेसाठी निमंत्रण...
श्रीगोंदे तालुक्यात पिके गेली; पण...श्रीगोंदे, जि. नगर  : श्रीगोंदा तालुक्यात...
परभणी, हिंगोली जिल्ह्यांत ६१४ क्विंटल...नांदेड : नांदेड, परभणी, हिंगोली जिल्ह्यात किंमत...
`ऊस उत्पादकांवरील अन्याय सहन करणार नाही`कोल्हापूर  ः पूरग्रस्त शेतकऱ्यांच्या नुकसान...
गुलटेकडीत फ्लॉवर, वांगी, गाजराच्या दरात...पुणे ः गुलटेकडी येथील कृषी उत्पन्न बाजार...
वनस्पतींच्या संरक्षणामध्ये कार्यरत...वनस्पतीच्या मुळांमध्ये राहत असलेल्या...
‘एसआरटी’द्वारे कमी पाण्यात अधिक उत्पादन...औरंगाबाद : ‘‘ एसआरटी तंत्रज्ञानाद्वारे जमिनीची...
सांगली जिल्ह्यातील दुष्काळी पट्ट्यातील...सांगली : जिल्ह्यात मॉन्सूनोत्तर पाऊस दमदार झाला....
‘स्वाभिमानी’च्या आंदोलनामुळे विम्याचे...सोलापूर : मंगळवेढा तालुक्‍यातील शेतकऱ्यांचे...
सिंचन विहिरींसाठी त्रास झाल्यास करा...यवतमाळ  ः डॉ. बाबासाहेब आंबेडकर कृषी...
अकोला जिल्ह्यात ३.८४ लाख हेक्टरला...अकोला  ः गेल्या महिन्यात झालेल्या सततचा पाऊस...