agriculture news in marathi sham matare tells the thrilling incident of relatives drowning in flood | Agrowon

बुडताना दिसले अन् काही क्षणांत दिसेनासे झाले...

टीम अॅग्रोवन
शुक्रवार, 17 सप्टेंबर 2021

वरुड तालुक्यातील झुंज धबधबा येथे मंगळवारीसकाळी दहा वाजताच्या सुमारास नाव उलटून अकरा जण बुडाल्याच्या दुर्घटनेतील घटना घडली होती. वर्धा नदीच्या पात्रात डोळ्यांसमोर बेपत्ता होण्याने श्याम मटरे हादरून गेले होते. त्यांनी हा थरार कथन केला... 

वरुड, जि. अमरावती : डोळ्यांसमोर सारे बुडताना दिसत होते आणि... आणि काही क्षणांत सारेच दिसेनासे झाले. झुंज धबधबा येथे मंगळवारी (ता. १४)   बचावलेल्या श्याम मटरे यांनी हा सारा थरार अनुभवला. भावाचे निधन, त्यांच्या दशक्रियेचा कार्यक्रम अन् त्या वेळी कुटुंबातील अकरा सदस्यांचे वर्धा नदीच्या पात्रात डोळ्यांसमोर बेपत्ता होण्याने श्याम मटरे हादरून गेले होते. या वेळी त्यांनी हा थरार कथन केला... 

वरुड तालुक्यातील बेनोडा शहीद पोलिस ठाण्याच्या हद्दीत येणाऱ्या झुंज धबधबा येथे मंगळवारी (ता.१४) सकाळी दहा वाजताच्या सुमारास ही घटना घडली होती. या घटनेच्या वेळी १३ जण नावेत होते. त्यातील दोघे पोहत बाहेर आले, तर ९ मृतदेह  सापडले होते. मात्र अन्य २ जण अद्यापही बेपत्ता आहेत. पाण्यात पडल्यावर पोहत काठावर आलेल्या श्याम मटरे यांनी गुरुवारी (ता.१६) त्यांच्या डोळ्यासमोर जे घडले त्याची माहिती दिली. 

ते म्हणाले, ‘‘मोठ्या भावाचे निधन झाल्याने त्यांची राख शिरविण्यासाठी आम्ही परिवारातील सदस्य नावेत बसून जात होतो. काही अंतरावर आम्ही राख शिरविली, त्यानंतर परतीच्या प्रवासाला निघालो असता नदीचे पाणी अचानक वाढले व नाव अनियंत्रित होऊन उलटली. मी जावयाचा हात पकडला होता. त्यांना वाचविण्याचा प्रयत्न केला, मात्र त्यांचा हात सुटला.

समोर नारायण मटरे हे पाण्यात बुडत असलेल्या दोन वर्षीय चिमुकलीला वाचविण्याचा प्रयत्न करीत होते. परंतु त्यांचा दम पुरला नाही व ते डोळ्यांसमोरच मुलीसह बुडाले. काही क्षणांतच काय होत आहे याचा थांगपत्ता लागत नव्हता. डोळ्यांसमोर सारे बुडताना दिसत होते, आणि काही क्षणांत सारे दिसेनासे झाले.’’ स्वतः पाहिलेल्या या घटनेने श्याम मटरे पूर्णपणे हादरून गेले आहेत. प्रत्येक क्षण त्यांच्या नजरेसमोर येताच त्यांचा जीव कासावीस होतो. त्यांचे जावई, बहीण तसेच कुटुंबातील अन्य सदस्य दिसेनासे झाल्याने श्याम मटरे यांची नजर अजूनसुद्धा वर्धा नदीच्या पात्रावर स्थिरावली होती..!


इतर ताज्या घडामोडी
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
ऊस तोडणीस विलंब; शेतकऱ्यांत चिंतासातारा ः अवेळी झालेल्या पाऊस, अनेक कारखान्यांची...
पुणे जिल्हा परिषदेवर प्रशासक?पुणे ः जिल्हा परिषदेसह जिल्ह्यातील विविध पंचायत...
गाव कोरोनामुक्त ठेवून ५० लाख जिंकापुणे ः कोरोनाच्या प्रादुर्भावापासून गावमुक्तीसाठी...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
मिनी विधानसभेच्या निवडणुका मार्चमध्ये...मिनी विधानसभा समजल्या जाणाऱ्या राज्यातील १४...
गरज असलेल्या भागाला प्राधान्याने पाणी ः...नाशिक : मोठ्या प्रकल्पांमधील २०२१-२२ करिता...
पंचनामे झाले, नुकसान भरपाई कधी मिळणार?सांगली ः जिल्ह्यात डिसेंबर महिन्याच्या पहिल्या...
औरंगाबादमध्ये टोमॅटो १६०० रुपये क्विंटलऔरंगाबाद ः येथील कृषी उत्पन्न बाजार समितीमध्ये...
नारळ पिकावर बोंडर नेस्टिंग पांढरी...डिसेंबर २०११ मध्ये फ्लोरिडा विद्यापीठातील ...
युवकांनी ग्रामीण विकासाचे शिलेदार... नाशिक : ‘‘आधुनिक काळातील युवकांनी उच्च...
पदोन्नतीतील कृषिसहसंचालकात सोलापूरच्या...सोलापूर ः राज्याच्या कृषी विभागाने वर्ग एकमधील...
‘पांडुरंग’चे भालेकर यांना सर्वोत्कृष्ट ...सोलापूर ः मांजरीच्या वसंतदादा शुगर...
नाशिक : डांगसौंदाणे येथे उपबाजार आवार...नाशिक : सटाणा बाजार समितीच्या कार्यक्षेत्रातील...
पाइप कालव्याद्वारे ६० टक्के पाणी बचत...मालेगाव, जि. नाशिक : दहिकुटे लघू पाटबंधारे...
जळगाव ः भरडधान्य खरेदी खानदेशात रखडतच जळगाव ः  खानदेशात भरडधान्य खरेदी मागील २०...
नांदेडमध्ये खरेदीदारांविरोधात अडत्यांचा...नांदेड : हळद खरेदीदार अडत्यांना दोन...