नगर ः महात्मा फुले कृषी विद्यापीठातर्फे माजी केंद्रीय कृषिमंत्री व राष्ट्रवादीचे अध्यक्ष शरद पवार, केंद्रीय रस्ते वाहतूक विकासमंत्री नितीन गडकरी यांना यंदा ‘डॉक्टर ऑफ सायन्स’ पदवी दिली जाणार आहे. गुरुवारी (ता. २८) विद्यापीठात राज्यपाल भगतसिंग कोश्यारी यांच्या हस्ते ३५ व्या पदवीदान समारंभात पवार, गडकरी यांना सन्मानित करण्यात येणार आहे.
महात्मा फुले कृषी विद्यापीठाचा ३५ वा पदवीदान समारंभ गुरुवारी (ता. २८) सकाळी अकरा वाजता कृषी विद्यापीठाच्या डॉ. नानासाहेब पवार सभागृहामध्ये ऑनलाइन व ऑनलाइन पद्धतीने होत आहे. समारंभाच्या अध्यक्षस्थानी राज्यपाल व महात्मा फुले कृषी विद्यापीठाचे कुलपती भगतसिंह कोश्यारी असतील. कृषिमंत्री दादा भुसे, उदयपूर येथील महाराणा प्रताप कृषी व तंत्रज्ञान विद्यापीठाचे कुलगुरू डॉ. नरेंद्र सिंह राठोड यांच्यासह विद्यापीठ कार्यकारी व विद्यापरिषदेचे सदस्य उपस्थित असतील.
यावेळी माजी केंद्रीय कृषिमंत्री खासदार शरद पवार आणि रस्ते केंद्रीय मंत्री नितीन गडकरी यांना कृषी क्षेत्रात केलेल्या उल्लेखनीय कार्याबद्दल ‘‘मानद डॉक्टर ऑफ सायन्स’’ पदवी देऊन सन्मानित करण्यात येणार आहे, अशी माहिती विद्यापीठाचे कुलगुरू डॉ. पी. जी. पाटील यांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.