...तर अंजीर प्रक्रिया कारखाने पुरंदरसारख्या भागात निघतील
...तर अंजीर प्रक्रिया कारखाने पुरंदरसारख्या भागात निघतील

...तर अंजीर प्रक्रिया कारखाने पुरंदरसारख्या भागात निघतील

शरद पवार : पुरंदरला ‘अंजीर परिषदे’चे उद्‌घाटन सासवड, जि. पुणे : टिकाऊ क्षमता व प्रक्रियेसाठी उपयुक्त अंजीर फळपिकाच्या जाती जगभरातून आणून राज्यातील अंजीर क्षेत्र वाढविणे शक्य आहे. अंजिरात संशोधन वाढवून त्याचा विस्तार केल्यास साखर कारखानदारीच्या तोडीचे अंजीर प्रक्रियेचे कारखाने पुरंदरसारख्या भागात निघतील, असा आशावाद माजी केंद्रीय कृषिमंत्री शरद पवार यांनी व्यक्त केला.  अखिल महाराष्ट्र अंजीर उत्पादक आणि संशाेधन संघाच्या वतीने अंजीर फळपिक बदलाचे तंत्र, संशाेधन व विकासार्थ संपूर्ण एकदिवसीय पहिल्या ‘अंजीर परिषदे’चे आयाेजन रविवारी (ता. २८) काळेवाडी (ता. पुरंदर) येथे करण्यात आले होते. परिषदेचे उद्घाटन श्री. पवार यांच्या हस्ते झाले. त्या वेळी ते बोलत होते. अध्यक्षस्थानी जलसंपदा व जलसंधारण राज्यमंत्री विजय शिवतरे होते. या वेळी अंजीर राज्य संघाचे अध्यक्ष रवींद्र नवलाखा, उपाध्यक्ष रामचंद्र खेडेकर, सचिव सुरेश सस्ते, खजिनदार प्रदीप पोमण, कृषी परिषदेचे माजी उपाध्यक्ष विजय कोलते, जालिंदर कामठे, सभापती अतुल म्हस्के, अशोक टेकवडे, सुनील बोरकर, दिगंबर दुर्गाडे, सुदाम इंगळे, देवेंद्र ढगे, डाॅ. विक्रम कड, डाॅ. विकास खैरे, डाॅ. सुनील लोहाटे, डाॅ. गणपत इधाते आदी अनेक मान्यवर उपस्थित होते. याप्रसंगी अंजीर उत्पादनात नावलौकीक मिळविलेल्या शेतकऱ्यांचा ‘अंजीर रत्न’ पुरस्कार देऊन सत्कार झाला.  श्री. पवार म्हणाले, ‘‘मी जसे चाळीस दिवसांनंतरच पाणी द्यावे लागते, अशा ऊस जातीच्या पाहणीसाठी परदेशात जाणार आहे. त्याच पद्धतीने अंजिराची प्रक्रियायुक्त जात पाहण्यास तुर्कस्तानला जाणार आहे. माझी खात्री आहे, की तिथल्या मूल्य वाढविणाऱ्या जाती महाराष्ट्रात आल्या, तर अंजीर उत्पादकांचा कायापालट होईल.’’  राज्यमंत्री श्री. शिवतारे म्हणाले, ‘‘अंजीर संघाने पुढाकार घेतला. तसाच मी मंत्रीपातळीवर बैठकीसाठी पुढाकार घेतो. अंजीर फळपिकातील अडचणी, प्रश्न मांडा. आपण मुंबई व दिल्लीत जाऊन पाठपुराव्याने सोडवू. परदेशी वाण देशात आणताना अनेक जाचक अटी व नियम असतात, त्यासाठीच सरकारी पाठबळ लागते, ते मिळविण्यात मी पुढे असेल.’’  या वेळी सुनील बोरकर, सागर काळे, रवींद्र नवलाखा आदींनी मनोगते मांडली. प्रस्ताविक सुरेश सस्ते यांनी केले. सूत्रसंचालन संजय पोमण यांनी केले. तर आभार प्रदीप पोमण यांनी मानले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com