नाशिक : जिल्ह्यात परतीच्या पावसामुळे झालेल्या नुकसानग्रस्त पिकांची पाहणी करण्यासाठी शरद पवार शुक्रवार (ता. १) नाशिक दौऱ्यावर आले होते. या वेळी इगतपुरी तालुक्यातील येथे भाताच्या नुकसानग्रस्त शेतात भेट देत असताना येथील महिला शेतकऱ्यांनी त्यांच्या व्यथा श्री. पवार यांच्यासमोर मांडल्या. या वेळी '' शेतकरी बांधवांनो....मी आलोय काळजी करू नका'' असे सांगत शरद पवारांनी त्यांना आधार दिला. नाशिक जिल्ह्यातील विविध ठिकाणी नुकसानग्रस्त पिकांची पाहणी करण्यासाठी ते एकदिवसीय दौऱ्यावर आले होते. या वेळी सत्ताधारी भाजप सेना सत्तेत मश्गूल असल्याचा टोला लगावत पवार म्हणाले, ‘शेतकरी बांधवांनो, तुमच्या हितासाठी दिवस रात्र काम सुरू असून मी बळिराजाला आधार देण्यासाठी फिरत आहे. लवकरच जिल्हाधिकाऱ्यांना तातडीने पंचनामे करण्याचे आदेश देण्यात येईल, असे सांगत शरद पवारांनी नुकसानग्रस्त शेतकऱ्यांना धीर दिला. यानंतर त्यांनी नाशिक तालुक्यातील पिंपळद येथील जाधववाडी शिवारात रामचंद्र चुंबळे यांच्या द्राक्षशेतीला भेट दिली. या वेळी द्राक्ष उत्पादनांच्या अडचणीबाबत द्राक्ष उत्पादकांशी चर्चा केली. नाशिकहून-कळवण-सटाणा येथे जात असताना खेडगाव येथील बाळासाहेब बाबुराव दवंगे यांच्या १०० टक्के नुकसान झालेल्या द्राक्ष बागेची पवार यांनी पाहणी करून सदर शेतकऱ्यास आधार दिला. शरद पवार द्राक्ष बागेत नुकसानीची पाहणी करताना..video या वेळी कादवाचे चेअरमन श्रीराम शेटे, आमदार नरहरी झिरवाळ, दिलीप बनकर, मविप्र संचालक दत्तात्रेय पाटील, जिल्हा बॅँकेचे संचालक गणपतराव पाटील उपस्थित होते. पवार यांनी दवंगे या शेतकऱ्याला किती द्राक्ष बाग आहे, कधी छाटली, आता शिल्लक किती राहिली, पुढील वर्षासाठी कसे नियोजन करणार ही सर्व माहिती घेतली. उपस्थित सर्व शेतकऱ्यांना नैराश्य येऊ देऊ, नका असा सल्ला दिला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.