agriculture news in Marathi, Sharad Pawar says, disparity should not be in MSc admissions, maharashtra | Agrowon

कृषी ‘एमएस्सी’ प्रवेशात भेदभाव नको: शरद पवार

टीम अॅग्रोवन
सोमवार, 19 ऑगस्ट 2019

पुणे  : गुणवत्ता यादीत असूनही पदव्युत्तर (एमएस्सी) अभ्यासक्रमासाठी प्रवेश नाकारल्याने अडचणीत आलेल्या विद्यार्थ्यांच्या मदतीला अखेर माजी केंद्रीय कृषिमंत्री शरद पवार धावून आले आहेत. त्यांनी थेट भारतीय कृषी संशोधन परिषदे(आयसीएआर)ला पत्र लिहून ‘खासगी किंवा सरकारी असा भेदभाव न करता गुणवत्ताधारकांना त्वरीत न्याय द्या,’ अशी मागणी केली आहे. 

पुणे  : गुणवत्ता यादीत असूनही पदव्युत्तर (एमएस्सी) अभ्यासक्रमासाठी प्रवेश नाकारल्याने अडचणीत आलेल्या विद्यार्थ्यांच्या मदतीला अखेर माजी केंद्रीय कृषिमंत्री शरद पवार धावून आले आहेत. त्यांनी थेट भारतीय कृषी संशोधन परिषदे(आयसीएआर)ला पत्र लिहून ‘खासगी किंवा सरकारी असा भेदभाव न करता गुणवत्ताधारकांना त्वरीत न्याय द्या,’ अशी मागणी केली आहे. 

विनाअनुदानित कृषी संस्थांच्या पदवीधर विद्यार्थ्यांना केवळ बिगर अधिस्वीकृतीधारक महाविद्यालयात शिकल्याचा ठपका ठेवत ‘एमएस्सी’ला प्रवेश नाकारला गेला आहे. त्यामुळे काही विद्यार्थी दिल्लीत थांबून आपल्या भवितव्याचा गुंता सोडविण्याचा प्रयत्न करीत आहेत. 

‘ॲग्रोवन’मधून या बाबत वृत्त प्रकाशित झाल्यानंतर बारामती ॲग्रिकल्चर डेव्हलपमेंट ट्रस्टचे मुख्य कार्यकारी अधिकारी प्रा. नीलेश नलावडे यांनी दिल्लीत असलेल्या श्री. पवार यांना माहिती दिली. त्यानंतर श्री. पवार यांनी थेट आयसीएआरचे महासंचालक डॉ. त्रिलोचन महापात्रा यांना व्यक्तिगत पत्र लिहिले. 

‘यूजीसीची मान्यता असलेल्या विद्यापीठांमधील महाराष्ट्रातील विद्यार्थ्यांना आयसीएआरच्या सीईटीमध्ये टॉपर ठरूनही एमएस्सीला प्रवेश दिला जात नसल्याचे मला समजले आहे. हा गंभीर विषय आहे,’ असे या पत्रात म्हटले आहे. 

“राज्यातील १५० खासगी विनाअनुदानित महाविद्यालयांना महाराष्ट्र कृषी विद्यापीठ कायदा व महाराष्ट्र शिक्षण व संशोधन परिषदेने मान्यता दिलेली आहे. त्यामुळे सात हजार ८९० विद्यार्थी कृषी पदवीचे शिक्षण दरवर्षी घेतात. गुणवत्तेच्या जोरावर आयसीएआरच्या सीईटीमध्ये उत्तीर्ण होत आयसीएआरच्या कोट्यातून पदव्युत्तर शिक्षण पूर्ण करण्याचा ध्याय या विद्यार्थ्यांनी घेतलेला असतो. अगदी मागील वर्षीपर्यंत कोणताही भेदभाव न करता विद्यार्थ्यांना असे प्रवेश दिले जात होते,” असे श्री. पवार यांचे म्हणणे आहे. 

पत्रात केला पुरी समितीचा उल्लेख
खासगी पदवी महाविद्यालयाला अधिस्वीकृती नसल्याचे कारण देत आयसीएआरने अशा विद्यार्थ्यांना एमएस्सी व पीएचडीसाठी प्रवेशाला अपात्र ठरविले. मुळात खासगी महाविद्यालयांच्या मूल्यांकनासाठी माजी कुलगुरू डॉ. एस. एन. पुरी यांची समितीदेखील कार्यरत आहे. त्यामुळे गुणवंत विद्यार्थ्यांची पात्रता असूनही प्रवेश नाकारले जात असल्याचे पाहून मला आश्चर्य वाटते, असेही श्री. पवार यांनी नमूद केले आहे.


इतर अॅग्रो विशेष
हरितक्रांती घडविताना सुपीकता हरवली:...अकोला : अन्नधान्य निर्मितीचे उद्दिष्ट पूर्ण...
वाइन उद्योगाला अडचणीतून मुक्त करणार ः...नाशिक : वाइन उद्योगाला मागील काही दिवसांपासून...
सत्तावीस लाख शेतकऱ्यांचे ‘आधार’ रखडलेपुणे: शेतकऱ्यांच्या आधार संलग्न बॅंक खात्यात...
वायफाय मोफत हवाय? घरपट्टी, पाणीपट्टी भराकोल्हापूर : ‘‘वायफाय मोफत हवाय? घरपट्टी व...
कर्जमाफीचा शब्द पाळू ः मुख्यमंत्रीइस्लामपूर, जि. सांगली ः कर्जमाफीचा आम्ही दिलेला...
अकोला जिल्ह्यात मजूरटंचाईमुळे कापूस...अकोला ः शेतीकामांसाठी दिवसेंदिवस मजूर समस्या भीषण...
सावित्रीच्या लेकींचा जागर करीत घराच्या...नाशिक : क्रांतिज्योती सावित्रीबाई फुले जयंतीचे...
पूरकउद्योग अन् शेती विकासात श्री भावेश्...बेलवळे खुर्द (ता. कागल, जि. कोल्हापूर) येथील श्री...
उत्तर महाराष्ट्रात अधिक गारठापुणे : राज्यात गारठा वाढला असला तरी, किमान...
शाश्वत ग्राम, शेतीविकासाची 'जनजागृती'औरंगाबाद येथील जनजागृती प्रतिष्ठान या स्वयंसेवी...
बदल ठरावेत लाभदायकयवतमाळ जिल्ह्यातील आर्णी तालुक्यातील हजारो...
हवामान बदल हेच सर्वांत मोठे आव्हानआ ज जगभरात हवामान बदल आणि त्याचे होणारे परिणाम हा...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...