agriculture news in marathi, sharad pawar says energy received by earthquake victims, usmanabad, maharashtra | Agrowon

भूकंपग्रस्तांच्या आशीर्वादातून मिळाली ऊर्जा ः शरद पवार
टीम अॅग्रोवन
सोमवार, 1 ऑक्टोबर 2018

उमरगा, जि. उस्मानाबाद  : लातूर - उस्मानाबाद जिल्ह्यात झालेल्या महाप्रलंयकारी भूकंपानंतर निर्माण झालेली विदारक परिस्थिती योग्य नियोजनाने हाताळली. वित्तहानी, मनुष्यहानीच्या भयावह स्थितीचा सामना करण्याचे धैर्य भूकंपग्रस्तांना दिले. त्यांनीही आता रडायचे नाही, उभे रहायचे अशी खूणगाठ बांधून संकटातून बाहेर येत नव्याने संसार उभारला, याचे आत्मिक समाधान वाटते, असे प्रतिपादन तत्कालीन मुख्यमंत्री तथा राष्ट्रवादी काँग्रेसचे अध्यक्ष खासदार शरद पवार यांनी केले.

उमरगा, जि. उस्मानाबाद  : लातूर - उस्मानाबाद जिल्ह्यात झालेल्या महाप्रलंयकारी भूकंपानंतर निर्माण झालेली विदारक परिस्थिती योग्य नियोजनाने हाताळली. वित्तहानी, मनुष्यहानीच्या भयावह स्थितीचा सामना करण्याचे धैर्य भूकंपग्रस्तांना दिले. त्यांनीही आता रडायचे नाही, उभे रहायचे अशी खूणगाठ बांधून संकटातून बाहेर येत नव्याने संसार उभारला, याचे आत्मिक समाधान वाटते, असे प्रतिपादन तत्कालीन मुख्यमंत्री तथा राष्ट्रवादी काँग्रेसचे अध्यक्ष खासदार शरद पवार यांनी केले. माझ्यावर जेव्हा कॅन्सर या आजाराचे संकट आले होते, त्या वेळी भूकंपग्रस्तांच्या आशीर्वादातून ऊर्जा, प्रेरणा मिळाली, असा आवर्जून उल्लेख त्यांनी केला.

येथील भूकंपाच्या घटनेला २५ वर्षे झाली. त्यापार्श्वभूमीवर भूकंपग्रस्त कृतज्ञता समितीच्यावतीने रविवारी (ता. ३०) बलसूर (ता. उमरगा) येथे शरद पवार यांचा भूकंपग्रस्त भागातील तत्कालीन सरपंचांच्यावतीने ऋणनिर्देश सन्मानपत्र देऊन सत्कार करण्यात आला, त्या वेळी श्री. पवार बोलत होते. या वेळी माजी केंद्रीय गृहमंत्री  शिवराज पाटील-चाकूरकर, माजी मंत्री डॉ. पद्मसिंह पाटील, विधान परिषदेतील विरोधी पक्षनेते धनंजय मुंडे, आमदार मधुकरराव चव्हाण, बसवराज पाटील, राणा जगजितसिंह पाटील, अमित देशमुख, राहुल मोटे, सतीश चव्हाण, विक्रम काळे, जिल्हा परिषदेचे अध्यक्ष नेताजी पाटील, उमरग्याच्या नगराध्यक्षा प्रेमलता टोपगे, भूकंपग्रस्त कृतज्ञता समितीचे अध्यक्ष प्रा. सुरेश बिराजदार, सुनील माने उपस्थित होते.

श्री. पवार म्हणाले, की भूकंपानंतरची स्थिती थरकाप उडविणारी होती. सकाळी सात वाजता लातूरला पोचलो. तेथून किल्लारीसह अन्य गावांची पाहणी केली. तातडीने लष्कर, पोलिस व विविध शासकीय यंत्रणांना सूचना केल्या. पहिल्यांदा जखमींना बाहेर काढून त्यांना उपचाराची यंत्रणा सुरू केली. अन्न- पाण्याची सुविधा करण्याच्या सूचना केल्या. तात्पुरत्या निवाऱ्याची सोय केली. जमीन पडीक ठेवायची नाही असे सांगत बियाणे उपलब्ध करून दिले आणि पेरणीच्या कामासाठी धैर्य दिले. आज हजारो शेतकऱ्यांनी शेतजमीन फुलविली याचे समाधान वाटते.

लातूर- उस्मानाबादच्या भूकंपानंतर साठ गावांचे झालेले आदर्श पुनर्वसन व त्या वेळी हाताळलेल्या परिस्थितीने भूकंपग्रस्तांना मिळालेली नवी उभारी, हा जगासाठी आदर्श ठरला. आपत्ती व्यवस्थापनाचा नवा कायदा केंद्रात केला गेला. तत्कालीन अर्थमंत्री डॉ. मनमोहन सिंह, केंद्रीय गृहमंत्री शिवराज पाटील- चाकूरकर यांनी मोठे सहकार्य केले. माजी मुख्यमंत्री कै. विलासराव देशमुख, माजी मंत्री डॉ. पद्मसिंह पाटील यांनीही मोठी जबाबदारी उचलली, असे श्री. पवार यांनी सांगितले.

सकाळ रिलीफ फंडाच्या कार्याविषयी कृतज्ञता
सकाळ रिलीफ फंडाने मराठवाड्यातील भूकंपावेळी झुणका- भाकर केंद्र चालविण्यापासून ते वैद्यकीय मदत आणि शाळांच्या उभारणीपर्यंत कार्य केले. या समाजसेवेसाठी सन्मानपत्र देऊन सकाळ रिलीफ फंडाच्या कार्याविषयी कृतज्ञता व्यक्त करण्यात आली. ‘सकाळ’च्या मराठवाडा आवृत्तीचे कार्यकारी संपादक संजय वरकड यांनी शरद पवार यांच्या हस्ते याविषयीचे स्मृतिपत्र स्वीकारले.

इतर ताज्या घडामोडी
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
थकीत पीकविम्यासाठी किसान सभेचा पुण्यात...पुणे  ः बीडमधील शेतकऱ्यांना थकीत पीकविम्याची...
किसान सभेचे सोमवारपासून राज्यभर आंदोलन...पुणे  ः अतिवृष्टीने पिकांचे नुकसान झाले. या...
महाराष्ट्रातील राजकीय घडामोडींचे केंद्र...मुंबई  : भाजपला सत्तेपासून दूर ठेवण्यावर...
भारतीय मक्याचे पुढे काय होते ? जाणून...मका हे एक महत्त्वाचे तृणधान्य आहे. जगातील चार...