agriculture news in marathi, sharad pawar take a review of drought situation, pune, maharashtra | Agrowon

सरसकट कर्जमाफीसाठी सरकारला विनंती करू ः शरद पवार

सकाळ वृत्तसेवा
सोमवार, 27 मे 2019

शेटफळगढे, जि. पुणे : यूपीए सरकारच्या काळात आपण कृषिमंत्री असताना सरसकट कर्जमाफी केली होती. त्यामुळे सध्याच्या दुष्काळी भागातील शेतकऱ्यांना खऱ्या अर्थाने दिलासा देण्यासाठी सरसकट कर्जमाफी आणि अन्नधान्य देणे गरजेचे आहे. त्यामुळे यासंदर्भात आपण केंद्र व राज्य सरकारकडे विनंती करणार आहे, असे प्रतिपादन माजी केंद्रीय कृषिमंत्री शरद पवार यांनी केले.

शेटफळगढे, जि. पुणे : यूपीए सरकारच्या काळात आपण कृषिमंत्री असताना सरसकट कर्जमाफी केली होती. त्यामुळे सध्याच्या दुष्काळी भागातील शेतकऱ्यांना खऱ्या अर्थाने दिलासा देण्यासाठी सरसकट कर्जमाफी आणि अन्नधान्य देणे गरजेचे आहे. त्यामुळे यासंदर्भात आपण केंद्र व राज्य सरकारकडे विनंती करणार आहे, असे प्रतिपादन माजी केंद्रीय कृषिमंत्री शरद पवार यांनी केले.

शेटफळगढे (ता. इंदापूर) येथे दुष्काळी स्थितीच्या पाहणीनंतर ग्रामस्थांशी संवाद साधताना श्री. पवार बोलत होते. या वेळी राष्ट्रवादीचे जिल्हाध्यक्ष प्रदीप गारटकर, बाजार समितीचे सभापती अप्पासाहेब जगदाळे, जिल्हा परिषदेचे अध्यक्ष विश्‍वास देवकाते, आरोग्य आणि बांधकाम समितीचे सभापती प्रवीण माने, छत्रपती कारखान्याचे अध्यक्ष प्रशांत काटे, संचालक अनिल बागल, ज्येष्ठ नेते अशोक घोगरे, महारुद्र पाटील, ॲड. कृष्णाजी यादव यांच्यासह दोन्ही पक्षांचे पदाधिकारी, अधिकारी आणि ग्रामस्थ या वेळी उपस्थित होते.

या वेळी ग्रामस्थांच्या वतीने माऊली भोसले यांनी गावाला लोकसंख्येनुसार पिण्याच्या पाण्याचे टॅंकर वाढविण्याची व पशुधनासाठी चारा छावण्या सुरू करण्याची मागणी केली. तसेच, खडकवासला कालव्याच्या पाण्यासंदर्भातील येणाऱ्या अडचणी सांगितल्या. या वेळी महादेव सूर्यवंशी, हनुमंतराव वाबळे, रवी पवार, विक्रम झगडे यांनीदेखील यासंदर्भातील आपली मते व्यक्त केली.यावर श्री. पवार यांनी टॅंकरच्या खेपा वाढविण्याच्या सूचना अधिकाऱ्यांना दिल्या. तसेच, आमदार दत्तात्रेय भरणे व माजी मंत्री हर्षवर्धन पाटील यांनी खडकवासला कालव्याच्या शेती सिंचनाच्या पाण्यासंदर्भात येणाऱ्या अडचणीची तसेच काय उपाययोजना करता येतील, याविषयीची माहिती श्री. पवार यांना दिली. यावरदेखील आपण जलसंपदा विभागाच्या अधिकाऱ्यांशी लवकरच चर्चा करू, असे आश्‍वासन श्री. पवार यांनी या वेळी दिले.

 चारा छावण्या सुरू करण्याची सूचना
इंदापूर तालुक्‍यात सहकारी व खासगी साखर कारखान्यांच्या आणि बाजार समितीच्या माध्यमातून सर्वांना मध्यवर्ती पडेल अशा जवळपास साठ ते आठ ठिकाणी पशुधनासाठी चारा छावण्या सुरू करण्याची सूचना यासंबंधी प्रमुखांना श्री. पवार यांनी दिल्या. यावर श्री. भरणे यांनी तत्काळ या चारा छावण्यांचे प्रस्ताव मंजुरीसाठी जिल्हाधिकाऱ्यांना पाठविण्याच्या सूचना तहसीलदारांना दिल्या.
 
‘भरणे आणि पाटील असल्यावर मताधिक्य मिळणारच’
बारामतीबरोबरच इंदापूर तालुक्‍याने सुप्रिया सुळे यांना दिलेल्या मताधिक्‍याबद्दल तालुक्‍याचे कौतुक आहे. आमदार दत्तात्रेय भरणे व माजी मंत्री हर्षवर्धन पाटील असल्यावर मतधिक्‍य मिळणारच, अशा शब्दांत ज्येष्ठ नेते शरद पवार यांनी दोघांचे कौतुक केले. 


इतर ताज्या घडामोडी
जंगलातील वणव्यांचाही वटवाघळांना होतो...वटवाघळांसाठी रहिवासाचा ऱ्हास, वातावरणातील...
जालना जिल्ह्यात रब्बी सिंचनाची वाट अवघडचजालना :  जायकवाडी प्रकल्पावरून...
नांदेड, परभणी, हिंगोली जिल्ह्यांत केळी...नांदेड : सप्टेंबर-ऑक्टोबर महिन्यातील पावसामुळे...
आटपाडीत तीनशे हेक्‍टरवर फुलणार डाळिंब...आटपाडी, जि. सांगली : पांडुरंग फुंडकर फळबाग लागवड...
गांडूळ खतनिर्मितीस प्रोत्साहन द्या : डॉ...कोल्हापूर  : ‘‘शेतकऱ्यांनी जमिनीचा पोत...
बुलडाणा जिल्ह्यात रब्बीच्या ४०...बुलडाणा ः यंदाच्या हंगामात जिल्ह्यात रब्बीसाठी...
अधिकारी कार्यालयात घुसवल्या बैलजोड्याअमरावती ः वारंवार अर्ज, विनंत्या करूनसुद्धा पांदण...
नाशिक जिल्ह्यातील बंद उपसा जलसिंचन...नाशिक : जिल्ह्यात सन १९९५ ते २००० या कालावधीत...
सातारा जिल्ह्यात ऊसदराची कोंडी फोडणार...सातारा  ः साखर कारखान्यांची धुराडी पेटली...
प्रतिकूल हवामानामुळे पुणे जिल्ह्यात...पुणे  ः दर वाढल्याने पुणे जिल्ह्यातील अनेक...
प्रतिकूल हवामानाचा नगर जिल्ह्यातील गहू...नगर  ः जिल्ह्यामध्ये गेल्या दोन दिवसांपासून...
चंद्रपूर जिल्ह्यात ११ महिन्यांत ५०...चंद्रपूर  ः नापिकी, कर्जबाजारीपणा यातून...
हवामानाच्या पूर्व अंदाजासाठी पाषाण,...पुणे  ः पुणे शहरातील विविध ठिकाणी अनेकदा कमी...
बुलडाणा जिल्ह्याच्या भूजलपातळीत १.३९...बुलडाणा ः मागील काही वर्षांपासून जिल्हा सातत्याने...
पुण्यात १७ जानेवारीपासून पुष्प...पुणे  ः ॲग्री हार्टिकल्चर सोसायटी ऑफ...
नवी दिल्लीतील प्रदर्शनात जैविक खते,...पुणे  ः सावित्रीबाई फुले पुणे विद्यापीठाचे...
शिरोळ, हातकणंगले तालुक्यातील ऊस...कोल्हापूर : शिरोळ, हातकणंगले तालुक्यांतील...
द्राक्ष उत्पादकांची दोन कोटींची फसवणूक नाशिक: दिंडोरी तालुक्यातील पालखेड बंधारा...
उशिरा गहू पेरणीसाठी जाती व नियोजनया वर्षी परतीच्या पावसाने अधिक काळ मुक्काम...
सोलापुरात टोमॅटो, वांगी, बटाट्याचे दर...सोलापूर : सोलापूर कृषी उत्पन्न बाजार समितीच्या...