नगरमध्ये शेवगा ४ ते ६ हजार रुपये प्रतिक्विंटल

नगर ः नगर कृषी उत्पन्न बाजार समितीत गेल्या आठ दिवसांपासून भाजीपाल्याची बऱ्यापैकी आवक सुरू आहे. बाजार समितीत शेवग्याची पंधरा ते पंचवीस क्विंटलची आवक होत आहे. शेवग्याला चार ते सहा हजार रुपयाचा प्रतिक्विंटलचा दर मिळत आहे. भुसारमध्ये गावरान ज्वारीची बऱ्यापैकी आवक होत आहे. प्रतिक्विटंलला १९०० ते  ३००० रुपयांचा दर मिळत आहे. 

टोमॅटोची दर दिवसाला शंभर ते सव्वाशे क्विंटलची आवक होत आहे. वांग्याची ३० ते ४० क्विंटलची आवक, तर दर ५०० ते २५००, कोबीची ४० ते ५० क्विंटलची आवक; तर दर ५०० ते १००० रुपये, गवारची १२ ते २० क्विंटल आवक; तर दर चार हजार ते सहा हजार, दोडक्याची १० ते २० क्विंटल आवक, दर तीन हजार ते चार हजार, कारल्याची तीस ते चाळीस क्विंटल आवक; तर दर दोन हजार ते चार हजार, बटाट्याची २७० ते ३०० क्विटंल आवक, तर दर १०० ते २१०० रुपये मिळाला.

लसणाची १२ ते २५ क्विंटली आवक, तर दर ४००० ते नऊ हजार, हिरव्या मिरचीची ७० ते १०० क्विटंल आवक, तर दर एक हजार ते साडेतीन हजार रुपये मिळाला. आद्रक, गाजर, कोथिंबीर, पालक, मेथी, चुका, शेपूच्या भाजीलाही चांगली मागणी राहिली.

बाजरी १३०० ते १९०० रुपये क्विंटल

बाजरीची दहा ते वीस क्विंटलची आवक होऊन १३०० ते १९००, तुरीची तीस ते चाळीस क्विंटलची आवक होऊन ४९०० ते ५१०० रुपये, हरभऱ्य़ाची वीस ते चाळीस क्विंटलची आवक होऊन ३९०० ते ४१०० रुपये, उडदाची पाच ते दहा क्विंटलची आवक होऊन ५ हजार पाचशे, रुपयाचा दर मिळाला, असे बाजार समितीचे सचीव अभय भिसे यांनी सांगितले.