नगरला शेवगा, घेवड्याला चांगला दर; आवक कमी

नगर:नगर येथील दादा पाटील शेळके कृषी उत्पन्न बाजार समितीत गेल्या आठवडाभरात घेवडा, शेवग्याला चांगला दर मिळाला. भुईमुगाच्या ओल्या शेंगांचीही दर दिवसाला पंधरा क्विंटलपर्यंत आवक होत आहे.
Shevaga to the town, good rate to Ghewda; Low income
Shevaga to the town, good rate to Ghewda; Low income

नगर : नगर येथील दादा पाटील शेळके कृषी उत्पन्न बाजार समितीत गेल्या आठवडाभरात घेवडा, शेवग्याला चांगला दर मिळाला. भुईमुगाच्या ओल्या शेंगांचीही दर दिवसाला पंधरा क्विंटलपर्यंत आवक होत आहे. 

नगर येथील बाजार समितीत गेल्या पंधरा दिवसांपासून  भाजीपाल्याची दर दिवसाला १ हजार ते ११०० क्विटंलपर्यत आवक होत आहे. आठवडाभरात दर दिवस घेवड्याची १ ते २ क्विंटलची आवक होऊन २ हजार ते सहा रुपये प्रतिक्विंटलला दर मिळाला. शेवग्याची ८ ते १० क्विंटलची आवक झाली. त्यास २ हजार ते ५ हजार ५०० रुपये दर मिळाला.

टोमॅटोची २४५ ते २५० क्विंटलची आवक झाली. ५०० ते १ हजार, वांग्यांची ३१ ते ३५ क्विंटलची आवक होऊन १ हजार ५०० ते २ हजार ५००, फ्लॉवरची ८७ ते ९० क्विंटलची आवक होऊन १ हजार ते २ हजार ५००, कोबीची ९५ ते १०० क्विंटलची आवक होऊन ८०० ते १३००, काकडीची ८९ ते ९५ क्विटंलची आवक होऊन ५०० ते १५०० हजार, गवारीची ५ ते ७ क्विंटलची २ ते ५ हजार, भेंडीची २८ ते ३० क्विंटलची आवक होऊन १ हजार ते २ हजार ५००, वालची ४ ते ८ क्विंटलची आवक होऊन २ हजार ते ३ हजार रुपये दर मिळाला.  

बटाट्याची २४५ ते २५० क्विंटलची आवक होऊन ७०० ते ११००, हिरव्या मिरचीची ३५ ते ४० क्विंटलची आवक होऊन १ हजार ५०० ते ३ हजार, आल्याची २१ ते २५ क्विंटलची आवक होऊन १ हजार ५०० ते २ हजार, लिंबांची पाच ते सात क्विटंलची आवक होऊन ५०० ते १ हजार, शिमला मिरची ३१ ते ३५ क्विंटलची आवक होऊन १ हजार ते १ हजार २०० रुपये, वाटाण्याची ३९ ते ४२ क्विंटलची आवक होऊन ४ हजार ते  ५ हजार ५०० रुपये दर मिळाला. मेथी, कोथिंबीर, पालक, करडी भाजीची आवक चांगली राहिली, असे बाजार समितीचे सचीव अभय भिसे यांनी सांगितले. 

  डाळिंबाला दहा हजारापर्यंतचा दर 

नगर बाजार समितीत जर दिवसाला डाळिंबांची १४० ते १५० क्विंटलची आवक होत आहे. त्यांना १ हजार रुपयापासून ते १० हजार रुपये प्रतिक्विंटलला दर मिळत आहे. मोसंबीची १९ क्विंटलची आवक होऊन १ हजार ते ५ हजार, संत्र्यांची २ ते ३ क्विंटलची आवक झाली. त्यास २ हजार ते ८ हजार, सीताफळांचीही आवक सुरु झाली आहे. सीताफळांची दर दिवसाला ३ ते ४ क्विंटलची आवक होऊन २ हजार ते ६ हजाराचा दर मिळत आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com