agriculture news in marathi Shirpur Market Committee Will be working during the day | Page 2 ||| Agrowon

शिरपूर बाजार समिती दिवसाआड कार्यरत राहणार

टीम अॅग्रोवन
रविवार, 16 मे 2021

जळगाव ः  खानदेशात शिरपूर (जि. धुळे), जळगाव जिल्ह्यातील चोपडा, अमळनेर बाजार समित्या प्रमुख मानल्या जातात. परंतु या बाजार समित्यांमधील कामकाज गेल्या महिनाभरापासून रखडत सुरू आहे.

जळगाव ः  खानदेशात शिरपूर (जि. धुळे), जळगाव जिल्ह्यातील चोपडा, अमळनेर बाजार समित्या प्रमुख मानल्या जातात. परंतु या बाजार समित्यांमधील कामकाज गेल्या महिनाभरापासून रखडत सुरू आहे. यातच शिरपूर बाजार समितीचे कामकाज सोमवारपासून (ता. १७) एक दिवसाआड सुरू राहणार आहे. 

आठवड्यात फक्त तीन दिवस कामकाज किंवा लिलाव सुरू राहतील. त्यात एका दिवसात फक्त एकाच शेतीमालाचा लिलाव होईल. त्यात भुईमूग शेंगा, धान्य यासाठी दिवस निश्चित केले आहेत. पण सध्या शेंगा, मका, गहू, ज्वारीची आवक वाढली आहे. यामुळे बाजार समिती रोज सुरू करा व लिलाव प्रक्रिया सकाळी आठ ते दुपारी चारपर्यंत पार पाडा, अशी मागणी केली जात आहे. 

शिरपूर बाजार समिती मका, हरभरा, गव्हासाठी खानदेशात प्रसिद्ध आहे. ती बंद राहिल्यास शेतकऱ्यांचे नुकसान वाढेल, असे शेतकऱ्यांचे मत आहे. चोपडा, अमळनेर येथील बाजार समितीदेखील व्यवस्थितपणे कार्यरत नाही. चोपड्यातही आठवड्यातून दोन किंवा तीनच दिवस कामकाज होत आहे. कोरोनाचे संकट असल्याने लसीकरणाची मागणी बाजार समितीतर्फे सतत केली जात आहे. जळगाव बाजार समितीत लिलाव ठप्प आहेत. अनेक अडतदार कोरोनाग्रस्त होते. यामुळे ही मंडळी बाजार समितीत येत नाही.

कर्मचाऱ्यांच्या मदतीने काही व्यवहार पूर्ण करून घेत आहेत. लिलाव प्रक्रिया बंद असल्याने शेतकऱ्यांची ज्वारी, गहू बाजार समितीत अडतदारांकडे पडून आहे. काही अडतदार बाजार समितीत येतात. पण सकाळी ११ पर्यंतच व्यवहार सुरू असतात. नंतर व्यवहार पार पाडले जात नाहीत. यामुळे सर्व प्रक्रिया रखडली आहे. शेतकऱ्यांच्या शेतीमालास योग्य दर मिळत नसल्याची स्थिती आहे. 

प्रशासनाकडून परवानगी मिळेना 

बाजार समितीमधील संचालक व शेतकऱ्यांनी लिलाव प्रक्रिया सुरू करण्यासह कामकाज दिवसभर सुरू करण्याची भूमिका शेतकरी हितासाठी घेतली. पण प्रशासन कोरोनाचे कारण, नियमांचे मुद्दे सांगून बाजार समितीचे कामकाज पूर्ववत करण्याची परवानगी देत नसल्याची माहिती मिळाली.


इतर बातम्या
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...