Agriculture news in marathi; Shiv Sena is aggressive again | Agrowon

राज्यात सत्तास्थापनेचा पेच कायम, शिवसेना पुन्हा आक्रमक
टीम अॅग्रोवन
शनिवार, 2 नोव्हेंबर 2019

मुंबई  : मुख्यमंत्रिपदासह सत्तेचे समसमान वाटप झालेच पाहिजे, असे ठासून सांगताना, ज्या अर्थी शिवसेना पक्षप्रमुख उद्धव ठाकरे यांनी मुख्यमंत्री शिवसेनेचा होणार, असे म्हटले आहे, त्या अर्थी मी आपल्याला लिहून देतो की, महाराष्ट्राचा मुख्यमंत्री शिवसेनेचाच होणार, असे ठाम मत शिवसेनेचे खासदार संजय राऊत यांनी शुक्रवारी व्यक्त केले.

मुंबई  : मुख्यमंत्रिपदासह सत्तेचे समसमान वाटप झालेच पाहिजे, असे ठासून सांगताना, ज्या अर्थी शिवसेना पक्षप्रमुख उद्धव ठाकरे यांनी मुख्यमंत्री शिवसेनेचा होणार, असे म्हटले आहे, त्या अर्थी मी आपल्याला लिहून देतो की, महाराष्ट्राचा मुख्यमंत्री शिवसेनेचाच होणार, असे ठाम मत शिवसेनेचे खासदार संजय राऊत यांनी शुक्रवारी व्यक्त केले.

शिवसेनेने ठरवले तर आपले सरकार बनवू शकते, असे म्हणत राऊत यांनी भाजपला स्पष्ट इशारा दिला. तर येत्या आठवडाभरात राज्यात सरकार स्थापन न झाल्यास राज्यात राष्ट्रपती राजवट लागू होऊ शकते, असे वक्तव्य अर्थमंत्री सुधीर मुनगंटीवार यांनी केले आहे. सेना-भाजपच्या या भूमिकांमुळे राज्यातील सत्तास्थापनेचा पेच कायम असल्याचे दिसून येते. विधानसभा निवडणुकीत महायुतीला जनतेने सत्ता स्थापन करण्यासाठी कौल दिला आहे. भाजप सर्वाधिक आमदार संख्या असलेला मोठा पक्ष ठरला आहे. महाराष्ट्र विधानसभेचा कार्यकाळ ७ नोव्हेंबरपर्यंत असून, त्याआधी राज्यात सरकार स्थापन होणे अपेक्षित आहे.

मुख्यमंत्रिपदासह समसमान सत्तेत सगळे फिफ्टी-फिफ्टी अशी शिवसेनेची मागणी आहे. तर उपमुख्यमंत्रिपदासह १८ मंत्रिपदे देण्याची तयारी भाजपने ठेवली आहे. मात्र, हा प्रस्ताव शिवसेनेला मान्य नाही. हा प्रस्ताव स्वीकारायचा झाल्यास सेनेला गृह खात्यासह नगर विकास आणि महसूल ही महत्त्वाची खाती हवी आहेत. पण ही खाती सोडण्यास भाजप तयार नसल्याचे समजते.

भारतीय जनता पक्षाच्या केंद्रीय नेतृत्वाने राज्यातील सत्तापेचावर राज्यातच तोडगा काढण्याचे आदेश राज्य भाजप नेतृत्वाला दिले असले, तरीदेखील कोणत्याही चर्चेसाठी पुढे न जाता सेनेकडून काय प्रस्ताव येतो, याची राज्य भाजप नेतृत्व वाट पाहत असल्याची माहिती आहे.

शिवसेनेचे खासदार संजय राऊत आणि राष्ट्रवादी काँग्रेस पक्षाचे राष्ट्रीय अध्यक्ष शरद पवार यांची भेट तसेच शिवसेनेला पाठिंबा देण्याबाबत राज्यातील काँग्रेस नेत्यांची सकारात्मकता यामुळे भाजपच्या गोटात संभ्रमाचे वातावरण असून, भाजपने 'थांबा आणि पाहा'ची भूमिका घेतल्याची माहिती आहे. काँग्रेसने कर्नाटकात फक्त भाजपला सत्तेपासून दूर ठेवण्यासाठी सर्वाधिक आमदार असूनही जनता दल सेक्युलरला पाठिंबा देत कुमारस्वामींना मुख्यमंत्रिपद देऊ केले. राज्यातही भाजपला सत्तेपासून दूर ठेवण्यासाठी काँग्रेस हायकमांड वेगळा विचार करू शकते, अशी माहिती आहे. त्यामुळे राज्यात शिवसेना-राष्ट्रवादी-काँग्रेस असे नवे समीकरण आकाराला येऊ शकते, अशी शक्यता आहे.

५ नोव्हेंबरला शपथविधी?
शिवसेना भूमिकेवर ठाम राहिल्यास भाजप येत्या ५ नोव्हेंबर रोजी राजभवन येथे केवळ भाजप सरकारचा शपथविधी उरकून घेऊ शकेल, असे समजते. अल्प मतातील भाजप सरकारला डिसेंबरमध्ये हिवाळी अधिवेशनादरम्यान सभागृहात बहुमत सिद्ध करावे लागेल. तोपर्यंत सेना सत्तेत सहभागी झाल्यास भाजप सरकार तरून जाईल, अन्यथा भाजपला विरोधी पक्षांची मदत घ्यावी लागेल.

इतर ताज्या घडामोडी
‘वसाका’ला उसाचे टिपरू तोडू देणार नाही,...नाशिक : ‘‘नाशिक जिल्ह्यातील कादवा व द्वारकाधीश या...
शेतकऱ्यांना संपूर्ण वीजबिलमाफी द्या, '...सोलापूर : जिल्ह्यात गेल्या दोन वर्षांपासून...
खेडीभोकरीला बोटीतून होतोय जीवघेणा...जळगाव : खेडीभोकरी (ता. चोपडा) ते भोकर (ता....
मुख्यमंत्रिपदासाठी उद्धव ठाकरे यांच्या...मुंबई  :  मुख्यमंत्री पदासाठी शिवसेना...
रत्नागिरीत २० हजार टन भात खरेदीचे...रत्नागिरी  : यंदा जिल्ह्यात महाराष्ट्र स्टेट...
उसाला प्रतिटन चार हजार रुपये दर द्यावा...सांगली  ः राज्यातील ऊस उत्पादकांना प्रतिटन...
शेतकऱ्यांच्या मागण्यांसाठी अकोल्यात `...अकोला  ः जिल्ह्यातील शेतकरी, शेतमजुरांना...
...त्याने आपल्या शेतातील भाजी दिली थेट...पुणे : शिरूर तालुक्यातील केंदूर येथील सुनील...
रत्नागिरी जिल्ह्यात पिकांचे नुकसान आठ...रत्नागिरी : क्यार आणि महाचक्रीवादळामुळे जिल्ह्यात...
जळगाव : सोयाबीनची खरेदी शून्य; ज्वारी...जळगाव : जिल्ह्यात सोयाबीनची शासकीय केंद्रातील...
नांदेड विभागात यंदा गाळपासाठी १६ साखर...नांदेड : यंदाच्या २०१९-२० च्या गाळप हंगामात...
सिद्धेश्वर धरणामध्ये ९२.५० टक्के...गोजेगाव, जि. हिंगोली : पूर्णा नदीवरील औंढा नागनाथ...
केंद्राचे पथक आज अकोला जिल्ह्यातअकोला : पावसामुळे शेतीचे व पिकांचे नुकसान झालेले...
नगर जिल्ह्यात गव्हात बियाणे बदलाचे...नगर : रब्बी हंगामात घेतल्या जाणाऱ्या पिकांत...
किमान तापमानात घट; विदर्भात थंडीत वाढमहाराष्ट्रावरील हवेचा दाब वाढत आहे. या आठवडाच्या...
परभणीत वाटाण्याला ४००० ते ६००० रुपये...परभणी : येथील पाथरी रस्त्यावरील फळे भाजीपाला...
पोटदुखीवर नाडुकली उपयुक्त स्थानिक नाव     ः  ...
लोक-जैविपा - भर दुष्काळात उभारलेली...शेतकऱ्यांचा पुढाकार अनुभवल्यावर वन विभागाच्या...
नगर : नुकसान भरपाईसाठी एकशे पस्तीस...नगर : जिल्ह्यात ऑक्टोबर ते नोव्हेंबर या...
'या' बाजार समितीत शेतकऱ्यांना अल्प दरात...अकोला : सध्या कोणत्याही शासकीय योजनेचा फायदा...