Agriculture news in Marathi, Shiv Sena asserts equal allocation with Chief Minister | Page 2 ||| Agrowon

मुख्यमंत्रिपदासह समसमान वाटपावर शिवसेना ठाम

टीम अॅग्रोवन
शुक्रवार, 8 नोव्हेंबर 2019

मुंबई : ‘‘मला स्वतःहून युती तोडायची नाही, युती कायम राहावी, ही माझी इच्छा आहे. सगळे गोडीने व्हायला पाहिजे. भाजप अध्यक्ष अमित शहांसोबत ५०-५० चा फॉर्म्युला ठरला होता. आता जो निर्णय आहे, तो भाजपने घ्यावा,’’ अशी भूमिका पुन्हा एकदा शिवसेना पक्षप्रमुख उद्धव ठाकरे यांनी घेतली. उद्धव ठाकरेंच्या नेतृत्वात ‘मातोश्री’ निवासस्थानी शिवसेनेच्या सर्व विजयी आमदारांची बैठक गुरुवारी (ता. ७) पार पडली. 

मुंबई : ‘‘मला स्वतःहून युती तोडायची नाही, युती कायम राहावी, ही माझी इच्छा आहे. सगळे गोडीने व्हायला पाहिजे. भाजप अध्यक्ष अमित शहांसोबत ५०-५० चा फॉर्म्युला ठरला होता. आता जो निर्णय आहे, तो भाजपने घ्यावा,’’ अशी भूमिका पुन्हा एकदा शिवसेना पक्षप्रमुख उद्धव ठाकरे यांनी घेतली. उद्धव ठाकरेंच्या नेतृत्वात ‘मातोश्री’ निवासस्थानी शिवसेनेच्या सर्व विजयी आमदारांची बैठक गुरुवारी (ता. ७) पार पडली. 

या वेळी उद्धव ठाकरे यांना निर्णयाचे सर्वाधिकार देण्यात आले असून, खासदार संजय राऊतच केवळ पक्षाची अधिकृत भूमिका मांडतील, असा निर्णय झाल्याचे सांगण्यात आले. उद्धव ठाकरे ५०-५० मुख्यमंत्रिपदाच्या फॉर्म्युल्यावर ठाम असल्याची माहिती देण्यात आली. उद्धव ठाकरे यांनी सत्तास्थापनेबाबत सर्व आमदारांचे मत आजमावून पाहण्यासाठी बैठकीचे आयोजन केले होते. शिवसेना पुढील राजकीय रणनीती ठरवणार असल्यामुळे फक्त सेनाच नाही, तर भाजपचे डोळेही या बैठकीकडे लागून राहिले होते. पोलिस बंदोबस्तामुळे मातोश्रीला छावणीचेच स्वरूप आले होते.

राज्यातल्या सत्तास्थापनेच्या घडामोडींना गुरुवारी वेग आला आहे. एकीकडे भाजपच्या बैठका सुरू असतानाच दुसरीकडे शिवसेनेच्या आमदारांचीही बैठक पार पडली. अडीच वर्षांच्या मुख्यमंत्रिपदासह सत्तेतल्या समसमान वाटपावर शिवसेना ठाम आहे. आमदार फुटू नयेत यासाठी शिवसेनेकडून सावधगिरी बाळगण्यात येत असून सर्व आमदारांना रंगशारदा हॉटेलमध्ये ठेवण्यात आले आहे. त्यांच्यावर देखरेख ठेवली जात आहे. 

सत्तेतल्या ५०-५० टक्के वाट्यावर शिवसेना ठाम आहे. लोकसभेच्या वेळी युतीचे जे ठरले होते, तसेच व्हावे याचाच पुनरुच्चार या बैठकीत झाला, अशी माहिती या बैठकीनंतर आमदार शंभूराजे देसाई यांनी प्रसारमाध्यमांना दिली. शिवसेना पक्षप्रमुख जो निर्णय घेतील त्या निर्णयासोबत आपण असू, अशी ग्वाही सर्व आमदारांनी उद्धव ठाकरे यांना या बैठकीत दिली. 

आमदारांना मुंबई सोडण्याचे आदेश नाहीत, त्यांना पुढील निरोप येईपर्यंत रंगशारदा येथेच थांबायचे आहे. शिवसेनेचे ५६ आमदार अधिक शिवसेनेला पाठिंबा देणारे आठ आमदार असे एकूण ६४ आमदार मातोश्रीहून रंगशारदा येथे गेले आहेत. पुढील आदेश येईपर्यंत वांद्रे येथील या हॉटेलमध्ये हे सर्व आमदार थांबणार आहेत. 

‘भाजपला धडा शिकविण्याची हीच वेळ’ 
दरम्यान, साहेब आता तडजोड करू नका, मुख्यमंत्री शिवसेनेचाच करा, अशी ठाम भूमिका आमदारांनी या वेळी उद्धव ठाकरेंपुढे व्यक्त केली. गेल्या पाच वर्षात भाजपने शिवसेनेला खूप त्रास दिला. दुय्यम दर्जाची मंत्रिपदे शिवसेनेच्या गळ्यात मारली. पाच वर्षे निधीसाठी रखडवले. आता भाजपला धडा शिकवण्याची हीच वेळ आहे, अशा भावनाही सेना आमदारांनी व्यक्त केल्याचे समजते. 
 


इतर ताज्या घडामोडी
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...
सिंधुदुर्गात पूरस्थिती, जनजीवन विस्कळीत सिंधुदुर्ग ः जिल्ह्यात गेल्या दोन ते तीन...
माजी मंत्री अनिल राठोड यांचे निधननगर, : नगर शहराचे माजी आमदार, तत्कालीन युती...
माजी मुख्यमंत्री शिवाजीराव पाटील...लातूर : काँग्रेसचे जेष्ठ नेते, माजी मुख्यमंत्री...
परभणी जिल्ह्यात तीन लाख ७२ हजार हेक्टर...परभणी : ‘‘पंतप्रधान पिकविमा योजनेअंतर्गंत...
लातूर विभागात विम्याचे २१ लाख हेक्टर...उस्मानाबाद : लातूर, उस्मानाबाद, नांदेड, परभणी,...
'रासाका' लवकर सुरू करा, शेतकऱ्यांची...नाशिक  : गेल्या काही दिवसांपासून निफाड...