Agriculture news in Marathi Shock to the established in Nashik district | Agrowon

नाशिक जिल्ह्यात प्रस्थापितांना धक्का

टीम अॅग्रोवन
मंगळवार, 19 जानेवारी 2021

जिल्ह्यात एकूण ६२१ ग्रामपंचायतीच्या सार्वत्रिक निवडणुकांसाठी मतदान पार पडले. बिनविरोध ग्रामपंचायती वगळता एकूण ५६५ ग्रामपंचायतींसाठी झालेल्या मतदानाची मतमोजणी प्रक्रिया सकाळी १० वाजता सुरू झाली.

नाशिक : जिल्ह्यात एकूण ६२१ ग्रामपंचायतीच्या सार्वत्रिक निवडणुकांसाठी मतदान पार पडले. बिनविरोध ग्रामपंचायती वगळता एकूण ५६५ ग्रामपंचायतींसाठी झालेल्या मतदानाची मतमोजणी प्रक्रिया सकाळी १० वाजता सुरू झाली. दुपारी १.३० वाजेपर्यंत २०४ ग्रामपंचायतींची मतमोजणी प्रक्रिया शांततेत पार पडली आहे. या निकालामध्ये जिल्ह्यातील प्रमुख ग्रामपंचायतींचे निकाल आल्यानंतर प्रस्थापितांना धक्का तर तरुणाईचा वरचष्मा पाहायला मिळाला. मात्र, दुपारी ४ वाजेपर्यंत अनेक ठिकाणचे निकाल हाती नसल्याने ते सायंकाळपर्यंत स्पष्ट होणार आहेत.

जिल्ह्यात निवडणुका असलेल्या तालुक्यांपैकी नाशिक-२२, त्र्यंबक-३, दिंडोरी-५३, इगतपुरी-७, चांदवड-५२, कळवण-२७, बागलाण-३१ व देवळा-९ या ८ तालुक्यातील एकूण २०४ ग्रामपंचायतीचे निकाल हाती आले होते. तर उर्वरित निफाड, येवला, मालेगाव, सिन्नर व नांदगांव या ५ तालुक्यांतील निकाल हाती येणे बाकी होते.

पालकमंत्री छगन भुजबळ यांच्या मतदार संघातील ग्रामपंचायत निवडणुकीत सत्तेची उलथापालथ झाली. येथील मतदारांनी स्थानिक पातळीवरील दिग्गज नेत्यांना नाकारल्याचे चित्र आहे. मोठी गावे असलेल्या नगरसुल, अंदरसुल, राजापूर तर साताळी, निमगाव या  गावांमध्ये सत्ताधाऱ्यांना नाकारले. तर तालुक्यातील राष्ट्रवादीचे ज्येष्ठ नेते अंबादास बनकर, जिल्हा परिषदेचे कृषी सभापती संजय बनकर यांच्या पॅनेलला ७ जागांवर बहुमत मिळाले.तर सत्ताधारी विठ्ठल आठशेरे यांना मोठा धक्का दिल्याने अंगणगाव येथे बदल झाला आहे.

अंदरसूल ग्रामपंचायतीत धनगे-देशमुख यांच्या पॅनेलने नऊ जागांवर विजय मिळविला. त्यामुळे राजकीय प्रतिस्पर्धी मकरंद सोनवणे यांच्या गटाला ६ जागा मिळाल्याने सत्ता संपुष्टात आली आहे. नगरसुल येथे समता पॅनेलने महाविकास आघाडी प्रणीत पॅनेलला धक्का दिला. काही गावांमध्ये सत्ता राखण्यात सत्ताधाऱ्यांना यश आले आहे. तालुक्यातील धुळगाव येथे प्रहार पक्षाने खाते उघडले असून रामदास इंगळे हे विजयी झाले आहेत. नाशिक, दिंडोरी तालुक्यात अनेक गावांत ज्येष्ठ नेत्यांच्या  राजकीय भूमिका थांबवून तरुणांनी यशस्वी प्रवेश केला आहे.

आमदार कोकटे यांना गावातच धोबीपछाड
सिन्नर तालुक्याचे आमदार माणिकराव कोकाटे यांच्या राजकारणाला गावातच धक्का बसला आहे. सोमठाणे ग्रामपंचायत निवडणुकीत आमदार कोकाटे यांच्या विरोधात त्यांचे सख्खे बंधू भरत शिवाजीराव कोकाटे यांच्या पॅनेलचे आव्हान होते. झालेल्या मतमोजणीत भरत कोकाटे यांच्या पॅनेलला अकरा पैकी सात जागा मिळाल्या. आमदार कोकाटे यांच्या पॅनेलला फक्त चार जागा मिळाल्या. हा कोकाटे यांना त्यांच्या घरातूनच बसलेला मोठा राजकीय धक्का मानला जातो.


इतर बातम्या
दूध विक्री कमिशनवर नियंत्रण आणा पुणे : राज्यातील दूध उत्पादक शेतकऱ्यांना...
किमान तापमानात वाढ पुणे ः मध्य महाराष्ट्राच्या परिसरात चक्रीय...
देशी कोंबडी पिलांच्या मागणीत ७० टक्के...नगर ः बर्ड फ्लूची लाट ओसरली आहे. मात्र तरीही...
‘पीएम-किसान’चे काम करण्यास महसूलचा नकार अकोला ः पंतप्रधान शेतकरी सन्मान योजना...
अकोला : अवकाळी, गारपीटग्रस्तांना १७...अकोला ः गेल्या वर्षात जिल्ह्यात फेब्रुवारी ते मे...
खरिपात सोयाबीन पेरणीवेळी जोड ओळ पद्धत...जालना ः ‘‘येणाऱ्या खरीप हंगामात सोयाबीन पिकात जोड...
अकोला परिमंडळात ४८ तासांत ३४० चोऱ्या उघडअकोला ः अकोला परिमंडळात वीजचोरीच्या घटनांमध्ये...
मराठवाडा रेशीम शेतीचा केंद्र बिंदू ः डॉ...जालना : ‘‘हवामान बदलानुसार योग्य त्या पिकांच्या...
‘पोकरा’मध्ये कामाची प्रक्रिया आता ऑनलाइनमुंबई/औरंगाबाद : नानाजी देशमुख कृषी संजीवनी...
राज्यात गहू क्षेत्रात ३८ टक्क्यांनी वाढनगर ः परतीच्या पावसाने पाण्याची बऱ्यापैकी...
‘महाबीज’चे २१० हेक्टरवर सोयाबीन...परभणी ः ‘महाबीज’च्या परभणी विभागांतर्गत सहा...
‘युटोपियन’कडून पाच लाख मेट्रिक टन उसाचे...सोलापूर ः ‘‘यंदा जास्त ऊस गाळपाचे उद्दिष्ट ठेवले...
म्हैसाळच्या आवर्तनासाठी पाणी मागणीची...सांगली ः मिरज पूर्व भागासह कवठेमहांकाळ, जत तालुक्...
`सुधारित शिफारशींसाठी शेतकऱ्यांमध्ये...परभणी ः ‘‘सोयाबीन उत्पादकता वाढ तसेच उत्पादन खर्च...
बूथ कमिट्या सक्षम करा : नाना पटोले मुंबई : काँग्रेस पक्ष संघटन मजबूत करण्यासाठी सर्व...
प्रत्येक गावांनी पाण्याचे अंदाजपत्रक...पुणे : गावात पडणारा पाऊस व पिकांना लागणारे पाणी...
नेपाळच्या कांदा व्यापाऱ्याला ...नाशिक : जिल्ह्यात शेतमाल विक्री पश्चात...
वीज जोडणी तोडल्यास राज्यभर आंदोलन :...अकोला : आधीच कोरोनामुळे गेले वर्षभर शेतकरी व...
पालखेड उपबाजार आवारात द्राक्ष मण्यांचे...नाशिक : पिंपळगाव बसवंत कृषी उत्पन्न बाजार समितीचा...
तीनच दिवसांत कांदा उत्पादक शेतकऱ्यांना ...नाशिक : सोमवारी ४२३०, बुधवारी ३४८१ आणि गुरुवारी...