सोलापुरात ग्रामीण भागातील दुकाने, औद्योगिक उपक्रमांना परवानगी

सोलापूर : ग्रामीण भागातील सर्व दुकाने (मॉल वगळता) आणि औद्योगिक उपक्रमांना ठराविक वेळेत उघडण्यास परवानगी दिली आहे.
Shops in rural areas in Solapur, Permission for industrial enterprises
Shops in rural areas in Solapur, Permission for industrial enterprises

सोलापूर : ‘कोरोना’ला रोखण्यासाठी १७ मेपर्यंत लॅाकडाऊन वाढवण्यात आला आहे. सोलापूर हे रेड झोनमध्ये आहे. त्यामुळे राज्य आणि केंद्र शासनाच्या सूचनेनुसार जिल्हाधिकारी मिलिंद शंभरकर यांनी संचारबंदी आणि लॅाकडाउनच्या काळात कोणते व्यवसाय सुरु राहतील आणि कोणते बंद राहतील, यासंबंधीचे आदेश काढले आहेत. त्यात ग्रामीण भागातील सर्व दुकाने (मॉल वगळता) आणि औद्योगिक उपक्रमांना ठराविक वेळेत उघडण्यास परवानगी दिली आहे. 

नागरी क्षेत्रातील सर्व स्वतंत्र दुकाने, कॉलनी शेजारी असणारी दुकाने आणि रहिवासी संकुलात असणारी दुकाने सुरु राहतील, असे शहर पोलिसांनी सांगितले. त्यानुसारच ग्रामीण भागासाठीही जिल्हाधिकाऱ्यांनी स्वतंत्र आदेश काढले आहेत. त्यात ग्रामीण भागाच्या प्रतिबंधित व हॅाटस्पॅाट क्षेत्रातील केश कर्तनालये बंद असतील. दवाखाने, टेलिमेडिसीन सुविधा, औषधालय, वैद्यकीय प्रयोगशाळा, बँका या सुरु असतील. 

आठवडे बाजार, शाळा, शैक्षणिक संस्था, मंगल कार्यालय, पान टपरी बंद ठेवण्याचा आदेश दिला आहे. खासगी कार्यालयात त्यांच्या एकूण मनुष्यबळाच्या ३३ टक्के इतक्या मनुष्यबळाचा वापर करुन सुरु ठेवता येतील. उर्वरित कर्मचाऱ्यांना घरात राहून काम करावे लागेल. ग्रामीण भागातील सर्व औद्योगिक, महापालिका क्षेत्राच्या बाहेरील उद्योग व कारखाने सुरु ठेवण्यास परवानगी देण्यात आली आहे. पण, मद्यविक्रीची दुकाने शहर आणि जिल्ह्यात दोन्हीकडे बंद असतील, असेही या आदेशात नमूद आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com