Agriculture news in marathi; Short response to Government guarantee purchase in Akola district | Agrowon

अकोला जिल्ह्यात शासनाच्या हमीभाव खरेदीला अल्प प्रतिसाद

टीम अॅग्रोवन
बुधवार, 16 ऑक्टोबर 2019

अकोला ः शेतमालाला किमान आधारभूत किंमत मिळवून देण्यासाठी शासनाचे हमीभाव खरेदी केंद्र सुरू केले. केंद्र सुरू झाले तेव्हापासून आत्तापर्यंत मात्र केवळ ९१ क्विंटल मुगाची खरेदी झाली असून, उडीद आणि सोयाबीन खरेदीचा मुहूर्तही झालेला नाही. विदर्भ मार्केटिंग को-ऑपरेटिव्ह फेडरेशन आणि जिल्हा मार्केटिंग फेडरेशनच्या वतीने खरेदी प्रक्रिया सुरू करण्यात आली आहे.

अकोला ः शेतमालाला किमान आधारभूत किंमत मिळवून देण्यासाठी शासनाचे हमीभाव खरेदी केंद्र सुरू केले. केंद्र सुरू झाले तेव्हापासून आत्तापर्यंत मात्र केवळ ९१ क्विंटल मुगाची खरेदी झाली असून, उडीद आणि सोयाबीन खरेदीचा मुहूर्तही झालेला नाही. विदर्भ मार्केटिंग को-ऑपरेटिव्ह फेडरेशन आणि जिल्हा मार्केटिंग फेडरेशनच्या वतीने खरेदी प्रक्रिया सुरू करण्यात आली आहे.

बाजारपेठेत शेतकऱ्यांच्या शेतमालाला योग्य दर मिळावा, यासाठी शासनाकडून आधारभूत किमतीने खरेदीसाठी केंद्र सुरू केले जातात. याहीहंगामात आॅऩलाइन नावनोंदणी केलेल्या शेतकऱ्यांचा शेतमाल खरेदीची प्रक्रिया राबवली जात आहे. अकोला जिल्ह्यात नाफेडअंतर्गत मूग, उडीद, सोयाबीन खरेदीसाठी जिल्हा मार्केटिंग फेडरेशन व विदर्भ को-ऑपरेटिव्ह मार्केटिंग फेडरेशनने केंद्र उघडले. अकोला, अकोट, मूर्तिजापूर, तेल्हारा, वाडेगाव, पातूर, पारस अशी आठ केंद्रे सुरू करण्यात आली. त्यावर आतापर्यंत नोंदणी केलेल्यांपैकी फक्त १६ शेतकऱ्यांकडून केवळ ९१ क्विंटल मुगाची खरेदी करण्यात आली. यात विदर्भ मार्केटिंग फेडरेशनने १४ शेतकऱ्यांचा ८० क्विंटल मूग खरेदी केला; तर जिल्ह्यातील तेल्हारा, वाडेगाव, पातूर, पारस या चार केंद्रांवर खरेदी करीत असलेल्या जिल्हा मार्केटिंग फेडरेशनद्वारे दोन शेतकऱ्यांकडून ११.५० क्विंटल मुगाची खरेदी झाली आहे.

शासनाने या हंगामासाठी मुगाचा हमीदर ७०५०, उडदाचा ५७०० आणि सोयाबीनचा ३७१० रुपये दर जाहीर केलेला आहे. सध्या बाजारपेठेत या भावांपेक्षा कमी दर असूनही शासकीय खरेदी केंद्रावर शेतकरी विक्रीसाठी येत नसल्याचे स्पष्टपणे दिसत आहे.

नोंदणीलाही प्रतिसाद कमीच
जिल्ह्यात आठ हमीभाव केंद्रे सुरू करण्यात आली आहेत. या केंद्रांवर शेतमाल विक्रीसाठी शेतकऱ्यांना आधी आॅनलाइन नावनोंदणीची गरज आहे. आढावा घेतला असता आतापर्यंत जिल्ह्यात ३ हजारांपर्यंत शेतकऱ्यांची नोंदणी झालेली आहे. मागील काही वर्षांचा विचार करता हा अत्यंत कमी प्रतिसाद मानला जात आहे. मूग, उडदाची नोंदणी करण्याची मुदत मंगळवारी (ता.१५) संपली आहे. आता सोयाबीन विक्रीसाठी शेतकऱ्यांना ३१ आॅक्टोबरपर्यंत नोंदणी करता येईल.


इतर ताज्या घडामोडी
युरियाची विषबाधा टाळण्यासाठी काळजी...युरियाची विषबाधा ही सर्व पाळीव प्राण्यांमध्ये...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...
विमा कंपनीचा कारभार चालतोय कृषी...सातारा : जिल्ह्यात खरिपाच्या सुरूवातीस पावसाने...
चिपळूणमधील पूरग्रस्तांसाठी पुनर्वसन...रत्नागिरी : ढगफुटीसदृश पावसामुळे चिपळूणकरांचे...
पाणी ओसरताच तातडीने पंचनामेकोल्हापूर : पूरग्रस्तांना आवश्यक ती मदत राज्य...
शेतकरी नियोजन पीक : कांदाशेतकरी : नंदकुमार काशिनाथ उशीर गाव : धोडंबे, ता...