agriculture news in marathi, 'Siddheshwar's chimani destroy petition for adjournment was rejected | Agrowon

‘सिद्धेश्‍वर'च्या चिमणी पाडकाम स्थगितीची याचिका फेटाळली

टीम अॅग्रोवन
बुधवार, 8 ऑगस्ट 2018

``विमानसेवेला अडथळा ठरणारी सिद्धेश्‍वर कारखान्याची चिमणी पर्यायी जागेत उभा करण्यासाठी जागा सुचविण्याची मागणी आम्ही वेळेत केली होती. त्यासाठी विमान प्राधिकरणाने आठ महिने घालविले. त्यामुळे वेळेत पर्यायी व्यवस्था करता आली नाही. न्यायालयानेही विमानात बसणाऱ्या प्रवाशांचा विचार केला; परंतु साखर कारखान्यावर उपजीविका असलेले शेतकरी, कामगार, मजूर यांचा विचार केला नाही. या निकालाची प्रत अद्याप मिळालेली नाही. ती मिळाल्यावर आम्ही दाद मागू.``
- धर्मराज काडादी, चेअरमन, सिद्धेश्‍वर साखर कारखाना

``न्यायालयाने दिलेल्या आदेशानुसार कार्यवाही करण्याची सूचना महापालिका आयुक्तांना देण्यात आली आहे. चिमणी व विमानसेवा याबाबत राज्याच्या मुख्य सचिवांनी आढावा घेतला आहे. त्यानुसार येत्या काळात कार्यवाही केली जाईल.``
- डॉ. राजेंद्र भोसले, जिल्हाधिकारी, सोलापूर

सोलापूर : विमानतळास अडथळा ठरणाऱ्या कुमठे येथील श्री सिद्धेश्‍वर सहकारी साखर कारखान्याची चिमणी हटविण्याच्या जिल्हाधिकाऱ्यांच्या आदेशाला विरोध करणारी याचिका मुंबई उच्च न्यायालयाने फेटाळली.

साखर कारखान्यामध्ये असलेल्या सुमारे ९० फूट चिमणीला हटविण्याच्या आदेशाविरोधात कारखान्याच्या वतीने न्यायालयात याचिका दाखल करण्यात आल्या होत्या. या याचिकांवर न्या. एस. सी. धर्माधिकारी आणि न्या. भारती डांग्रे यांच्या खंडपीठापुढे सुनावणी झाली. येथील होटगी, विमानतळ परिसराजवळच हा कारखाना आहे. चिमणीच्या उंचीमुळे येथील सुरक्षिततेला धोका निर्माण होत आहे. तसेच अशाप्रकारे चिमणी असणेदेखील नियमांचे उल्लंघन करणारे आहे, असे मत न्यायालयाने यापूर्वी व्यक्त केले आहे.

विमानतळ परिसरात असलेल्या उंच इमारती किंवा बांधकामामुळे विमान प्रवाशांच्या आणि परिसरातील नागरिकांच्या जिवाला धोका निर्माण होऊ शकतो, त्यामुळे त्याबाबत मुभा देता येत नाही, असेही न्यायालयाने यापूर्वी स्पष्ट केले होते. याचिकाकर्त्यांच्या वतीने ॲड. वाय. एस. जहागीरदार यांच्यासह ॲड. सिद्धार्थ वाकणकर, तर केंद्र सरकारतर्फे अतिरिक्त सॉलिसिटर जनरल अनिल सिंग यांनी काम पाहिले.


इतर बातम्या
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...