Agriculture news in Marathi, Siddhewadi and Anjani lake dry | Page 2 ||| Agrowon

सिद्धेवाडी आणि अंजनी तलाव कोरडे

टीम अॅग्रोवन
रविवार, 14 जुलै 2019

सांगली ः पावसाळा सुरू होऊन एक महिना संपला. तरीदेखील दुष्काळी पट्ट्यातील तासगाव तालुक्याच्या पूर्व भागात पाऊस बरसला नाही. ऐन पावसाळ्यात तासगाव पूर्व भागात पाणीटंचाई उभी आहे. या भागात असलेले सिद्धेवाडी आणि अंजनी तलाव कोरडे आहेत. त्यातही म्हैसाळ आणि विसापूर-पुनदी योजना बंद झाल्याने पाण्याची समस्या अधिकच तीव्र होणार असल्याने शेतकरी चिंतातूर झाले आहेत.

सांगली ः पावसाळा सुरू होऊन एक महिना संपला. तरीदेखील दुष्काळी पट्ट्यातील तासगाव तालुक्याच्या पूर्व भागात पाऊस बरसला नाही. ऐन पावसाळ्यात तासगाव पूर्व भागात पाणीटंचाई उभी आहे. या भागात असलेले सिद्धेवाडी आणि अंजनी तलाव कोरडे आहेत. त्यातही म्हैसाळ आणि विसापूर-पुनदी योजना बंद झाल्याने पाण्याची समस्या अधिकच तीव्र होणार असल्याने शेतकरी चिंतातूर झाले आहेत.

तासगाव तालुक्याचा पूर्व भाग तसा दुष्काळी आहे. या भागात उन्हाळी पाऊस झाला नाही, तर जून महिना संपला, जुलै महिन्या निम्मा झाला तरीदेखील या भागात पावसाने हजेरी लावली नाही. परिणामी शेतकरी अडचणीत सापडला आहे. या भागात सिद्धेवाडी आणि अंजनी हे दोन तलाव मोठे आहेत. याच तलावातील पाण्यावर शेती आणि पिण्याच्या पाण्याची सोय आहे. या दोन्ही तलावावरील सुमारे १५ ते २० गावांच्या पाण्याची प्रश्न गंभीर झाला आहे. तर परंतु पाऊस नसल्याने हे दोन्ही तलाव कोरडे पडले आहेत.

म्हैसाळ उपसा सिंचन योजना सुरू होती. याच योजनेवर तासगाव तालुक्यातील विसापूर-पुनदी ही योजना सुरू राहते. परतु ही योजना सुरू करण्यासाठी पाटबंधारे विभागाने पुढाकार घेतला नाही. त्यातच योजना सुरू असताना दुष्काळी भागातील तलाव भरून द्यावे, असे आदेश जिल्हाधिकारी यांनी दिले होते. परंतु पाटबंधारे विभागाने या भागातील तलावात पाणी सोडले नाही. अर्थात हे दोन्ही तलाव भरून दिले असते तर पाणीटंचाई कमी झाली असती. मात्र, जिल्हाधिकारी यांनी दिलेल्या आदेशाकडे पाटबंधारे विभागाने जाणीवपूर्वक दुर्लक्ष केले असल्याचे शेतकरी सांगत होते. दरम्यान, टेंभू उपसा सिंचन योजनचे पाणी खानापूर तालुक्यातून तासगावच्या पूर्व भागात पाणी देता येणे शक्य आहे. त्यासाठी अग्रणी नदी बारमाही करणे आवश्यक आहे. परंतु अग्रणी नदी बारमाही करण्यासाठीदेखील जिल्हा प्रशासनाने लक्ष दिले नाही. त्यामुळे पाणीटंचाईची दाहकता अधिक वाढली आहे. 

सिद्धेवाडी तलावावर सावळज, सिद्धेवाडी, दहिवडी, जरडी, वायफळे, मांजर्डे, गौरगाव, बस्तवडे, गावे अवलंबून आहेत. परंतु तलावात पाणी नसल्याने या गावांना आठ-आठ दिवस पाणीपुरवठा होत नाही. सर्व प्रादेशिक योजना ठप्प आहेत. प्रशासनाकडून पुरेसे टॅंकर सुरू केले, अशीच अवस्था अंजनी तलावावरील गावांची आहे.


इतर बातम्या
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
राज्यातील लॉकडाउनबाबत उद्या बैठकमुंबई : केंद्र सरकारने पाचव्या लॉकडाउनचे...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
कंटेनमेंट झोनमध्ये ३० जूनपर्यंत लॉकडाउन...नवी दिल्ली : कोरोनाच्या जागतिक साथीमुळे २५...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
बीड विभागात कापसाची १६ लाख ११ हजार...बीड : कृषी विभागाच्या कर्मचाऱ्यांची साथ...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
शेतकऱ्यांनी न खचता सज्ज राहावे ः...परभणी : ‘‘मराठवाड्यातील शेती पुढे अनेक समस्‍या...
नायगावात कोट्यवधीचा कापूस आगीमुळे खाक नांदेड : जिल्ह्यातील नायगाव येथील भारतीय कापूस...
खानदेशात धान्य लिलाव बंदच जळगाव : खानदेशात अनेक बाजार समित्यांमध्ये धान्य...