Agriculture news in marathi; Signs of completion of cultivation of red onion in Nashik district | Agrowon

नाशिक जिल्ह्यात लाल कांद्याची लागवड पूर्ण होण्याची चिन्हे

टीम अॅग्रोवन
सोमवार, 23 सप्टेंबर 2019

नाशिक  : महाराष्ट्रात होणारी खरीप कांद्याची लागवड जुलै व आॅगस्टच्या पहिल्या आठवड्यातच होते; परंतु नाशिक जिल्ह्यात जुलैच्या अखेरीस पावसाने ओढ दिल्याने खरीप हंगामातील लाल कांद्याच्या लागवडी लांबणीवर पडल्या. मात्र, पुन्हा पाऊस झाल्याने मध्यंतरीच्या कालावधीत लागवडी पुन्हा सुरू होऊन त्या मंदावल्या आहेत, त्यामुळे एकंदरीत नाशिक जिल्ह्यातील असलेली प्रस्तावित कांदा लागवड पूर्ण होण्याची चिन्हे आहेत. लागवड जरी वाढली तरी त्यामुळे कांद्याची काढणी लांबणीवर जाणार आहे. 

नाशिक  : महाराष्ट्रात होणारी खरीप कांद्याची लागवड जुलै व आॅगस्टच्या पहिल्या आठवड्यातच होते; परंतु नाशिक जिल्ह्यात जुलैच्या अखेरीस पावसाने ओढ दिल्याने खरीप हंगामातील लाल कांद्याच्या लागवडी लांबणीवर पडल्या. मात्र, पुन्हा पाऊस झाल्याने मध्यंतरीच्या कालावधीत लागवडी पुन्हा सुरू होऊन त्या मंदावल्या आहेत, त्यामुळे एकंदरीत नाशिक जिल्ह्यातील असलेली प्रस्तावित कांदा लागवड पूर्ण होण्याची चिन्हे आहेत. लागवड जरी वाढली तरी त्यामुळे कांद्याची काढणी लांबणीवर जाणार आहे. 

चालू हंगामातील लाल कांद्याच्या लागवडीचे सर्वसाधारण क्षेत्र २०,५८४ हेक्टर होते, त्यापैकी १९,३४१ हेक्टरवर लागवडी पूर्ण झाल्या आहेत. येवला तालुक्यातील लागवडीखालील क्षेत्र कमालीचे घटले आहे. त्याखालोखाल देवळा व चांदवड तालुका आहे, तर दुसरीकडे मालेगाव तालुक्यात चित्र समाधानकारक आहे. सटाणा, नांदगाव व मालेगावमध्ये लागवड वाढली आहे; तर सुरगाणा, इगतपुरी, पेठमध्ये लागवड निरंक आहे. नाशिक जिल्ह्यात लाल कांद्याच्या लागवडीसाठी सुमारे ३५४० हेक्टर क्षेत्रावर रोपवाटिका तयार करण्यात आली होती.

पाऊस उशिरा झाल्यामुळे कांद्याच्या रोपवाटिका उशिरा तयार झाल्या असून, जुलैअखेरीस पुन्हा पावसाने पाठ फिरवली होती. मात्र, ऑगस्टच्या पहिल्या आठवड्यात झालेल्या अतिवृष्टीमुळे अनेक रोपे वाया गेली. लाल कांदा लागवड हंगाम शेवटच्या टप्प्यात असताना कांदा लागवडीला म्हणावा तसा वेग मिळालेला नाही. त्याचा प्रमुख फटका कळवण व देवळा तालुक्याला बसला आहे. त्यामुळे नशिक जिल्ह्यात मोठ्या प्रमाणात उशिरा कांदा लागवड होण्याची शक्यता आहे.

काढणी जाणार लांबणीवर 
लाल कांदा लागवड उशिरा झाल्याने कांदा उशिरा बाजारात दाखल होईल, त्याचा थेट परिणाम कांद्याच्या बाजारपेठेवर होणार आहे. बाजारपेठेत सध्या असलेला कांद्याचा वाढलेला दर त्याचेच कारण आहे. मात्र, पावसामुळे काही लागवडी खराब झाल्याने उत्पादनात परिणाम होण्याची शक्यता आहे. त्यामुळे काढणी लांबण्यासह उत्पादनावर परिणाम होणार हे नक्की आहे. त्यामुळे कांद्याला चांगले दर मिळण्याची अपेक्षा कांदा उत्पादकांनी व्यक्त केली आहे. 

कांदा लागवडीची स्थिती

तालुका  सर्वसाधारण क्षेत्र  लागवड झालेले क्षेत्र
मालेगाव  २४३० ३६९२
सटाणा  १२०० ३८५५
नांदगाव  ५४० ४३९८
कळवण  ३७५ ८८ 
देवळा  १५१५ ४८५
दिंडोरी  १९५ ००
सुरगाणा  १० ००
नाशिक  १३५ ००
त्रंबकेश्वर  ०० ००
इगतपुरी  ५६ ००
पेठ  ०० ००
नाशिक  ४५० ००
सिन्नर  ५१८   ४७२
येवला  ८३००   १७१२ 
चांदवड  ४८६०  ४४०७
 

 


इतर ताज्या घडामोडी
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...
पुणे विभागात गहू क्षेत्रात ३६ हजार...पुणे ः गहू पेरणीस पोषक हवामान उशिराने तयार झाले....
संघटित कुक्कुटपालनातून ‘बर्ड फ्लू’चा...नाशिक : विभागात संघटित व शास्त्रीय पद्धतीने...
अण्णांच्या शेतकरी आंदोलनाला चार...नगर ः पीपल्स हेल्पलाइन, भारतीय जनसंसद व ‘मेरे देश...
महाराष्ट्राच्या चित्ररथावर संत...राळेगणसिद्धी, जि. नगर : प्रजासत्ताकदिनी (ता. २६)...
मराठवाड्यातील उपयुक्‍त पाण्यात दोन...औरंगाबाद : मराठवाड्यातील एकूण प्रकल्पांमधील...
जालना जिल्ह्यातील दोन केंद्रांत अडीच...जालना : येथील कृषी उत्पन्न बाजारसमिती व उपबाजार...
पाणीपुरवठ्यापासून एकही गाव वंचित...परभणी ः  ‘‘‘हर घर नल से जल’ योजनेअंतर्गत...
लिंबूवर्गीय फळांच्या आयातीवरील बंधने...२०२१ च्या सुरवातीस ब्रिटनने युरोपीय संघाच्या एकल...
पीकविमा सरसकट द्या; ‘प्रहार जनशक्ती’ची...नांदेड : पीकविमा मंजूर व्हावा म्हणून यापूर्वी...
मनमाडमध्ये शेतकऱ्यांच्या ट्रॅक्टर...नाशिक : मनमाड येथे किसान सभेच्या वतीने ...
नगर जिल्हा बँकेची निवडणूक महाविकास...नगर :  नगर जिल्हा मध्यवर्ती सहकार बॅंकेची...
समन्यायी पाणी वाटप आव्हानात्मक विषय : ...नांदेड : समन्यायी पाणी वाटप हा दिवसेंदिवस अत्यंत...
`मका खरेदीची प्रक्रिया शुक्रवारपर्यंत...नाशिक: ‘‘मका खरेदीसाठी शासनाने ३२ जानेवारी पर्यंत...
तीन हजार महिलांना देणार रोजगार : विजय...चंद्रपूर : ‘जिच्या हाती पाळण्याची दोरी, ती जगाला...
पत्र्या ठोकण्याची वेळ आणू नका : राजू...सांगली : केंद्र सरकार कृषी कायदे शेतकऱ्यांवर...
मका खरेदीचे कमी उद्दिष्ट, शेतकऱ्यांसमोर...बुलडाणा : मका खरेदीसाठी शासनाने नवे उद्दिष्ट देऊन...
सांगलीत यंदा चारा टंचाई भासणार नाहीसांगली ः गेल्या वर्षी जिल्ह्यातील दुष्काळी...
‘किसान गणतंत्र परेड’साठी शेतकऱ्यांचे...नवी दिल्ली : प्रजासत्ताक दिनानिमित्त राजधानी...